ԹԱԳԱՒՈՐՈՒԹԵԱՆՑ ԵՐՐՈՐԴ 7:16 - Գրաբար Աստվածաշունչ (1895)

¹⁶ Եւ երկուս խոյակս արար տալ ի վերայ գլխոց սեանցն ձոյլ պղնձիս. հինգ կանգուն բարձրութիւն միոյ խոյակին, եւ հինգ կանգուն բարձրութիւն երկրորդ խոյակին։

ԹԱԳԱՒՈՐՈՒԹԵԱՆՑ ԵՐՐՈՐԴ 7:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:15

Եւ ձուլեաց զերկոսին սիւնսն կամարի տանն՝՝, ութ եւ տասն կանգուն բարձրութիւն սեանն, եւ շուրջ զնովաւ չափ չորեքտասան կանգուն շուրջանակի թանձրութիւն սեանն, եւ ի չորից մատանց մատնէքն՝՝. նոյնպէս եւ երկրորդ սիւնն։

ԹԱԳԱՒՈՐՈՒԹԵԱՆՑ ԵՐՐՈՐԴ 7:17

Եւ արար երկուս վանդակս ծածկել զխոյակն, եւ արար երկուս եւս վանդակս ծածկել զերկրորդ խոյակն, գործ կախաղանաւ.

ԵԼՔ 36:38

Եւ զսիւնս նոցա հինգ եւ զօղս նոցուն. եւ պատեաց զխոյակս նոցա ոսկւով. եւ խարիսխք նոցա պղնձիք հինգ։

ԵԼՔ 38:17

Եւ խարիսխք նոցա պղնձիք, եւ դրուագք սեանցն եւ խոյօղք՝՝ նոցա արծաթիք, եւ խոյակք նոցա արծաթապատք, եւ սիւնքն արծաթապատք, ամենայն սիւնք սրահին՝՝։

ԵԼՔ 38:19

Եւ սիւնք նոցա չորք, եւ խարիսխք նոցա պղնձիք չորք, եւ խոյօղք նոցա արծաթիք, եւ խոյակք նոցա արծաթապատք։

ԵԼՔ 38:28

Եւ զհազար եւ զեւթն հարեւր եւ զեւթանասուն եւ հինգ սիկղն գործեաց ի խոյօղս սեանցն, եւ պատեաց ոսկւով զխոյակս նոցա, եւ զարդարեաց զնոսա։

ՄԱՐԳԱՐԷՈՒԹԻՒՆ ԵՐԵՄԵԱՅ 52:22

եւ ախաւեղագէսք նորա պղնձիք, եւ բարձրութիւն միոյ ախաւեղագիսին՝ ի հինգ կանգնոյ, եւ վանդակապատք եւ նռնաձեւք ի վերայ ախաւեղագիսին շուրջ շրջանակաւ՝ ամենայն պղնձի. ըստ նմին օրինակի եւ երկրորդի սեանն, ութ նռնաձեւ, կանգուն առ կանգուն, յերկոտասան կանգնոյ՝՝։