ԹԱԳԱՒՈՐՈՒԹԵԱՆՑ ԵՐՐՈՐԴ 6:5 - Գրաբար Աստվածաշունչ (1895)

⁵ Եւ ած զորմովք տանն պատուարս շուրջանակի՝ առ որմովք տանն շուրջանակի տաճարին եւ դաբիրայն. եւ արար կողմանոցս շուրջանակի։

ԹԱԳԱՒՈՐՈՒԹԵԱՆՑ ԵՐՐՈՐԴ 6:5 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 6:16

Եւ շինեաց քսան կանգուն ի ծագէ որմոյն զմի կողմանոցն՝՝ ի յատակէ տանն մինչեւ ցհեծանսն. եւ արար ի ներքոյ կողմանէ նորա զդաբիրն ի սրբութեան՝՝ սրբութեանցն։

ԹԱԳԱՒՈՐՈՒԹԵԱՆՑ ԵՐՐՈՐԴ 6:31

Եւ դրաց դաբիրայն արար դուրս ի փայտից գիոց, եւ սեամս հնգեկինս։

ԹԱԳԱՒՈՐՈՒԹԵԱՆՑ ԵՐՐՈՐԴ 6:6

Կողմանոցին ներքնոյ՝ ի հինգ կանգնոյ լայնութիւն նորա, եւ միջնոյն՝ ի վեց կանգնոյ լայնութիւն, եւ երրորդին՝ յեւթն կանգնոյ լայնութիւն նորա. քանզի անջրպետութիւն ետ տանն շուրջանակի արտաքուստ կողմանէ տանն, զի մի՛ հարկանիցին ընդ որմս տանն։

ՄՆԱՑՈՐԴԱՑ ԱՌԱՋԻՆ 23:28

Քանզի կացոյց զնոսա ի ձեռն որդւոցն Ահարոնի պաշտել ի տանն Տեառն, ի սրահսն եւ ի սենեակսն եւ ի սրբութիւնսն, եւ ի վերայ ամենայն սրբութեանցն, եւ ի պաշտամունսն տանն Աստուծոյ,

ՄՆԱՑՈՐԴԱՑ ԱՌԱՋԻՆ 28:11

Եւ ետ Դաւիթ Սողոմոնի որդւոյ իւրում զօրինակ տաճարին եւ սենեկաց նորա եւ գանձարանաց նորա եւ վերնատանցն եւ շտեմարանացն ներքնոց եւ տանն քաւութեան.

ՄՆԱՑՈՐԴԱՑ ԱՌԱՋԻՆ 9:26

Վասն զի հաւատարմութեամբ էին չորք զօրաւորք դրանցն, որ էին Ղեւտացիք ի վերայ տանց շտեմարանացն եւ գանձուց տանն Աստուծոյ։

ՄՆԱՑՈՐԴԱՑ ԵՐԿՐՈՐԴ 31:11

Եւ ասէ Եզեկիաս. Պատրաստեցէք եւ այլ եւս շտեմարանս ի տանն Տեառն։ Եւ պատրաստեցին։

ՄՆԱՑՈՐԴԱՑ ԵՐԿՐՈՐԴ 4:20

եւ զաշտանակսն եւ զճրագունսն լուսոյ ըստ յօրինուածոյն յանդիման դաբիրայն ի մաքուր ոսկւոյ,

ՄՆԱՑՈՐԴԱՑ ԵՐԿՐՈՐԴ 5:7

Եւ տարան ի ներքս Ղեւտացիքն զտապանակ ուխտին Տեառն ի տեղին իւր՝ ի դաբիր տանն ի սրբութիւն սրբութեանցն, ի ներքոյ թեւոց քերովբէիցն։

ՄՆԱՑՈՐԴԱՑ ԵՐԿՐՈՐԴ 5:9

Եւ շուրջ ունէին բառնալիքն՝՝, եւ հայէին գլուխք բառնալեացն ի սրբութեանցն ի դէմս դաբիրայն, եւ ոչ երեւէին արտաքս. եւ էին անդ մինչեւ ցայսօր։

ԳԻՐՔ ՆԷԵՄԵԱՅ 10:37

եւ զառաջաւորս ցորենոյ եւ՝՝ զպտուղս ծառոց՝ գինւոյ եւ ձիթոյ բերցուք առ քահանայսն ի տուն գանձանակին Աստուծոյ. եւ զտասանորդս երկրիս մերոյ Ղեւտացիքն շրջեսցին եւ առցեն զամենայն բովանդակ։

