ԹԱԳԱՒՈՐՈՒԹԵԱՆՑ ԵՐՐՈՐԴ 3:12 - Գրաբար Աստվածաշունչ (1895)

¹² ահա արարի ըստ բանիդ քում, ահա ետու քեզ սիրտ իմաստուն եւ հանճարեղ. իբրեւ զքեզ ոչ ոք եղեւ յառաջ քան զքեզ, եւ յետ քո ոչ ոք յարիցէ նմանօղ քեզ։

ԹԱԳԱՒՈՐՈՒԹԵԱՆՑ ԵՐՐՈՐԴ 3:12 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 2:6

Եւ արասցես ըստ իմաստութեան քում, եւ ոչ իջուսցես զալիս նորա խաղաղութեամբ ի դժոխս։

ԹԱԳԱՒՈՐՈՒԹԵԱՆՑ ԵՐՐՈՐԴ 2:9

Եւ մի՛ անպարտ առնիցես զնա, զի այր իմաստուն ես դու, գիտասջիր որպէս առնիցես նմա, եւ իջուսցես զալիս նորա արեամբ ի դժոխս։

ԹԱԳԱՒՈՐՈՒԹԵԱՆՑ ԵՐՐՈՐԴ 3:28

Եւ լուաւ ամենայն Իսրայէլ զդատաստանն զոր դատեցաւ արքայ, եւ զահի հարան յերեսաց արքայի. զի տեսին թէ իմաստութիւն Աստուծոյ է ի նմա առնել իրաւունս։

ԹԱԳԱՒՈՐՈՒԹԵԱՆՑ ԵՐՐՈՐԴ 5:12

Եւ ետ Տէր իմաստութիւն Սողոմոնի, որպէս եւ խօսեցաւ ընդ նմա. եւ էր խաղաղութիւն ի մէջ Քիրամայ եւ ի մէջ Սողոմոնի, եւ ուխտեցին ուխտ ի մէջ իւրեանց։

ԹԱԳԱՒՈՐՈՒԹԵԱՆՑ ԵՐՐՈՐԴ 5:9

իջուսցեն ծառայք իմ ի Լիբանանէ ի ծով, եւ ես արարից զնոսա լաստս ի ծովու մինչեւ ցտեղի յոր առաքեսցես առ իս, եւ հանից յեզր՝՝ եւ դու առցես, եւ արասցես զկամս իմ տալ հաց տան իմոյ։

ՄՆԱՑՈՐԴԱՑ ԱՌԱՋԻՆ 29:25

Եւ մեծացոյց Տէր զՍողոմոն ի վերուստ առաջի ամենայն Իսրայելի, եւ ետ նմա փառս թագաւորութեան, որ ոչ ումեք եղեւ ամենեցուն թագաւորացն որք յառաջ քան զնա։

ՄՆԱՑՈՐԴԱՑ ԵՐԿՐՈՐԴ 2:12

Եւ ասէ Քիրամ. Օրհնեալ է Տէր Աստուած Իսրայելի որ արար զերկինս եւ զերկիր, որ ետ Դաւթի արքայի որդի իմաստուն՝ գիտել զհանճար եւ զիմաստութիւն, որ շինեսցէ զտունն Տեառն եւ զտուն թագաւորութեան իւրոյ։

ԳԻՐՔ ՆԷԵՄԵԱՅ 13:26

Եւ ասեմ ցնոսա՝՝. Ո՞չ յայդմ ամենայնի մեղաւ Սողոմոն թագաւոր Իսրայելի. եւ ո՞վ էր իբրեւ զնա իմաստուն յամենայն թագաւորս մեր՝՝. եւ սիրելի էր նա Աստուծոյ, եւ կացոյց զնա Աստուած թագաւոր ի վերայ ամենայն Իսրայելի. եւ զայսպիսի սիրելի Աստուծոյ եւ զիմաստուն եւ զմեծ թագաւոր՝ խոտորեցուցին եւ յանցուցին ի մեղս կանայք այլազգեաց՝՝։

ԱՌԱԿՔ ՍՈՂՈՄՈՆԻ 2:6

Զի Տէր տայ զիմաստութիւն, եւ յերեսաց նորա գիտութիւն եւ հանճար։

ԺՈՂՈՎՕՂ 1:13

եւ ետու զսիրտ իմ խնդրել եւ խորհել իմաստութեամբ վասն ամենայնի որ եղեալ են ընդ արեգակամբ. զի զբաղումն չար ետ Աստուած որդւոց մարդկան զբաղել ընդ արեգակամբ՝՝։

ԺՈՂՈՎՕՂ 1:16

Խօսեցայ ի սրտի իմում թէ՝ Առաւել ես մեծացայ եւ յաւելայ յիմաստութեան քան զամենեսեան որ էին յառաջ քան զիս յԵրուսաղէմ. եւ սիրտ իմ ետես բազում իմաստութիւն եւ գիտութիւն։

ՄԱՐԳԱՐԷՈՒԹԻՒՆ ԵՍԱՅԵԱՅ 65:24

Եւ եղիցի՝ մինչչեւ կարդացեալ իցէ նոցա՝ ես լուայց նոցա, եւ մինչդեռ խօսիցին, ասացից թէ՝ Զի՞նչ խնդրէք՝՝։

Մատթեոսի Աւետարան 12:42

Դշխոյն հարաւոյ յարիցէ ի դատաստանի ընդ ազգիս ընդ այսմիկ եւ դատապարտեսցէ զսա. զի եկն ի ծագաց երկրի լսել զիմաստութիւնն Սողոմովնի, եւ ահա մեծ քան զՍողոմովն է աստ։

ԱՒԵՏԱՐԱՆ ԸՍՏ ՂՈՒԿԱՍՈՒ 21:15

Զի ես տաց ձեզ բերան եւ իմաստութիւն, որում ոչ կարիցեն կալ հակառակ կամ տալ պատասխանի ամենայն հակառակորդքն ձեր։

ԵՐԿՐՈՐԴՈՒՄՆ ՕՐԻՆԱՑ 34:9

Եւ Յեսու որդի Նաւեայ լցաւ հոգւով իմաստութեամբ, զի եդ Մովսէս զձեռն իւր ի վերայ նորա. եւ հնազանդեցան նմա որդիքն Իսրայելի, եւ արարին որպէս պատուիրեաց Տէր Մովսիսի։

ԱՌ ԿՈՂՈՍԱՑԻՍ ԹՈՒՂԹ 2:3

յորում ամենայն գանձք իմաստութեան եւ գիտութեան ծածկեալ կան։