ԹԱԳԱՒՈՐՈՒԹԵԱՆՑ ԵՐՐՈՐԴ 7:23 - Գրաբար Աստվածաշունչ (1895)

²³ Եւ արար զծովն ձուլածոյ, տասն կանգուն շրթանէ ի շուրթն, գործ բոլորշի նոյնաձեւ. հինգ կանգուն բարձրութիւն նորա, եւ գոգեալք երեսուն եւ երիւք կանգնովք պատէին՝՝ զնա շուրջանակի։

ԹԱԳԱՒՈՐՈՒԹԵԱՆՑ ԵՐՐՈՐԴ 7:23 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:22

Եւ ի վերայ գլխոյ սեանցն՝ գործ շուշանագործ. եւ կատարեցաւ գործ սեանցն։

ԹԱԳԱՒՈՐՈՒԹԵԱՆՑ ԵՐՐՈՐԴ 7:44

եւ զծովն զմի, եւ զերկոտասանեսին եզինսն ի ներքոյ ծովուն.

ԹԱԳԱՒՈՐՈՒԹԵԱՆՑ ՉՈՐՐՈՐԴ 16:15

Եւ պատուէր ետ արքայ Աքազ Ուրիայ քահանայի եւ ասէ. Ի վերայ մեծի սեղանոյդ մատուցանիցես զողջակէզս առաւօտինս եւ զզոհս երեկոյինս եւ զողջակէզս արքայի եւ զզոհս նորա, եւ զողջակէզս ժողովրդեան երկրիս եւ զզոհս նոցա եւ զնուէրս նոցա, եւ զամենայն արիւն ողջակիզաց եւ զամենայն արիւն զոհից ի վերայ նորա հեղուցուս. բայց սեղանն պղնձի եղիցի ինձ յառաւօտինս։

ԹԱԳԱՒՈՐՈՒԹԵԱՆՑ ՉՈՐՐՈՐԴ 16:17

Եւ կոտորեաց արքայ Աքազ զաղխսն մեքենովթացն, եւ փոխեաց ի նոցանէն զաւազանսն, եւ զծովն իջոյց ի ցլուցն պղնձեաց երկոտասանեցունց որ ի ներքոյ նորա, եւ եդ զնա ի վերայ քարեղէն խարսխի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:13

Եւ զսիւնսն պղնձիս զերկոսին որ ի տան Տեառն, եւ զմեքենովթսն, եւ զծովն պղնձի որ ի տան Տեառն, խորտակեցին Քաղդէացիքն եւ բարձին զպղինձ նոցա ի Բաբելոն։

ՄՆԱՑՈՐԴԱՑ ԱՌԱՋԻՆ 18:8

Եւ ի Մատեբեթայ եւ յընտիր ընտիր քաղաքացն՝՝ Ադրազարու ա՛ռ Դաւիթ պղինձ բազում յոյժ. եւ ի նոցանէ արար Սողոմոն զծովն պղնձի եւ զսիւնսն եւ զկահսն պղնձիս։

ՄՆԱՑՈՐԴԱՑ ԵՐԿՐՈՐԴ 4:2

Եւ արար զծովն հալածոյ ի տասն կանգնոյ զչափն, բոլորակ շուրջանակի, եւ ի հինգ կանգնոյ զբարձրութիւն, եւ շուրջանակի յերեսուն կանգնոյ։

ԵԼՔ 30:17

Խօսեցաւ Տէր ընդ Մովսիսի եւ ասէ.

ԵԼՔ 38:8

Եւ արար զաւազանն պղնձի եւ զխարիսխն նորա պղնձի՝ ի հայելեաց կանանց ուխտաւորաց, որք պահեցին պահս՝՝ առ դրան խորանին վկայութեան՝ յաւուր յորում եհար զխորանն՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 27:19

այսպէս՝՝ ասէ Տէր զօրութեանց վասն սեանցն եւ վասն ծովուն եւ վասն մեքենովթիցն եւ մնացորդաց սպասուցն՝ որ մնացին ի քաղաքիդ յայդմիկ,

ՄԱՐԳԱՐԷՈՒԹԻՒՆ ԵՐԵՄԵԱՅ 52:17

Եւ զսիւնսն պղնձիս տան Տեառն եւ զխարիսխսն, եւ զծովն պղնձի որ էր ի տան Տեառն՝ խորտակեցին Քաղդէացիքն, եւ խաղացուցին զամենայն պղինձն ի Բաբելոն։

ՄԱՐԳԱՐԷՈՒԹԻՒՆ ԵՐԵՄԵԱՅ 52:20

Եւ սիւնք երկու էին, եւ ծով մի, եւ ցուլքն երկոտասան էին որ կային ընդ ծովուն՝՝, զորս արար արքայ Սողոմոն ի տան Տեառն, եւ ոչ գոյր չափ պղնձոյն եւ՝՝ ամենայն կահին պղնձոյ։