ԹԱԳԱՒՈՐՈՒԹԵԱՆՑ ԵՐՐՈՐԴ 9:3 - Գրաբար Աստվածաշունչ (1895)

³ եւ ասէ ցնա Տէր. Լուայ ձայնի աղօթից քոց եւ պաղատանաց զոր պաղատեցար առաջի իմ, արարի քեզ ըստ ամենայն աղօթից քոց.՝՝ սրբեցի զտունն զոր շինեցեր դնել զանուն իմ անդ յաւիտեան, եւ եղիցին աչք իմ եւ սիրտ իմ անդ զամենայն աւուրս։

ԹԱԳԱՒՈՐՈՒԹԵԱՆՑ ԵՐՐՈՐԴ 9:3 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:29

լինել բաց աչաց քոց զցայգ եւ զցերեկ ի տեղւոջս զորմէ ասացեր թէ՝ Եղիցի անուն իմ անդ, ի լսել աղօթից զոր աղաչէ ծառայ քո ի տեղւոջս յայսմիկ ի տուէ եւ ի գիշերի՝՝։

ԹԱԳԱՒՈՐՈՒԹԵԱՆՑ ՉՈՐՐՈՐԴ 20:5

Դարձիր անդրէն, եւ ասասցես ցԵզեկիա ցառաջնորդ ժողովրդեան իմոյ. Այսպէս ասէ Տէր Աստուած Դաւթի հօր քո. Լուայ աղօթից քոց եւ տեսի զարտասուս քո. ահա ես բժշկեցից զքեզ, եւ յաւուրն երրորդի ելցես ի տուն Տեառն.

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:7

Եւ եդ զդրօշեալս անտառաց ի տան Տեառն՝՝, զորմէ ասաց Տէր ցԴաւիթ եւ ցՍողոմոն որդի նորա, թէ՝ Ի տանս յայսմիկ եւ յԵրուսաղէմ զոր ընտրեցի յամենայն ցեղիցն Իսրայելի՝ եդից զանուն իմ յաւիտեան,

ՄՆԱՑՈՐԴԱՑ ԵՐԿՐՈՐԴ 33:7

Եւ դրօշեալ եւ ձուլածոյ եւ պատկեր զոր արար ի տանն Տեառն, զորմէ ասաց Աստուած ցԴաւիթ եւ ցՍողոմոն որդի նորա. Ի տանս յայսմ եւ յԵրուսաղէմ զոր ընտրեցի յամենայն ցեղիցն Իսրայելի՝ եդից զանուն իմ յաւիտեան.

ՄՆԱՑՈՐԴԱՑ ԵՐԿՐՈՐԴ 6:40

Եւ արդ, Տէր, եղիցին աչք քո բաց, եւ ականջք քո առ ի լսել զպաղատանս ի տեղւոջս յայսմ։

ԵԶՐ 6:12

Եւ Աստուած՝ որոյ բնակեալ է անուն նորա անդ, ելցէ եւ աւերեսցէ զթագաւորութիւնն եւ զժողովուրդն, որ յանդգնեցաւ ձգել զձեռն իւր եւ արգելուլ ապականել զտունն Աստուծոյ որ յԵրուսաղէմ. ես Դարեհ թագաւոր եդի զհրամանս զայս եւ մի՛ ոք իշխեսցէ անցանել՝՝։

ԳԻՐՔ ՍԱՂՄՈՍԱՑ 116:1

Օրհնեցէք զՏէր ամենայն ազինք, գովեցէք զնա ամենայն ժողովուրդք։

ԳԻՐՔ ՍԱՂՄՈՍԱՑ 34:17

Տէր, ե՞րբ տեսցես. ի բաց արա զանձն իմ ի խորամանկութենէ նոցա, եւ յառիւծուց զմիամօրութիւն իմ։

ԳԻՐՔ ՍԱՂՄՈՍԱՑ 65:3

Ասացէք Աստուծոյ. Որպէս զի՜ ահեղ են գործք քո, ի բազում զօրութեան քում ստեցին քեզ թշնամիք քո։

ԵԼՔ 20:11

Զի զվեց օր արար Տէր Աստուած զերկինս եւ զերկիր, եւ զծով եւ զամենայն որ ի նոսա, եւ հանգեաւ յաւուրն եւթներորդի. վասն այնորիկ օրհնեաց Տէր զօրն եւթներորդ եւ սրբեաց զնա։

ԵԼՔ 29:44

Եւ սրբեցից զխորան վկայութեանն եւ զսեղանն, եւ զԱհարոն եւ զորդիս նորա սրբեցից ինձ ի քահանայութիւն։

