ԹԱԳԱՒՈՐՈՒԹԵԱՆՑ ԱՌԱՋԻՆ 10:24 - Գրաբար Աստվածաշունչ (1895)

²⁴ Եւ ասէ Սամուէլ ցամենայն ժողովուրդն, եթէ՝ Տեսանիցէ՞ք զոր ընտրեացդ իւր Տէր, զի ոչ գոյ նման դորա յամենեսին ի ձեզ։ Եւ ծանեան՝՝ ամենայն ժողովուրդն եւ ասեն. Կեցցէ՜ արքայ։

ԹԱԳԱՒՈՐՈՒԹԵԱՆՑ ԱՌԱՋԻՆ 10:24 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 16:16

Եւ եղեւ իբրեւ եկն Քուսի Արաքացի բարեկամ Դաւթի առ Աբիսողոմ, եւ ասէ Քուսի ցԱբիսողոմ. Կեցցէ արքայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 21:6

տացին մեզ եւթն արք յորդւոց նորա, եւ յարագեսցուք զնոսա Տեառն ի Գաբաա Սաւուղայ ընտիրս Տեառն։ Եւ ասէ արքայ. Ես տաց ձեզ։

ԹԱԳԱՒՈՐՈՒԹԵԱՆՑ ԵՐՐՈՐԴ 1:21

եւ եղիցի՝ եթէ ննջեսցէ տէր իմ արքայ ընդ հարս իւր, լինիցիմ ես եւ որդի իմ Սողոմոն վնասապարտք։

ԹԱԳԱՒՈՐՈՒԹԵԱՆՑ ԵՐՐՈՐԴ 1:25

զի էջ այսօր եւ եզեն արջառս եւ ոչխարս եւ գառինս բազումս, եւ կոչեաց զամենայն որդիսն արքայի եւ զիշխանս զօրուն եւ զԱբիաթար քահանայ. եւ ահա ուտեն եւ ըմպեն առաջի նորա, եւ ասեն. Կեցցէ արքայ Ադոնիա։

ԹԱԳԱՒՈՐՈՒԹԵԱՆՑ ԵՐՐՈՐԴ 1:34

եւ օծցեն զնա անդ Սադովկ քահանայ եւ Նաթան մարգարէ ի թագաւոր ի վերայ Իսրայելի. եւ փող հարէք եղջերեաւն եւ ասասջիք. Կեցցէ արքայ Սողոմոն։

ԹԱԳԱՒՈՐՈՒԹԵԱՆՑ ԵՐՐՈՐԴ 1:39

Եւ ա՛ռ Սադովկ քահանայ զեղջեւրն իւղոյ ի խորանէն եւ օծ զՍողոմոն եւ եհար զփողն եղջերեայ, եւ ասէ ամենայն ժողովուրդն. Կեցցէ արքայ Սողոմոն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 11:12

Եւ առաքեաց զարքայորդին, եւ եդ ի վերայ նորա զյեզերն եւ զվկայութիւնն. եւ թագաւորեցոյց զնա եւ օծ զնա, եւ ծափս եհար եւ ասէ՝՝. Կեցցէ՛ արքայ։

ՄՆԱՑՈՐԴԱՑ ԵՐԿՐՈՐԴ 23:11

Եւ եհան զորդին արքայի, եւ եդ ի վերայ նորա զթագն եւ զվկայութիւնն. եւ թագաւորեցուցին եւ օծին զնա Յովիդայէ եւ որդիք իւր, եւ ասեն. Կեցցէ արքայ։

Մատթեոսի Աւետարան 21:9

Եւ ժողովուրդքն որ առաջին եւ զկնի երթային՝ աղաղակէին եւ ասէին. Օրհնութիւն Որդւոյ Դաւթի, օրհնեալ որ գայ յանուն Տեառն. Օրհնութիւն ի բարձունս։

ԵՐԿՐՈՐԴՈՒՄՆ ՕՐԻՆԱՑ 17:15

կացուցանելով կացուսցես ի վերայ քո իշխան, զոր ընտրեսցէ Տէր Աստուած քո. յեղբարց քոց կացուսցես քեզ իշխան. եւ մի՛ իշխեսցես կացուցանել քեզ զայր օտար որ չիցէ եղբայր քո։

ԹԱԳԱՒՈՐՈՒԹԵԱՆՑ ԱՌԱՋԻՆ 11:15

Եւ չոգաւ ամենայն ժողովուրդն ի Գաղգաղա, եւ օծ անդ Սամուէլ զՍաւուղ ի թագաւոր՝՝ առաջի Տեառն ի Գաղգաղա. եւ զոհեցին անդ զոհս խաղաղականս առաջի Տեառն. եւ ուրախ եղեւ անդ Սամուէլ եւ ամենայն ժողովուրդն յոյժ։

ԹԱԳԱՒՈՐՈՒԹԵԱՆՑ ԱՌԱՋԻՆ 12:1

Եւ ասէ Սամուէլ ցամենայն արս Իսրայելացիս. Ահաւասիկ լուայ ձայնի ձերում յամենայնի զոր ասացէք ինձ, եւ թագաւորեցուցի ձեզ թագաւոր։

ԹԱԳԱՒՈՐՈՒԹԵԱՆՑ ԱՌԱՋԻՆ 12:13

Եւ արդ աւադիկ թագաւորդ զոր ընտրեցէք եւ զոր խնդրեցէք, եւ ահա ետ ձեզ Տէր թագաւոր։

ԹԱԳԱՒՈՐՈՒԹԵԱՆՑ ԱՌԱՋԻՆ 9:2

Եւ էր նորա որդի, եւ անուն նորա Սաւուղ, այր բարի եւ անձնեայ. եւ ոչ գոյր յորդիսն Իսրայելի այր լաւ քան զնա. ուսովք չափ ի վեր բարձր էր քան զամենայն ժողովուրդն։