ԹԱԳԱՒՈՐՈՒԹԵԱՆՑ ԵՐՐՈՐԴ 8:65 - Գրաբար Աստվածաշունչ (1895)

⁶⁵ Եւ արար Սողոմոն յաւուր յայնմիկ տօն, եւ ամենայն Իսրայէլ ընդ նմա եկեղեցի մեծ, ի մտիցն Եմաթայ մինչեւ ցգետն Եգիպտացւոց. առաջի Տեառն Աստուծոյ մերոյ ի տանն զոր շինեաց, ուտելով եւ ըմպելով եւ ուրախ լինելով առաջի Տեառն Աստուծոյ մերոյ՝՝ զեւթն օր եւ զեւթն օր, աւուրս չորեքտասան։

ԹԱԳԱՒՈՐՈՒԹԵԱՆՑ ԵՐՐՈՐԴ 8:65 ပူးပေါင်းရင်းမြစ်များ

ԾՆՈՒՆԴՔ 15:18

Յաւուր յայնմիկ եդ Տէր ուխտ ընդ Աբրամու, եւ ասէ. Զաւակի քում տաց զերկիրդ զայդ, ի գետոյն Եգիպտացւոց մինչեւ ի գետն մեծ Եփրատ,

ԹԱԳԱՒՈՐՈՒԹԵԱՆՑ ԵՐՐՈՐԴ 3:15

Եւ զարթեաւ Սողոմոն եւ ահա երազ էր. եւ յարեաւ եկն յԵրուսաղէմ, եւ եկաց առաջի սեղանոյն յանդիման տապանակի ուխտին Տեառն ի Սիոն. եւ մատոյց ողջակէզս եւ արար խաղաղականս, եւ արար խրախութիւն մեծ իւր եւ՝՝ ամենայն ծառայից իւրոց։

ԹԱԳԱՒՈՐՈՒԹԵԱՆՑ ԵՐՐՈՐԴ 4:21

Եւ Սողոմոն իշխան էր թագաւորութեանց՝ ի գետոյ երկրին այլազգեաց՝՝ մինչեւ ի սահմանս Եգիպտոսի. բերէին պատարագս եւ ծառայէին Սողոմոնի զամենայն աւուրս կենաց նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 4:24

Զի էր իշխան ամենայնի յայնկոյս գետոյն՝ ի Թափսայ մինչեւ ցԳազա, ամենայն թագաւորութեանց յայնմ կողմանէ գետոյն. եւ էր նմա խաղաղութիւն յամենայն կողմանց շուրջանակի։

ԹԱԳԱՒՈՐՈՒԹԵԱՆՑ ԵՐՐՈՐԴ 8:2

Եւ եկեղեցացան առ արքայ Սողոմոն ամենայն այր Իսրայելի, յամսեանն Աթանիմ ի տօնին, այն է ամիսն եւթներորդ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:66

Եւ յաւուրն ութերորդի արձակեաց զժողովուրդսն. եւ օրհնեցին զարքայ եւ գնացին իւրաքանչիւր ի բնակութիւնս իւրեանց, խնդութեամբ եւ սրտիւ զուարթութեամբ ի վերայ ամենայն բարեացն զոր արար Տէր ծառայի իւրում Դաւթի՝ եւ Իսրայելի ժողովրդեան իւրում։

ԹԱԳԱՒՈՐՈՒԹԵԱՆՑ ՉՈՐՐՈՐԴ 14:25

Նա մերժեաց զսահմանս Իսրայելի ի մտիցն Եմաթայ մինչեւ ցծովն Արաբայ ըստ բանին Տեառն Աստուծոյ Իսրայելի՝ զոր խօսեցաւ ի ձեռն ծառայի իւրոյ Յովնանու որդւոյ Ամաթեայ մարգարէի ի Գեթքոբերայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:24

Եւ ած արքայն Ասորեստանեայց ի Բաբելոնէ եւ ի Քութայ եւ յԱյայ եւ յԵմաթայ եւ ի Սեփարուիմայ, եւ բնակեցան ի քաղաքս Սամարիայ փոխանակ որդւոցն Իսրայելի, եւ ժառանգեցին զՍամարիա, եւ բնակեցին ի քաղաքս նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:33

Եւ փոխեաց զնա փարաւոն Նեքաւով ի Ռեբղաթա յերկիրն Եմաթայ՝ չթագաւորել նմա յԵրուսաղէմ. եւ արկ հարկ երկրին հարեւր տաղանդ արծաթոյ եւ տասն տաղանդ՝՝ ոսկւոյ։

ՄՆԱՑՈՐԴԱՑ ԱՌԱՋԻՆ 1:16

եւ զԱրադացին եւ զՍամարացին եւ զԱմաթացին։

ՄՆԱՑՈՐԴԱՑ ԱՌԱՋԻՆ 13:5

Եւ եկեղեցացոյց Դաւիթ զամենայն Իսրայէլ ի սահմանացն Եգիպտոսի մինչեւ յԵմաթ՝՝, տանել զտապանակն Աստուծոյ ի քաղաքէն Յարիմայ։

