ԹԱԳԱՒՈՐՈՒԹԵԱՆՑ ԱՌԱՋԻՆ 2:15 - Գրաբար Աստվածաշունչ (1895)

¹⁵ Եւ մինչչեւ ճարպն ճենճերեալ էր, գայր մանուկ քահանային եւ ասէր ցայրն որ զոհէրն. Տուր միս խորովելոյ քահանային, եւ ոչ առնում ի քէն միս եփեալ ի սանէ՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 2:15 ပူးပေါင်းရင်းမြစ်များ

ԵԼՔ 12:9

Եւ ոչ ուտիցէք ի նոցանէ հում, եւ ոչ պախ եփեալ ջրով, այլ խորովեալ հրով. զգլուխն ոտիւքն հանդերձ, եւ զփորոտին նորա։

ՂԵՒՏԱԿԱՆ 3:16

եւ հանցէ քահանայն ի սեղանն պտուղ ի հոտ անուշից Տեառն. զամենայն ճարպ Տեառն՝՝։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 16:18

Զի այնպիսիքն Տեառն մերում Քրիստոսի ոչ ծառայեն, այլ իւրեանց որովայնին. եւ քաղցրաբանութեամբ եւ օրհնութեամբ պատրեն զսիրտս անմեղաց։

ԱՌ ՓԻԼԻՊԵՑԻՍ ԹՈՒՂԹ 3:19

Որոց կատարածն կորուստ է, որոց աստուած որովայնն իւրեանց է, եւ փառք՝ ամօթն իւրեանց, որք զերկրաւորս եւեթ խորհին։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:12

Սոքա են ատեցեալք շոգմոգք՝ երթեալ զհետ ցանկութեանց իւրեանց, ի սէրս իւրեանց խարդախութեամբ, լինին ընդ ձեզ ուրախակիցք, աներկեւղ՝՝ զանձինս ճարակեն. ամպք անջրդիք հողմակոծեալք, ծառք պտղակորոյսք, անպտուղք, կրկնամեռք, խլեալք արմատաքի.

ԹԱԳԱՒՈՐՈՒԹԵԱՆՑ ԱՌԱՋԻՆ 2:14

եւ արկանէր զայն յաւազան կամ ի սան մեծ պղնձի՝՝ կամ ի պոյտն, եւ զամենայն որ ինչ գայր ի մսահանն՝ առնոյր իւր քահանայն։ Ըստ այսմ օրինակի առնէին ամենայն Իսրայելի որ գային զոհել ի տուն Տեառն՝՝ ի Սելով։

ԹԱԳԱՒՈՐՈՒԹԵԱՆՑ ԱՌԱՋԻՆ 2:16

Եւ ասէր այրն որ զոհէր. Ճենճերեսցի նախ ճարպն որպէս օրէն է, եւ ապա առցես քեզ յամենայնէ որոց եւ ցանկասցի անձն քո։ Եւ նա ասէր. Ոչ, բայց եթէ արդ տայցես. եւ եթէ ոչ տաս՝ ուժգին առից։