ԹԱԳԱՒՈՐՈՒԹԵԱՆՑ ԵՐՐՈՐԴ 22:30 - Գրաբար Աստվածաշունչ (1895)

³⁰ Եւ ասէ արքայն Իսրայելի ցՅովսափատ արքայն Յուդայ՝՝. Այլակերպեցայց եւ մտից ի պատերազմ, եւ դու զգեցիր զիմ հանդերձ՝՝։ Եւ այլակերպեցաւ արքայն Իսրայելի, եւ եմուտ ի ճակատն։

ԹԱԳԱՒՈՐՈՒԹԵԱՆՑ ԵՐՐՈՐԴ 22:30 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:2

Առաքեաց Յովաբ ի Թեկուէ, եւ առ անտի կին մի իմաստուն, եւ ասէ ցնա. Սուգ առ եւ զգեցիր հանդերձ սգոյ. մի՛ օծանիցիս իւղով, եւ եղիցես իբրեւ զկին մի սգացեալ ի վերայ բազմօրեայ մեռելոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 14:2

Եւ ասէ Յերոբովամ ցկին իւր. Արի եւ այլակերպեաց, եւ մի՛ գիտասցեն թէ դու կին Յերոբովամայ իցես, եւ երթիցես ի Սելով. ահա անդ է Աքիա մարգարէ. նա խօսեցաւ վասն իմ թագաւորել ի վերայ ժողովրդեանս այսորիկ.

ԹԱԳԱՒՈՐՈՒԹԵԱՆՑ ԵՐՐՈՐԴ 20:38

Եւ չոգաւ մարգարէն եւ եկաց առաջի արքայի ի վերայ ճանապարհին, եւ կապեաց պատանաւ զաչս իւր։

ԹԱԳԱՒՈՐՈՒԹԵԱՆՑ ԵՐՐՈՐԴ 22:10

Եւ արքայն Իսրայելի եւ Յովսափատ արքայ Յուդայ նստէին այր իւրաքանչիւր յաթոռ իւրում վառեալ ի դրունս Սամարեայ, եւ ամենայն մարգարէքն մարգարէանային առաջի նոցա։

ՄՆԱՑՈՐԴԱՑ ԵՐԿՐՈՐԴ 18:29

Եւ ասէ արքայն Իսրայելի ցՅովսափատ. Ծածկեա զիս՝՝ եւ մտից ի պատերազմն, եւ դու զգեցիր զպատմուճանն իմ։ Եւ ծածկեցաւ արքայն Իսրայելի, եւ եմուտ՝՝ ի պատերազմ։

ՄՆԱՑՈՐԴԱՑ ԵՐԿՐՈՐԴ 35:22

Եւ ոչ դարձոյց Յովսիա զերեսս իւր ի նմանէ, այլ պատերազմել ընդ նմա զօրացաւ. եւ ոչ լուաւ բանիցն Նեքաւովայ որ ի բերանոյ Տեառն, եւ եկն պատերազմել ի դաշտին Մակեդդովայ։

ԳԻՐՔ ՍԱՂՄՈՍԱՑ 12:2

Մինչեւ յե՞րբ դնեմ զխորհուրդս յանձն իմ, եւ ցաւք սրտի իմոյ զաւուրս։

ԱՌԱԿՔ ՍՈՂՈՄՈՆԻ 21:30

Ոչ է մարդոյ իմաստութիւն, ոչ արութիւն եւ ոչ խորհուրդ առ Աստուած։՝՝

ՄԱՐԳԱՐԷՈՒԹԻՒՆ ԵՐԵՄԵԱՅ 23:24

Եթէ թաքիցէ՞ մարդ ի թաքստեան, եւ ես ոչ տեսից զնա, ասէ Տէր. միթէ զերկինս եւ զերկիր ես ո՞չ լնուցում, ասէ Տէր։

ԹԱԳԱՒՈՐՈՒԹԵԱՆՑ ԱՌԱՋԻՆ 28:8

Եւ ծպտեցաւ Սաւուղ, եւ զգեցաւ այլ հանդերձս, եւ գնաց ինքն եւ երկու արք ընդ նմա, եւ եկին առ կինն գիշերի։ Եւ ասէ ցնա. Դիւթեա դու ինձ վհկաւդ, եւ հան ինձ զոր ասացից քեզ։