ԹԱԳԱՒՈՐՈՒԹԵԱՆՑ ԱՌԱՋԻՆ 17:22 - Գրաբար Աստվածաշունչ (1895)

²² Եւ եթող Դաւիթ զկարասին յինքենէ ի ձեռն վանապանին, եւ ընթացաւ ի ճակատն, եւ եկն եհարց զողջունէ եղբարցն իւրոց։

ԹԱԳԱՒՈՐՈՒԹԵԱՆՑ ԱՌԱՋԻՆ 17:22 ပူးပေါင်းရင်းမြစ်များ

ԾՆՈՒՆԴՔ 37:14

Ասէ ցնա Իսրայէլ. Երթ տես եթէ ո՞ղջ իցեն եղբարքն քո եւ խաշինք, եւ բեր ինձ զրոյց։ Եւ առաքեաց զնա ի ծործորոյն Քեբրոնի. եկն ի Սիւքեմ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:7

Եւ եկեալ Ուրիա եմուտ առ Դաւիթ, եւ եհարց Դաւիթ զողջունէ Յովաբայ եւ զողջունէ զօրուն եւ զողջունէ պատերազմին։

ԵԼՔ 18:7

Ել Մովսէս ընդ առաջ աներոյն իւրոյ, եւ երկիր եպագ նմա եւ համբուրեաց զնա. եւ ողջոյն ետուն միմեանց ի խաղաղութիւն, եւ տարաւ զնոսա ի խորանն։

ՄԱՐԳԱՐԷՈՒԹԻՒՆ ԵՍԱՅԵԱՅ 10:28

Քանզի հասցէ ի քաղաքն Անգէ, եւ անցցէ ի Մակեդդով, եւ՝՝ ի Մաքմաս դիցէ զկազմած իւր։

ԴԱՏԱՒՈՐՔ 18:15

Եւ խոտորեցան անդ, եւ մտին ի տուն պատանեկին Ղեւտացւոյ, որ էր ի տան Միքայ, եւ հարցին զողջունէ նորա։

ԴԱՏԱՒՈՐՔ 18:21

Եւ դարձան գնացին, եւ հարին համօրէն զտունն, եւ զստացուածն վայելչութեան նորա առաջի նոցա՝՝։

ԹԱԳԱՒՈՐՈՒԹԵԱՆՑ ԱՌԱՋԻՆ 17:21

եւ ճակատեցան Իսրայելացիքն եւ այլազգիքն հանդէպ միմեանց ճակատ առ ճակատ։

ԹԱԳԱՒՈՐՈՒԹԵԱՆՑ ԱՌԱՋԻՆ 25:5

Եւ առաքեաց Դաւիթ մանկունս տասն, եւ ասէ Դաւիթ ցմանկունսն. Ելէք ի Կարմեղոս՝ եւ երթայք առ Նաբաղ, եւ հարցէք յանուն իմ զողջունէ նորա,

ԹԱԳԱՒՈՐՈՒԹԵԱՆՑ ԱՌԱՋԻՆ 30:21

Եւ եկն Դաւիթ առ երկերիւրսն լքեալս յերթալոյ զկնի Դաւթի, եւ նստոյց զնոսա ի հեղեղատին Բոսորայ. եւ ելին ընդ առաջ Դաւթի եւ ընդ առաջ զօրուն որ ընդ նմա. եւ մատեաւ Դաւիթ առ զօրն, եւ եհարց զողջունէ նորա ի խաղաղութիւն։