ԹԱԳԱՒՈՐՈՒԹԵԱՆՑ ԵՐՐՈՐԴ 20:1 - Գրաբար Աստվածաշունչ (1895)

¹ Եւ որդի Ադերայ՝՝ արքայ Ասորւոց ժողովեաց զամենայն զօրս իւր, եւ ել եւ նստաւ զՍամարեաւ, եւ՝՝ երեսուն եւ երկու թագաւորք ընդ նմա, եւ ամենայն երիվարք եւ կառք. ելին եւ նստան զՍամարեաւ, եւ տային՝՝ պատերազմ ընդ նմա։

ԹԱԳԱՒՈՐՈՒԹԵԱՆՑ ԵՐՐՈՐԴ 20:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 15:18

Եւ ա՛ռ Ասա զամենայն արծաթն եւ զոսկի գտեալ ի գանձս տանն Տեառն եւ ի գանձս տան թագաւորին, եւ ետ զայն ի ձեռս ծառայից իւրոց, եւ առաքեաց զնոսա Ասա արքայ առ որդին Ադերայ՝ որդւոյ Աբենրայիմայ որդւոյ Ազայելի՝՝ արքայի Ասորւոց բնակելոյ ի Դամասկոս՝ եւ ասէ.

ԹԱԳԱՒՈՐՈՒԹԵԱՆՑ ԵՐՐՈՐԴ 15:20

Եւ լուաւ որդի Ադերայ՝՝ արքայի Ասայի, եւ առաքեաց զիշխանսն իւր՝՝ ի քաղաքսն Իսրայելի. եւ եհար զԱյին եւ զԴան եւ զԱբէլ տանն Մաաքայ՝՝, եւ զամենայն զՔեներէթ մինչեւ յամենայն երկիրն Նեփթաղիմայ։

ԹԱԳԱՒՈՐՈՒԹԵԱՆՑ ԵՐՐՈՐԴ 16:24

Եւ ստացաւ Ամրի զլեառնն Սեմերոն ի Սամերայ տեռնէ լերինն՝՝ երկուց տաղանդաց արծաթոյ. եւ շինեաց զլեառնն, եւ կոչեաց զանուն լերինն զոր շինեաց՝ յանուն Սամերեայ տեառն լերինն՝ Սեմերոն։

ԹԱԳԱՒՈՐՈՒԹԵԱՆՑ ԵՐՐՈՐԴ 20:16

Եւ որդին Ադերայ՝՝ ընդ գինի մտեալ էր եւ արբեալ ի Սոկքով, ինքն եւ երեսուն եւ երկու թագաւորքն օգնականք նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 20:2

Եւ առաքեաց հրեշտակս առ Աքաաբ արքայ Իսրայելի ի քաղաքն,

ԹԱԳԱՒՈՐՈՒԹԵԱՆՑ ԵՐՐՈՐԴ 20:24

Եւ զայս բան արասցես. ի բաց արա զթագաւորսն յիւրաքանչիւր տեղւոջէ, եւ դիր ընդ նոցա նախարարս.

ԹԱԳԱՒՈՐՈՒԹԵԱՆՑ ԵՐՐՈՐԴ 22:31

Եւ արքայն Ասորւոց պատուէր ետ կառապետաց իւրոց եւ ասէ. Մի՛ մարտնչիցիք ընդ մեծի կամ ընդ փոքու, այլ միայն ընդ արքային Իսրայելի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 6:8

Եւ արքայն Ասորւոց տայր պատերազմ ընդ Իսրայելի. խորհեցաւ ընդ ծառայս իւր եւ ասէ. Ի տեղի մի յելմոնի՝՝ բանակեցայց ի դարանի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 8:5

Եւ եղեւ ի պատմելն նորա արքայի թէ որպէս կենդանացոյց զորդին մեռեալ, եւ ահաւանիկ առաջի անկաւ կինն զորոյ կենդանացոյց զորդին նորա Եղիսէ, աղաղակէր առ արքայ վասն տան իւրոյ եւ վասն անդոց իւրոց. եւ ասէ Գէեզի. Տէր արքայ, այս կին է եւ այս որդի դորա զոր կենդանացոյց Եղիսէ։

ԵԶՐ 7:12

Արտաշէս՝ թագաւորաց թագաւոր, Եզրի՝ գրչի օրինացն Տեառն Աստուծոյ երկնից.

