4 Եւ հանին զտապանակն Տեառն եւ զխորանն վկայութեան, եւ զամենայն սպասն սրբութեան որ ի խորանին վկայութեան. եւ հանին զայն քահանայքն եւ Ղեւտացիք։
Եւ պատմեցին Դաւթի եւ ասեն. Օրհնեաց Տէր զտունն Աբեդդարայ եւ զամենայն ինչ որ նորա վասն տապանակին Աստուծոյ։ Եւ չոգաւ Դաւիթ եւ եհան զտապանակն Տեառն ի տանէ Աբեդդարայ ի քաղաք Դաւթի ուրախութեամբ։
Եւ յարեաւ գնաց արքայ ի Գաբաւոն զոհել անդ, զի նա առաւել բարձրագոյն եւ մեծ էր. հազար ողջակէզ եհան Սողոմոն ի վերայ սեղանոյն այնորիկ։
Եւ սոքա են զորս կացոյց Դաւիթ ի վերայ երգեցողացն ի տան Տեառն ի դադարեցուցանել զտապանակն.
Եւ գնաց Սողոմոն եւ ամենայն եկեղեցին ընդ նմա՝ ի բարձրաւանդակն Գաբաւոնի, ուր էր անդ խորանն վկայութեան Աստուծոյ զոր արար Մովսէս ծառայ Տեառն յանապատին.