ԹԱԳԱՒՈՐՈՒԹԵԱՆՑ ԱՌԱՋԻՆ 14:37 - Գրաբար Աստվածաշունչ (1895)

³⁷ Եւ եհարց Սաւուղ զԱստուած. Իջցո՞ւք զհետ այլազգեացն, եթէ մատնեսցե՞ս զնոսա ի ձեռս Իսրայելի։ Եւ ոչ արար նմա պատասխանի Տէր յաւուր յայնմիկ։

ԹԱԳԱՒՈՐՈՒԹԵԱՆՑ ԱՌԱՋԻՆ 14:37 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:19

Եւ եհարց Դաւիթ ի Տեառնէ եւ ասէ. Եթէ ելի՞ց ի վերայ այլազգեացն, եւ մատնեսցե՞ս զնոսա ի ձեռս իմ։ Եւ ասէ Տէր ցԴաւիթ. Ել. զի մատնելով մատնեցից զայլազգիսն ի ձեռս քո։

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:23

Եւ եհարց Դաւիթ ի Տեառնէ։ Եւ ասէ, եթէ՝ Ելի՞ց ի վերայ այլազգեացն, եւ մատնեսցե՞ս զնոսա ի ձեռս իմ։ Եւ ասէ Տէր. Մի՛ ելաներ ընդդէմ նոցա, դարձիր ի նոցանէն, եւ եկեսցես ի թեւէ նոցա մօտ ի Լալօնսն՝՝.

ԹԱԳԱՒՈՐՈՒԹԵԱՆՑ ԵՐՐՈՐԴ 22:15

Եւ եկն առ արքայ, եւ ասէ ցնա արքայ. Միքիա, ելի՞ց յՌամովթ Գաղաադ ի պատերազմ, եթէ զտեղի կալայց։ Եւ ասէ. Ել եւ յաջողեսցիս, եւ տացէ Տէր ի ձեռս արքայի։

ԹԱԳԱՒՈՐՈՒԹԵԱՆՑ ԵՐՐՈՐԴ 22:5

Եւ ասէ Յովսափատ արքայ Յուդայ՝՝ ցարքայն Իսրայելի. Աղէ, հարցէք այսօր զՏէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 20:3

Որդի մարդոյ, խօսեաց ընդ ծերսդ տանդ Իսրայելի եւ ասասցես ցդոսա. Այսպէս ասէ Ադոնայի Տէր. Եթէ հարցանե՞լ գայք դուք առ իս. կենդանի եմ ես եթէ տաց ինչ ձեզ պատասխանի, ասէ Ադոնայի Տէր։

ԴԱՏԱՒՈՐՔ 1:1

Եւ եղեւ յետ վախճանելոյն Յեսուայ՝ հարցանէին որդիքն Իսրայելի զՏէր եւ ասէին. Ո՞ ելցէ մեզ առ Քանանացին առաջնորդ՝ պատերազմել ընդ նմա։

ԴԱՏԱՒՈՐՔ 20:18

Եւ յարեան ելին ի Բեթէլ, եւ հարցին զԱստուած եւ ասեն որդիքն Իսրայելի. Ո՞վ ելցէ մեզ առաջնորդ պատերազմել ընդ որդիսն Բենիամինի։ Եւ ասէ Տէր. Յուդա ելցէ առաջնորդ՝՝։

ԴԱՏԱՒՈՐՔ 20:28

Եւ հարցին որդիքն Իսրայելի զՏէր, եւ ասեն. Յաւելցո՞ւք միւսանգամ ելանել ի պատերազմ ընդ որդիսն Բենիամինի եղբօր մերում, թէ դադարեսցուք։ Եւ ասէ Տէր. Ելէք, եւ վաղիւ տաց զնա ի ձեռս ձեր։

ԹԱԳԱՒՈՐՈՒԹԵԱՆՑ ԱՌԱՋԻՆ 10:22

Եւ եհարց միւսանգամ Սամուէլ՝՝ զՏէր. Եթէ գայցէ՞ այսր այրն։ Եւ ասէ Տէր. Աւադիկ թաքուցեալ է ընդ կարասեաւ։

ԹԱԳԱՒՈՐՈՒԹԵԱՆՑ ԱՌԱՋԻՆ 23:2

Եւ եհարց Դաւիթ ի Տեառնէ եւ ասէ. Եթէ երթա՞յց եւ հարկանիցե՞մ զայլազգիսն զայնոսիկ։ Եւ ասէ Տէր ցԴաւիթ. Երթ եւ հարցես զայլազգիսն, եւ փրկեսցես զԿեիլա։

ԹԱԳԱՒՈՐՈՒԹԵԱՆՑ ԱՌԱՋԻՆ 23:4

Եւ յաւել միւսանգամ Դաւիթ հարցանել ի Տեառնէ. եւ պատասխանի ետ նմա Տէր եւ ասէ ցնա. Արի էջ ի Կեիլա, զի ես մատնեցից զայլազգիսն ի ձեռս քո։

ԹԱԳԱՒՈՐՈՒԹԵԱՆՑ ԱՌԱՋԻՆ 28:6

Եւ եհարց Սաւուղ ի Տեառնէ, եւ ոչ արար նմա պատասխանի Տէր երազովք եւ գուշակութեամբք եւ մարգարէիւք։