ԹԱԳԱՒՈՐՈՒԹԵԱՆՑ ԵՐՐՈՐԴ 8:1 - Գրաբար Աստվածաշունչ (1895)

¹ Յայնժամ եկեղեցացոյց արքայ Սողոմոն զամենայն ծերս Իսրայելի, հանդերձ ամենայն գլխօք գաւազանացն համբարձելոց՝՝ հարց որդւոցն Իսրայելի առ արքայ Սողոմոն ի Սիոն, հանել զտապանակ ուխտին Տեառն ի քաղաքէ Դաւթի՝ այս է Սիոն։

ԹԱԳԱՒՈՐՈՒԹԵԱՆՑ ԵՐՐՈՐԴ 8:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:6

Եւ եկին մինչեւ ցկալն Աբինադաբայ. եւ ձգեաց Ոզա զձեռն իւր ի տապանակն Աստուծոյ ունել զնա, եւ կալաւ զնա. զի թիւրեաց զնա զուարակն ունելոյ անտի զնա՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 2:10

Եւ ննջեաց Դաւիթ ընդ հարս իւր, եւ թաղեցաւ ի քաղաքի Դաւթի։

ԹԱԳԱՒՈՐՈՒԹԵԱՆՑ ԵՐՐՈՐԴ 3:15

Եւ զարթեաւ Սողոմոն եւ ահա երազ էր. եւ յարեաւ եկն յԵրուսաղէմ, եւ եկաց առաջի սեղանոյն յանդիման տապանակի ուխտին Տեառն ի Սիոն. եւ մատոյց ողջակէզս եւ արար խաղաղականս, եւ արար խրախութիւն մեծ իւր եւ՝՝ ամենայն ծառայից իւրոց։

ՄՆԱՑՈՐԴԱՑ ԱՌԱՋԻՆ 11:7

Եւ նստաւ Դաւիթ յամրոցին, վասն այնորիկ կոչեաց զնա քաղաք Դաւթի։

ՄՆԱՑՈՐԴԱՑ ԱՌԱՋԻՆ 15:25

Եւ Դաւիթ եւ ծերքն Իսրայելի եւ հազարապետք երթային հանել զտապանակ ուխտին Տեառն ի տանէն Աբեդդարայ ուրախութեամբ։

ՄՆԱՑՈՐԴԱՑ ԱՌԱՋԻՆ 15:29

Եւ եղեւ մինչդեռ տապանկն Աստուծոյ գայր ի քաղաքն Դաւթի, եւ Մեղքող դուստր Սաւուղայ կարկառեալ ընդ պատուհանն՝ ետես զարքայ Դաւիթ զի կաքաւէր եւ խաղայր, եւ անգոսնեաց զնա ի միտս իւր։

ՄՆԱՑՈՐԴԱՑ ԱՌԱՋԻՆ 15:3

Եւ ժողովեաց Դաւիթ զամենայն Իսրայէլ յԵրուսաղէմ հանել զտապանակն Տեառն ի տեղին զոր պատրաստեաց նմա։

ՄՆԱՑՈՐԴԱՑ ԱՌԱՋԻՆ 28:1

Եւ ժողովեաց Դաւիթ զամենայն իշանսն Իսրայելի, զիշխանս դատաւորացն եւ զամենայն իշխանս օրամտիցն՝ ի սպաս անձնապահաց՝՝ թագաւորին, եւ զիշխանս հազարաւորացն եւ հարիւրաւորացն եւ գանձապահացն, որք էին ի վերայ ստացուածոցն նորա, եւ՝՝ զզօրաւորսն եւ զպատերազմօղս զօրավարացն յԵրուսաղէմ։

ՄՆԱՑՈՐԴԱՑ ԵՐԿՐՈՐԴ 30:1

Եւ առաքեաց Եզեկիա յամենայն Իսրայէլ եւ Յուդայ, եւ գրեաց թուղթ յԵփրեմ եւ ի Մանասէ, գալ ի տունն Տեառն յԵրուսաղէմ, եւ առնել զպասեքն Տեառն Աստուծոյ Իսրայելի։

ԵԶՐ 3:1

Եւ ժամանեաց եհաս ամիսն եւթներորդ. եւ էին որդիքն Իսրայելի յիւրաքանչիւր քաղաքս. եւ ժողովեցան ամենայն ժողովուրդն իբրեւ զմի այր յԵրուսաղէմ։

ԳԻՐՔ ՍԱՂՄՈՍԱՑ 102:21

Օրհնեցէք զՏէր ամենայն զօրութիւնք նորա, պաշտօնեայք եւ արարօղք կամաց նորա։

ԳԻՐՔ ՍԱՂՄՈՍԱՑ 9:11

Յուսասցին ի քեզ ամենեքեան ոյք գիտեն զանուն քո. զի ոչ թողցես զայնոսիկ որ խնդրեն զքեզ, Տէր։

ՄԱՐԳԱՐԷՈՒԹԻՒՆ ԵՍԱՅԵԱՅ 28:16

Վասն այնորիկ այսպէս ասէ Տէր Տէր. Ահաւասիկ ես դնեմ ի հիմունս Սիոնի վէմ բազմապատիկ, զընտիր զգլուխ անկեան զպատուականն ի հիմունս նորա՝՝, եւ որ հաւատասցէ ի նա՝ մի՛ ամաչեսցէ։

ՄԱՐԳԱՐԷՈՒԹԻՒՆ ԵՍԱՅԵԱՅ 46:13

մերձեցուցի զարդարութիւն իմ եւ այլ ոչ հեռասցի. եւ զճշմարտութիւն եւ զփրկութիւն իմ ոչ յամեցուցից. ետու ի Սիոն զփրկութիւն Իսրայելի ի փառաւորութիւն։՝՝

ԹԻՒՔ 1:4

Եւ ընդ ձեզ լինիցին իւրաքանչիւր ըստ ցեղի, իւրաքանչիւր իշխան, ըստ տանց նահապետաց լինիցին։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 23:2

կոչեաց Յեսու միանգամայն զամենայն որդիսն Իսրայելի եւ զծերակոյտս նոցա, եւ զիշխանս նոցա եւ զդատաւորս նոցա եւ զդպիրս նոցա, եւ ասէ ցնոսա. Ես ծերացայ եւ անցի զաւուրբք,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:1

Եւ ժողովեաց Յեսու զամենայն ցեղսն Իսրայելի ի Սելով, եւ կոչեաց զամենայն ծերսն Իսրայելի եւ զիշխանս նոցա եւ զդպիրս նոցա եւ զդատաւորս նոցա, եւ կացին առաջի Տեառն։

ՊԵՏՐՈՍԻ ԱՌԱՋԻՆ՝՝ 2:6

Քանզի կայ իսկ ի գրի եթէ՝ Ահաւասիկ դնեմ ի Սիովն վէմ ընտիր, գլուխ անկեան պատուական, եւ որ ի նա հաւատասցէ՝ մի՛ ամաչեսցէ։