ԵԼՔ 14:7

Եւ առ վեց հարեւր կառս ընտիրս, եւ զամենայն երիվարս Եգիպտացւոց, եւ սպառազէնս ի վերայ ամենեցուն։

ՄԱՐԳԱՐԷՈՒԹԻՒՆ ԵՍԱՅԵԱՅ 10:8

Եւ եթէ ասիցեն ցնա. Դու միա՞յն իցես իշխան։

ՄԱՐԳԱՐԷՈՒԹԻՒՆ ԵՍԱՅԵԱՅ 37:24

Զի՞ ի ձեռն հրեշտակաց նախատեցեր զՏէր. դու ասէիր թէ՝ Բազմութեամբ կառաց իմոց ելի ի բարձրութիւն լերանց, եւ ի ծագս Լիբանանու. եւ կոտորեցի զբարձրութիւն մայրից նորա, եւ զգեղեցկութիւն նոճից նորա, եւ մտի ի բարձրութիւն կողմանց անտառին.

ՄԱՐԳԱՐԷՈՒԹԻՒՆ ԵՐԵՄԵԱՅ 49:27

Ես վառեցից հուր ի պարիսպն Դամասկոսի, եւ կերիցէ զհրապարակս որդւոցն Ադերայ՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 26:7

Զի այսպէս ասէ Ադոնայի Տէր. Ահաւադիկ ես ածից ի վերայ քո, Ծուր, զՆաբուքոդոնոսոր արքայ Բաբելացւոց ի հիւսիսոյ, որ է արքայ արքայից. կառօք եւ երիվարօք, գունդագունդ հեծելովք ազգաց բազմաց յոյժ։

ՂԵՒՏԱԿԱՆ 26:25

Եւ սատակեցից զձեզ սրով խնդրել զվրէժ ուխտին. եւ թէ ամրանայցէք ի քաղաքս ձեր, եւ առաքեցից մահ ի ձեզ, եւ մատնեսջիք ի ձեռս թշնամեաց։

ՄԱՐԳԱՐԷՈՒԹԻՒՆ ԱՄՈՎՍԱՅ 1:4

Եւ առաքեցից հուր ի տունն Ազայելի, եւ կերիցէ զհիմունս որդւոյն Ադերայ՝՝։

ԵՐԿՐՈՐԴՈՒՄՆ ՕՐԻՆԱՑ 20:1

Եւ եթէ ելանիցես ի պատերազմ ի վերայ թշնամեաց քոց, եւ տեսանիցես երիվարս եւ հեծեալս եւ ազգ բազում քան զքեզ, մի՛ երկնչիցիս ի նոցանէ, զի Տէր Աստուած քո ընդ քեզ է որ եհան զքեզ յերկրէն Եգիպտացւոց։

ԵՐԿՐՈՐԴՈՒՄՆ ՕՐԻՆԱՑ 28:52

եւ նեղեսցէ զքեզ յամենայն քաղաքս քո, մինչեւ կործանեսցին պարիսպք քո բարձրացեալք եւ ամուրք յորս դուն յուսացեալ իցես յամենայն երկրին քում. եւ նեղեսցէ զքեզ յամենայն քաղաքս քո զորս ետ քեզ Տէր Աստուած քո.

ԴԱՏԱՒՈՐՔ 1:7

Եւ ասէ Ադոնիբեզեկ. Եւթանասուն թագաւորք ծայրակտուրք ձեռօք եւ ոտիւք էին, որ քաղէին զփշրանս ի ներքոյ սեղանոյ իմոյ. արդ որպէս արարի, նոյնպէս հատոյց ինձ Աստուած։ Եւ ածին զնա յԵրուսաղէմ, եւ անդ մեռաւ։

ԴԱՏԱՒՈՐՔ 4:3

Եւ աղաղակեցին որդիքն Իսրայելի առ Տէր. զի ինն հարեւր կառք երկաթիք էին նորա, եւ նա նեղէր զԻսրայէլ սաստիկ ամս քսան։

ԹԱԳԱՒՈՐՈՒԹԵԱՆՑ ԱՌԱՋԻՆ 13:5

Եւ այլազգիքն ժողովեալ էին ի պատերազմ ընդ Իսրայելի. եւ ելին ի վերայ Իսրայելի երեսուն հազար կառաց եւ վեց հազար հեծելոց, եւ ժողովուրդն իբրեւ զաւազ առ եզերբ ծովու բազմութեամբ. ելին եւ բանակեցան ի Մաքմաս, յանդիման Բեթորովնայ ընդ հարաւ՝՝։