ԹԱԳԱՒՈՐՈՒԹԵԱՆՑ ԵՐՐՈՐԴ 3:4 - Գրաբար Աստվածաշունչ (1895)

⁴ Եւ յարեաւ գնաց արքայ ի Գաբաւոն զոհել անդ, զի նա առաւել բարձրագոյն եւ մեծ էր. հազար ողջակէզ եհան Սողոմոն ի վերայ սեղանոյն այնորիկ։

ԹԱԳԱՒՈՐՈՒԹԵԱՆՑ ԵՐՐՈՐԴ 3:4 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:4

Եւ հանին զտապանակն Տեառն եւ զխորանն վկայութեան, եւ զամենայն սպասն սրբութեան որ ի խորանին վկայութեան. եւ հանին զայն քահանայքն եւ Ղեւտացիք։

ԹԱԳԱՒՈՐՈՒԹԵԱՆՑ ԵՐՐՈՐԴ 8:63

Եւ զոհեաց արքայ Սողոմոն զոհս խաղաղականաց զորս զոհեաց Տեառն յարջառոց քսան եւ երկուս հազարս, եւ յոչխարաց հարեւր եւ քսան հազար. եւ արար նաւակատիս տանն Տեառն արքայ եւ ամենայն որդիքն Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 9:2

եւ երեւեցաւ Տէր Սողոմոնի երկրորդ անգամ, որպէս երեւեցաւ նմա ի Գաբաւոն,

ՄՆԱՑՈՐԴԱՑ ԱՌԱՋԻՆ 16:39

Եւ զՍադովկ քահանայ եւ զեղբարս նորա զքահանայս առաջի խորանին Տեառն ի Բամա որ ի Գաբաւոն,

ՄՆԱՑՈՐԴԱՑ ԱՌԱՋԻՆ 21:29

Եւ խորանն Տեառն զոր արար Մովսէս յանապատին, եւ սեղան ողջակիզացն ի ժամանակին յայնմիկ էին ի Բամա Գաբաւոնի.

ՄՆԱՑՈՐԴԱՑ ԵՐԿՐՈՐԴ 1:2

Եւ ասաց Սողոմոն ցամենայն Իսրայէլ, ցհազարապետս եւ ցհարիւրապետս եւ ցդատաւորս եւ ցամենայն իշխանս տոհմիցն։

ՄՆԱՑՈՐԴԱՑ ԵՐԿՐՈՐԴ 1:3

Եւ գնաց Սողոմոն եւ ամենայն եկեղեցին ընդ նմա՝ ի բարձրաւանդակն Գաբաւոնի, ուր էր անդ խորանն վկայութեան Աստուծոյ զոր արար Մովսէս ծառայ Տեառն յանապատին.

ՄՆԱՑՈՐԴԱՑ ԵՐԿՐՈՐԴ 30:24

Վասն զի Եզեկիաս սկսաւ տալ ի Յուդայ եկեղեցւոյն՝՝ զուարակս հազար եւ ոչխարս եւթն հազար. եւ իշխանքն սկսան տալ՝՝ ժողովրդեանն զուարակս հազար եւ ոչխարս տասն հազար. եւ սրբեցան ի քահանայիցն բազումք յոյժ։

ՄՆԱՑՈՐԴԱՑ ԵՐԿՐՈՐԴ 7:5

Եւ եզեն Սողոմոն զզոհսն, զուարակս քսան եւ երկու հազարս, եւ ոչխարս արօտականս հարեւր քսան հազարս. եւ արար զնաւակատիս տաճարին Աստուծոյ արքայ եւ ամենայն ժողովուրդն։

ՄԱՐԳԱՐԷՈՒԹԻՒՆ ԵՍԱՅԵԱՅ 40:16

Եթէ Լիբանան չէ բաւական յայրումն, եւ ամենայն չորքոտանիք չեն բաւական յողջակէզս.

ՄԱՐԳԱՐԷՈՒԹԻՒՆ ԵՐԵՄԵԱՅ 28:1

Եւ եղեւ յամին յայնմիկ ի սկզբան թագաւորութեանն Սեդեկեայ արքայի Յուդայ, յամին չորրորդի՝ յամսեանն հինգերորդի, ասէ ցիս Անանիա որդի Ազովրայ սուտ մարգարէ ի Գաբաւոնէ, ի տան Տեառն առաջի քահանայիցն եւ ամենայն ժողովրդեանն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 10:2

զարհուրեցան յանձինս իւրեանց յոյժ, քանզի գիտէին թէ քաղաք մեծ է Գաբաւոն որպէս զմի ի մայրաքաղաքաց թագաւորացն. քանզի նա մեծ էր քան զԳայի, եւ ամենայն արք նորա զօրաւորք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 18:21

Եւ եղեն քաղաքք ցեղի որդւոցն Բենիամինի ըստ տոհմից իւրեանց, Երիքով եւ Բեթագղա եւ Ամենգասիմ

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:3

Եւ բնակիչքն Գաբաւոնի լուան զոր ինչ արար Յեսու ընդ Երիքով եւ ընդ Գայի.

ԹԱԳԱՒՈՐՈՒԹԵԱՆՑ ԱՌԱՋԻՆ 13:9

Եւ ասէ Սաւուղ. Մատուցէք զի արարից՝՝ ողջակէզս եւ խաղաղականս։ Եւ եհան զողջակէզսն։