ՄՆԱՑՈՐԴԱՑ ԵՐԿՐՈՐԴ 30:13

Եւ գումարեցաւ յԵրուսաղէմ ժողովուրդ բազում առնել զտօն բաղարջոցն յամսեանն երկրորդի, եկեղեցի բազում յոյժ։

ՄՆԱՑՈՐԴԱՑ ԵՐԿՐՈՐԴ 30:23

Եւ խորհեցաւ եկեղեցին միանգամայն առնել այլ եւս աւուրս եւթն, եւ արարին զուրախութիւնն զեւթն եւս օր։

ԵԼՔ 23:31

Եւ եդից զսահմանս քո ի Կարմիր ծովէ մինչեւ ի ծովն Փղշտացւոց, եւ յանապատէն մինչեւ ի գետն մեծ Եփրատ. եւ մատնեցից ի ձեռս ձեր զբնակիչս երկրին, եւ մերժեցից զնոսա ի քէն։

ՄԱՐԳԱՐԷՈՒԹԻՒՆ ԵՍԱՅԵԱՅ 27:12

Եւ եղիցի յաւուր յայնմիկ, արգել արկցէ՝՝ Տէր ի փոսոյ Գետոյն մինչեւ ի կողմանս Ռինոկորուրայ. բայց դուք մի մի ժողովեցէք զորդիսն՝՝ Իսրայելի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:19

Եւ ընդ հարաւ, առ հարաւով ի Թեմանայ եւ յարմաւաստանէ մինչեւ ի ջուրն Մարիբովթ Կադէս՝՝ որ ձգի ի ծովն մեծ. այս բաժին հարաւային, եւ առ հարաւով։

ՄԱՐԳԱՐԷՈՒԹԻՒՆ ԱՄՈՎՍԱՅ 6:14

եւ՝՝ ուրախ լինէիք յոչինչ բանս, ոյք ասէին եթէ՝ Ո՞չ զօրութեամբ մերով եղեն մեզ եղջեւրք։

ՄԱՐԳԱՐԷՈՒԹԻՒՆ ԱՄՈՎՍԱՅ 6:2

Անցէք ամենեքին ի Քաղանէ եւ տեսէք. եւ անցէք անտի ի մեծն Եմաթ Հռաբայ, եւ իջէք ի Գէթ այլազգեաց, զօրաւորս քան զամենայն քաղաքսն զայնոսիկ, եթէ՝՝ իցե՞ն մեծ սահմանք նոցա քան զսահմանս ձեր։

ԹԻՒՔ 34:5

Եւ պատիցին սահմանքն յԱսեմոնայ ձորոյն Եգիպտացւոց, եւ եղիցին ելք նորա ընդ ծովն։

ԹԻՒՔ 34:8

եւ՝՝ ի լեռնէ անտի չափեսջիք զնոյն մինչեւ ի մուտս Եմաթայ, եւ եղիցին ելք նորա սահմանքն Սեդադայ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:3

Գեսուրի եւ Քանանացին, Յանշինէ՝՝ անտի ընդդէմ Եգիպտոսի՝ մինչեւ ի սահմանս Ակկարոնի, ընդ աջմէ՝՝ Քանանացւոյն համարի, հնգից թագաւորացն Փղշտացւոց, Գազացւոյն եւ Ազովտացւոյն եւ Ասկաղոնացւոյն եւ Գեթացւոյն եւ Ակկարոնացւոյն, եւ Խեւացւոյն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:5

եւ զամենայն երկիրն Արաբայ ի Փղշտացւոց՝ եւ զամենայն Լիբանան յելիցն արեւու, ի Գաղգաղայ,՝՝ առ ոտամբ լերինն Հերմոնի մինչեւ ցմուտս Եմաթայ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:1

Եւ եղեն սահմանք ցեղի որդւոցն Յուդայ ըստ տոհմից իւրեանց՝ ի սահմանացն Եդովմայեցւոց, ի Սինն անապատէ մինչեւ ի Կադէս, ընդ հարաւակողմն՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 15:4

եւ երթան ցԱսեմոնա, եւ հանեն մինչեւ ցձորն Եգիպտացւոց. եւ եղիցին նոքա ելք սահմանացն ընդ ծովակողմն. այս են նոցա՝՝ սահմանք ի հարաւոյ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:35

Եւ քաղաքք պարսպաւորք Տիւրացւոց՝ Տիւրոս՝՝ եւ Ամաթ եւ Ռեկկաթ եւ Քեներեթ

ԴԱՏԱՒՈՐՔ 3:3

զհինգ նախարարութիւնս այլազգեաց, եւ զամենայն Քանանացին եւ զՍիդոնացին եւ զԽեւացին զբնակեալն ի Լիբանան ի լեռնէն Բաղհերմոնեայ մինչեւ ցԼաբովեմաթ։