ՄԱՐԳԱՐԷՈՒԹԻՒՆ ԵՐԵՄԵԱՅ 15:1

Եւ ասէ ցիս Տէր. Եթէ կացցեն Մովսէս եւ Սամուէլ առաջի երեսաց իմոց, ոչ եղիցի անձն իմ ընդ նոսա. ի բաց արձակեա զժողովուրդդ զայդ յերեսաց իմոց, եւ ելցեն։

ՄԱՐԳԱՐԷՈՒԹԻՒՆ ԵՐԵՄԵԱՅ 7:10

եւ գայցէք կայցէք առաջի իմ ի տանս յայսմիկ՝ յորոյ վերայ կոչեցեալ է անուն իմ. եւ ասիցէք. Մերժեցաք յառնելոյ՝՝ զամենայն գարշելիսն զայնոսիկ։

ԹԻՒՔ 16:38

զի սրբեցան բուրուառքդ՝՝ մեղաւորացդ այդոցիկ յոգիս իւրեանց, եւ արասցես զայդ՝՝ դրուագս կռածոյս նուարտանս սեղանոյն. զի մատուցան առաջի Տեառն եւ սրբեցան. եւ եղիցին ի նշանակ որդւոցն Իսրայելի։

Մատթեոսի Աւետարան 6:9

Եւ արդ այսպէս կացէք դուք յաղօթս. Հայր մեր որ յերկինս, սուրբ եղիցի անուն քո.

ԱՒԵՏԱՐԱՆ ԸՍՏ ՅՈՎՀԱՆՆՈՒ 11:42

Եւ ես գիտէի զի յամենայն ժամ լսես ինձ. այլ վասն ժողովրդեանս որ շուրջ կան՝ առնեմ, զի հաւատասցեն թէ դու առաքեցեր զիս։

ԳՈՐԾՔ ԱՌԱՔԵԼՈՑ 10:31

Կոռնելիէ, լսելի եղեն աղօթք քո, եւ ողորմութիւնք քո յիշեցան առաջի Աստուծոյ.

ԵՐԿՐՈՐԴՈՒՄՆ ՕՐԻՆԱՑ 11:12

երկիր՝ զոր Տէր Աստուած քո դարմանէ զնա, հանապազ աչք Տեառն Աստուծոյ քո ի վերայ նորա, ի սկզբանէ տարւոյն մինչեւ ցկատարումն տարւոյն։

ԵՐԿՐՈՐԴՈՒՄՆ ՕՐԻՆԱՑ 12:11

եւ եղիցի տեղին զոր ընտրեսցէ Տէր Աստուած մեր կոչել զանուն իւր ի վերայ նորա, անդ մատուսջիք՝՝ զամենայն զոր ես պատուիրեմ ձեզ այսօր, զողջակէզս ձեր եւ զզոհս ձեր եւ զտասանորդս ձեր եւ զպտուղս ձեռաց ձերոց եւ զդահամունս ձեր՝՝, եւ զամենայն ընտիրս պատարագաց ձերոց զոր ուխտիցէք Աստուծոյ ձերում՝՝.

ԵՐԿՐՈՐԴՈՒՄՆ ՕՐԻՆԱՑ 12:21

Ապա թէ հեռագոյն իցէ ի քէն տեղին զոր ընտրեսցէ Տէր Աստուած քո անուանել զանուն իւր ի վերայ նորա՝՝, եւ զենուցուս յարջառոյ քումմէ եւ յոչխարէ քումմէ յորոց տացէ քեզ Աստուած, զոր օրինակ պատուիրեցի քեզ, կերիցես ի քաղաքս քո ըստ ցանկութեան անձին քո։

ԵՐԿՐՈՐԴՈՒՄՆ ՕՐԻՆԱՑ 12:5

այլ ի տեղւոջն զոր ընտրեսցէ Տէր Աստուած ձեր ի միում ի ցեղից ձերոց, անուանել զանուն իւր եւ կոչել ի նմա՝՝, խնդրեսջիք եւ մտջիք անդր.

ԵՐԿՐՈՐԴՈՒՄՆ ՕՐԻՆԱՑ 16:11

եւ ուրախ լիցիս առաջի Տեառն Աստուծոյ քո դու եւ ուստր քո եւ դուստր քո, ծառայ քո եւ աղախին քո, եւ Ղեւտացին որ ի քաղաքս քո, եւ եկն եւ որբն եւ այրին որ ի ձեզ, ի տեղւոջն զոր ընտրեսցէ Տէր Աստուած անուանել զանուն իւր անդ։

ՅՈՎՀԱՆՆՈՒ ԱՌԱՋԻՆ՝՝ 5:14

Եւ այս է համարձակութիւնն զոր ունիմք մեք առ նա, զի զոր ինչ հայցեսցուք ըստ կամաց նորա՝ լսէ մեզ։