ԹԱԳԱՒՈՐՈՒԹԵԱՆՑ ԱՌԱՋԻՆ 31:1 - Գրաբար Աստվածաշունչ (1895)

¹ Եւ այլազգիքն պատերազմէին ընդ Իսրայելի. եւ փախեան արք Իսրայելի յերեսաց այլազգեացն, եւ անկանէին վիրաւորք ի լերինն Գեղբուայ։

ԹԱԳԱՒՈՐՈՒԹԵԱՆՑ ԱՌԱՋԻՆ 31:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:21

Լերինք Գեղբուայ, մի՛ իջցէ ի ձեզ ցօղ, եւ մի՛ եկեսցէ ի վերայ ձեր անձրեւ, անդաստանք պտղոց, զի անդ ապականեցաւ ասպար զօրաւորաց. վահանն Սաւուղայ ոչ օծաւ իւղով։

ԹԱԳԱՒՈՐՈՒԹԵԱՆՑ ԵՐԿՐՈՐԴ 1:6

Եւ ասէ պատանին որ պատմեաց նմա. Դիպելով դիպեցայ ի լերինն Գեղբուայ, եւ ահա Սաւուղ յեցեալ կայր ի նիզակն իւր. եւ ահա կառք եւ ախոյանք հեծելոց գումարեցան ի նա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 4:4

Եւ Յովնաթանու որդւոյ Սաւուղայ էր որդի մի հաշմ ոտիւք, որդի ամաց հնգից. եւ զնա ի հասանել գուժին Սաւուղայ եւ Յովնաթանու որդւոյ նորա յԵզրայելէ՝ ա՛ռ դայեակ իւր եւ փախեաւ. եւ եղեւ ընդ փութանալն իւրում ի գաղթել՝ անկաւ եւ կաղացաւ. եւ անուն նորա Մեմփիբոսթէ։

ԹԱԳԱՒՈՐՈՒԹԵԱՆՑ ԱՌԱՋԻՆ 12:25

Եւ եթէ խարդախութեամբ խարդախիցէք, ե՛ւ դուք ե՛ւ թագաւոր ձեր սատակիցիք։

ԹԱԳԱՒՈՐՈՒԹԵԱՆՑ ԱՌԱՋԻՆ 28:1

Եւ եղեւ յաւուրսն յայնոսիկ՝ ժողովեցան այլազգիքն բանակօք իւրեանց ելանել պատերազմել ընդ Իսրայելի. եւ ասէ Անքուս ցԴաւիթ. Գիտալով գիտասցես, զի ընդ իս ելանելոց ես ի պատերազմ, դու եւ արք քո։

ԹԱԳԱՒՈՐՈՒԹԵԱՆՑ ԱՌԱՋԻՆ 28:15

Եւ ասէ Սամուէլ ցՍաւուղ. Զի՞ լլկեցեր զիս ելանել ինձ՝՝։ Եւ ասէ Սաւուղ. Նեղեալ եմ յոյժ, եւ այլազգիք պատերազմին ընդ իս, եւ Աստուած հեռացաւ յինէն, եւ ոչ լուաւ ինձ ոչ մարգարէիւք, եւ ոչ երազովք. եւ արդ կոչեցի զքեզ ցուցանել ինձ զինչ գործեցից։

ԹԱԳԱՒՈՐՈՒԹԵԱՆՑ ԱՌԱՋԻՆ 28:19

Եւ մատնեսցէ Տէր զԻսրայէլ քեւ հանդերձ ի ձեռս այլազգեացն, եւ վաղիւ դու եւ որդիք քո ընդ քեզ անկցին՝՝, եւ զբանակն Իսրայելի տացէ Տէր ի ձեռս այլազգեացն։

ԹԱԳԱՒՈՐՈՒԹԵԱՆՑ ԱՌԱՋԻՆ 28:4

Եւ գումարեցան այլազգիքն, եւ եկին բանակեցան ի Սովման. եւ ժողովեաց Սաւուղ զամենայն այր Իսրայելի, եւ բանակեցան ի Գեղբուէ։

ԹԱԳԱՒՈՐՈՒԹԵԱՆՑ ԱՌԱՋԻՆ 29:1

Եւ ժողովեցին այլազգիքն զամենայն զբանակս իւրեանց յԱփեկ, եւ բանակեցաւ Իսրայէլ յԱյենդովր Յեզրայելի։