ԹԱԳԱՒՈՐՈՒԹԵԱՆՑ ԵՐՐՈՐԴ 4:24 - Գրաբար Աստվածաշունչ (1895)

²⁴ Զի էր իշխան ամենայնի յայնկոյս գետոյն՝ ի Թափսայ մինչեւ ցԳազա, ամենայն թագաւորութեանց յայնմ կողմանէ գետոյն. եւ էր նմա խաղաղութիւն յամենայն կողմանց շուրջանակի։

ԹԱԳԱՒՈՐՈՒԹԵԱՆՑ ԵՐՐՈՐԴ 4:24 ပူးပေါင်းရင်းမြစ်များ

ԾՆՈՒՆԴՔ 10:19

Եւ եղեն սահմանք Քանանացւոց՝ ի Սիդոնէ մինչեւ ի գալ ի Գերարա եւ ի Գազա, մինչեւ ի գալ ի Սոդոմ եւ ի Գոմոր, եւ յԱդամա եւ ի Սեբոյիմ մինչեւ ի Լասա։

ԹԱԳԱՒՈՐՈՒԹԵԱՆՑ ԵՐՐՈՐԴ 4:21

Եւ Սողոմոն իշխան էր թագաւորութեանց՝ ի գետոյ երկրին այլազգեաց՝՝ մինչեւ ի սահմանս Եգիպտոսի. բերէին պատարագս եւ ծառայէին Սողոմոնի զամենայն աւուրս կենաց նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 4:23

եւ տասն եզն ընտիր, եւ քսան կով արօտական, եւ հարեւր ոչխար. թող զեղջերու եւ զայծեամն եւ զընտիր ընտիր հաւուց պարարելոց։

ԹԱԳԱՒՈՐՈՒԹԵԱՆՑ ԵՐՐՈՐԴ 5:4

Եւ արդ ցածոյց Տէր Աստուած իմ շուրջ զինեւ, եւ ոչ գոյ վնասակար եւ ոչ պատահար չար։

ՄՆԱՑՈՐԴԱՑ ԱՌԱՋԻՆ 22:9

ահա ծնցի քեզ որդի, եւ նա եղիցի այր հանգստեան. եւ հանգուցից զնա յամենայն թշնամեաց շուրջանակի. քանզի Սողոմոն անուն է նորա. եւ զխաղաղութիւն եւ զհանդարտութիւն տաց ի վերայ Իսրայելի յաւուրս նորա։

ՄՆԱՑՈՐԴԱՑ ԵՐԿՐՈՐԴ 9:26

Եւ էր իշխան ամենայն թագաւորացն ի գետոյն Եփրատայ մինչեւ յերկիրն այլազգեաց, եւ մինչեւ ի սահմանս Եգիպտոսի։

ԳԻՐՔ ՍԱՂՄՈՍԱՑ 72:11

Ասացին. Զիա՞րդ գիտաց Աստուած, կամ գուցէ՞ արդեւք գիտութիւն առ ի Բարձրելոյն։

ԳԻՐՔ ՍԱՂՄՈՍԱՑ 72:3

Նախանձեցայ ես ընդ անօրէնս՝ զխաղաղութիւն մեղաւորաց որպէս տեսանէի.

ՄԱՐԳԱՐԷՈՒԹԻՒՆ ԵՍԱՅԵԱՅ 9:7

Եւ ես ածից զխաղաղութիւն ի վերայ իշխանաց նորա, եւ առողջութիւն նմա. մեծ է իշխանութիւն՝՝ նորա, եւ խաղաղութեան նորա չիք սահման յաթոռն Դաւթի նստցի, եւ զարքայութիւն նորա յաջողեսցէ, եւ զօրացուսցէ՝՝ զնա իրաւամբք եւ արդարութեամբ, յայսմ հետէ եւ յաւիտեանս ժամանակաց։ Նախանձ Տեառն զօրութեանց արասցէ զայս։

ՄԱՐԳԱՐԷՈՒԹԻՒՆ ԵՐԵՄԵԱՅ 47:1

Ի վերայ այլազգեաց։՝՝ Բանն Տեառն որ եղեւ առ Երեմիա մարգարէ ի վերայ այլազգեաց, մինչչեւ հարեալ էր փարաւոնի զԳազա։

ԱՒԵՏԱՐԱՆ ԸՍՏ ՂՈՒԿԱՍՈՒ 2:14

Փառք ի բարձունս Աստուծոյ, եւ յերկիր խաղաղութիւն, ի մարդիկ հաճութիւն։

ԴԱՏԱՒՈՐՔ 1:18

Եւ ոչ ժառանգեաց Յուդա զԳազա եւ զսահմանս նորա, եւ զԱսկաղոն եւ զսահմանս նորա, եւ զԱկկարոն եւ զսահմանս նորա, եւ զԱզովտոս եւ զանդաստանս նորա։՝՝

ԴԱՏԱՒՈՐՔ 16:1

Եւ չոգաւ Սամփսոն անտի ի Գազա, եւ ետես անդ կին մի պոռնիկ, եւ եմուտ առ նա։