ԹԱԳԱՒՈՐՈՒԹԵԱՆՑ ԱՌԱՋԻՆ 23:27 - Գրաբար Աստվածաշունչ (1895)

²⁷ Եւ եկն հրեշտակ առ Սաւուղ եւ ասէ. Փութա եկ այսր, զի արշաւեցին այլազգիք յերկիրս։

ԹԱԳԱՒՈՐՈՒԹԵԱՆՑ ԱՌԱՋԻՆ 23:27 ပူးပေါင်းရင်းမြစ်များ

ԾՆՈՒՆԴՔ 22:14

Եւ կոչեաց Աբրահամ զանուն տեղւոյն այնորիկ Տէր ետես. զի ասիցեն ցայսօր. Ի լերինն յայնմիկ Տէր երեւեցաւ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:9

Եւ նա լուաւ զԹարակայ արքայէ Եթովպացւոց, ասեն. Ահա ել պատերազմել ընդ քեզ։ Եւ դարձաւ անդրէն, եւ առաքեաց հրեշտակս առ Եզեկիա եւ ասէ.

ՄՆԱՑՈՐԴԱՑ ԱՌԱՋԻՆ 14:13

Եւ յաւելին այլ եւս այլազգիքն եւ հանդիպեցան ի հովտին Սկայից։

ԵՐԿՐՈՐԴՈՒՄՆ ՕՐԻՆԱՑ 32:36

Զի դատեսցէ Տէր զժողովուրդ իւր, եւ ի ծառայս իւր մխիթարեսցի. զի ետես զնոսա լուծեալս եւ լքեալս եւ մատնեալս ի գերութիւն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 12:16

Եւ օգնեաց երկիր կնոջն, եւ եբաց երկիր զբերան իւր եւ եկուլ զջուրն զոր եհեղ վիշապն ի բերանոյ իւրմէ։

ԹԱԳԱՒՈՐՈՒԹԵԱՆՑ ԱՌԱՋԻՆ 23:26

Երթայր Սաւուղ եւ արք իւր՝՝ զայս կողմն լերինն, եւ Դաւիթ եւ արք իւր առ ի կողմն զայն կողմն լերինն. եւ եղեւ Դաւթի թաքստեամբ երթալ յերեսաց Սաւուղայ. եւ Սաւուղ եւ արք նորա պատեցան զԴաւթիւ եւ զարամբք նորա ունել զնոսա։

ԹԱԳԱՒՈՐՈՒԹԵԱՆՑ ԱՌԱՋԻՆ 23:28

Եւ դարձաւ Սաւուղ չպնդել զհետ Դաւթի, եւ չոգաւ ընդդէմ այլազգեացն. վասն այնորիկ կոչեցաւ տեղին այն Վէմ բաժանեալ։

ԹԱԳԱՒՈՐՈՒԹԵԱՆՑ ԱՌԱՋԻՆ 27:10

Եւ ասէր Անքուս ցԴաւիթ. Որո՞ւմ կողման արշաւեցէք այսօր։ Եւ ասէ Դաւիթ ցԱնքուս. Ի կողմանս հարաւոյ Հրէաստանի, եւ ի կողմանս Յերամելի, եւ ի կողմանս Կենեզայ։