ԹԱԳԱՒՈՐՈՒԹԵԱՆՑ ԵՐՐՈՐԴ 20:26 - Գրաբար Աստվածաշունչ (1895)

²⁶ Եւ եղեւ ի դառնալ տարւոյն հանդէս արար որդին Ադերայ՝՝ Ասորւոց. եւ ել յԱփեկա ի պատերազմ ընդ Իսրայելի։

ԹԱԳԱՒՈՐՈՒԹԵԱՆՑ ԵՐՐՈՐԴ 20:26 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 11:1

Եւ եղեւ ի դառնալ տարւոյն ի նոյն ժամանակ ելից թագաւորացն, եւ առաքեաց Դաւիթ զՅովաբ եւ զծառայս իւր ընդ նմա եւ զամենայն Իսրայէլ, եւ սատակեցին զորդիսն Ամոնայ, եւ նստան զՌաբաթաւ. եւ Դաւիթ նստէր յԵրուսաղէմ։

ԹԱԳԱՒՈՐՈՒԹԵԱՆՑ ԵՐՐՈՐԴ 20:22

Եւ մատեաւ մարգարէն առ արքայ Իսրայելի, եւ ասէ ցնա. Զօրացիր եւ գիտա, եւ տես զինչ գործեսցես. զի ի դարձի տարւոյս այսորիկ որդի Ադերայ՝՝ արքայ Ասորւոց ելանելոց է ի վերայ քո։

ԹԱԳԱՒՈՐՈՒԹԵԱՆՑ ԵՐՐՈՐԴ 20:25

եւ փոխանակեսցուք քեզ զօրս ընդ զօրացն որ անկան ի քէն, եւ երիվարս ընդ երիվարացն, եւ կառս ընդ կառացն. եւ տացուք ընդ նոսա պատերազմ ի դիւրոջ եւ յաղթեսցուք նոցա։ Եւ անսաց բարբառոյ նոցա, եւ արար այնպէս։

ԹԱԳԱՒՈՐՈՒԹԵԱՆՑ ԵՐՐՈՐԴ 20:30

եւ մնացեալքն փախեան յԱփեկա ի քաղաքն իւրեանց, եւ անկաւ պարիսպն ի վերայ քսան եւ եւթն հազար արանց մնացելոց. եւ որդին Ադերայ՝՝ փախեաւ եւ եմուտ ի տուն իւր՝՝ սենեակ ի սենեկէ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 13:17

եւ ասէ. Բաց զպատուհանդ որ է ընդ արեւելս։ Եւ եբաց. եւ ասէ Եղիսէ. Ձգեա։ Եւ ձգեաց. եւ ասէ. Նետ փրկութեան Տեառն, եւ նետ փրկութեան ընդդէմ Ասորւոց. եւ հարցես զԱսորիս յԱփեկ մինչեւ ի սպառ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:4

ի Թեմանայ՝՝ ամենայն երկիրն Քանանացւոյն, Գազա եւ Սիդոնացիք՝՝ մինչեւ ցՅափեկա՝ մինչեւ ցսահմանս Ամովրհացւոյն.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 19:30

եւ Ամմա եւ Ափեկա եւ Ռաւովբա. քաղաքք քսան եւ երկու եւ աւանք նոցա։

ԴԱՏԱՒՈՐՔ 1:31

Եւ Ասեր ոչ եբարձ զբնակիչսն Ակքովայ, եւ եղեւ նմա հարկատու. եւ զբնակիչսն Դովրայ,՝՝ եւ զբնակիչսն Սիդոնի, եւ զբնակիչսն Աքլափայ, եւ զԱքազիփ եւ զԵլփա եւ զԱփեկ եւ զՌովբ.

ԹԱԳԱՒՈՐՈՒԹԵԱՆՑ ԱՌԱՋԻՆ 29:1

Եւ ժողովեցին այլազգիքն զամենայն զբանակս իւրեանց յԱփեկ, եւ բանակեցաւ Իսրայէլ յԱյենդովր Յեզրայելի։

ԹԱԳԱՒՈՐՈՒԹԵԱՆՑ ԱՌԱՋԻՆ 4:1

Եւ եղեւ ընդ աւուրսն ընդ այնոսիկ, ժողովէին այլազգիքն ի վերայ՝՝ Իսրայելի. եւ ել Իսրայէլ ընդդէմ նոցա ի պատերազմ, եւ բանակեցան յԱբենեզեր. եւ այլազգիքն բանակեցան յԱփեկ։