ԳԻՐՔ ՆԷԵՄԵԱՅ 12:44

Եւ կացուցին յաւուր յայնմիկ ի վերայ գանձանակի գանձուցն եւ զառաջաւորացն եւ տասանորդացն, եւ որ միանգամ ժողովեալ էր անդր յիշխանաց քաղաքին, որպէս հրամայեալ էր յօրէնսն Մովսիսի քահանայիցն եւ Ղեւտացւոց. քանզի ուրախութիւն մեծ էր ի Յուդա եւ ի քահանայս եւ յՂեւտացիս. եւ զգուշացան սրբութեանցն Աստուծոյ եւ պահեցին զսրբութիւնն՝ որ էին երգեցիկք սաղմոսասացք եւ դռնապանքն, որպէս կարգեալ էր Դաւթի եւ որդւոյ նորա Սողոմոնի։

ԳԻՐՔ ՍԱՂՄՈՍԱՑ 28:2

Մատուցէք Տեառն զփառս անուան նորա. եւ երկիր պագէք Տեառն ի սրահ սրբութեան նորա՝՝։

ԵԼՔ 25:22

Եւ յայտնեցայց քեզ անտի, եւ խօսեցայց ընդ քեզ ի վերուստ ի քաւութենէ անտի, ի միջոյ երկուց քերոբէիցն՝ որ իցեն ի վերայ տապանակին վկայութեան, ըստ ամենայնի զոր պատուիրեցի քեզ առ որդիսն Իսրայելի։

Երգ Երգոց 1:4

Հարսնն ասէ.՝՝ Սեաւ եմ ես եւ գեղեցիկ, դստերք Երուսաղեմի, իբրեւ զվրանս Կեդարու, եւ իբրեւ զխորանն Սողոմոնի։

ՄԱՐԳԱՐԷՈՒԹԻՒՆ ԵՐԵՄԵԱՅ 35:2

Երթ ի տուն Ռաքաբիմայ, եւ կոչեա զնոսա՝՝, եւ ածցես ի տուն Տեառն ի մի ի սրահից անտի, եւ արբուսցես նոցա գինի։

ՄԱՐԳԱՐԷՈՒԹԻՒՆ ԵՐԵՄԵԱՅ 35:4

ածի ի տուն Տեառն, ի դահլիճ որդւոյն Անանայ որդւոյ Գոդողեայ առն Աստուծոյ, որ էր մերձ ի տուն իշխանացն, ի վերայ ապարանիցն Մայասայ՝ որդւոյ Սելովմայ վտառապահի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:17

Եւ տարաւ զիս ի ներքին սրահն. եւ ահա դահլիճք եւ սիւնք շրջանակօք՝ շուրջ զսրահիւքն յօրինեալք, երեսուն դահլիճք ի մէջ սեանցն շրջանակաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:44

Եւ տարաւ զիս ի սրահն ներքին. եւ ահա երկու պատշգամք ի ներքոյ սրահին, մի ընդ հարաւոյ դրանն որ հայէր ընդ հիւսիսի եւ հանէր ընդ հարաւ. եւ մի ընդ հիւսիսոյ դրանն որ հայէր ընդ հարաւ եւ հանէր ընդ հիւսիսի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 41:4

Եւ չափեաց զերկայնութիւն դրանն՝ քառասուն կանգուն, եւ զլայնութիւնն քսան կանգուն՝ առաջի տաճարին. եւ ասէ ցիս. Այս է սրբութիւն սրբութեանցն։

ՂԵՒՏԱԿԱՆ 16:2

Եւ ասէ Տէր ցՄովսէս. Խօսեաց ընդ Ահարոնի ընդ եղբօր քում, եւ մի՛ մտցեն յամենայն ժամ ի սրբութիւնն ի ներքս քան զվարագոյրն յանդիման քաւութեանն, որ է ի վերայ տապանակի վկայութեանն, եւ ոչ մեռանիցի. զի ամպով երեւեցայց ի վերայ քաւութեանն։

ԹԻՒՔ 7:89

Ի մտանելն Մովսիսի ի խորանն վկայութեան խօսել ընդ նմա, եւ լուաւ զբարբառն Տեառն ի խօսելն՝՝ ընդ նմա ի վերուստ ի քաւութենէ անտի՝ ի միջոյ երկուցն քերովբէից որ էին՝՝ ի վերայ տապանակին վկայութեան, ի միջոյ երկուց քերովբէիցն, եւ խօսէր ընդ նմա։