ԹԱԳԱՒՈՐՈՒԹԵԱՆՑ ԵՐՐՈՐԴ 2:33 - Գրաբար Աստվածաշունչ (1895)

³³ Եւ դարձան արիւնք նոցա ի գլուխ դորա եւ ի գլուխ զաւակի դորա յաւիտեան. եւ Դաւթի եւ զաւակի իւրոյ եւ տան իւրոյ եւ աթոռոյ իւրոյ եղիցի խաղաղութիւն ի Տեառնէ յաւիտեան։

ԹԱԳԱՒՈՐՈՒԹԵԱՆՑ ԵՐՐՈՐԴ 2:33 ပူးပေါင်းရင်းမြစ်များ

ԾՆՈՒՆԴՔ 42:22

Պատասխանի ետ Ռուբէն եւ ասէ ցնոսա. Ո՞չ խօսեցայ ընդ ձեզ եւ ասեմ, թէ Մի՛ մեղանչէք մանկանդ. եւ ոչ լուարուք ինձ. եւ ահա արիւն նորա խնդրի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:9

Եւ ասէ կինն Թեկուացի. Յիմ վերայ, արքայ, անօրէնութիւնն, եւ ի վերայ տան հօր իմոյ, եւ արքայ եւ աթոռ իւր քաւեալ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:32

Դարձոյց Տէր զարիւն անիրաւութեան նորա ի նորին գլուխ, որպէս պատահեաց երկուց արանց արդարոց եւ քաջաց քան զնա, եւ սպան զնոսա սրով, եւ հայր իմ ոչ գիտաց զարիւն նոցա՝՝, զԱբեններ որդի Ներեայ՝ զսպարապետն Իսրայելի, եւ զԱմեսայի որդի Յեթերայ՝ զսպարապետն Յուդայ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:44

Եւ ասէ արքայ ցՍեմէի. Դու ինքնին գիտես զչարութիւն քո՝՝, զոր գիտէ սիրտ քո զոր արարեր ընդ Դաւթի հօր իմում. եւ հատոյց Տէր զչարիսն քո ի գլուխ քո.

ԹԱԳԱՒՈՐՈՒԹԵԱՆՑ ԵՐՐՈՐԴ 8:32

եւ դու լուիցես յերկնից եւ արասցես, եւ դատեսցիս զժողովուրդ քո զԻսրայէլ՝՝ յանօրինել անօրինին, տալ ըստ ճանապարհաց նորա ի գլուխ նորա եւ արդարացուցանել զարդարն՝ տալ նմա ըստ արդարութեան նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:27

Եւ բորոտութիւնն Նէեմանայ յարեսցի ի քեզ եւ ի զաւակ քո յաւիտեան։ Եւ ել յերեսաց նորա բորոտեալ իբրեւ զձիւն։

ՄՆԱՑՈՐԴԱՑ ԱՌԱՋԻՆ 17:27

Սկսիր այսուհետեւ օրհնել զտուն ծառայի քո, լինել առաջի քո յաւիտեան. վասն զի դու, Տէր, օրհնեցեր, եւ օրհնեա յաւիտեան։

ԳԻՐՔ ՍԱՂՄՈՍԱՑ 101:8

Տքնեցայ եւ եղէ ես որպէս ճնճղուկ միայն ի տանիս։

ԳԻՐՔ ՍԱՂՄՈՍԱՑ 21:4

Դու ի սուրբս բնակեալ ես, գովեալդ յԻսրայելի՝՝։

ԱՌԱԿՔ ՍՈՂՈՄՈՆԻ 25:5

Սատակեա՝՝ զամպարիշտս յերեսաց թագաւորի, եւ ուղղեսցի արդարութեամբ աթոռ նորա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 17:19

Վասն այսորիկ ասա. Այսպէս ասէ Ադոնայի Տէր. Կենդանի եմ ես, ասէ Ադոնայի Տէր,՝՝ եթէ ոչ ըստ ուխտին իմում զորով անց եւ ըստ երդմանն իմոյ զոր անարգեաց՝ հատուցից ի գլուխ նորա։

ԹԻՒՔ 32:23

Ապա թէ ոչ առնիցէք այդպէս, յանցաւոր գտանիցիք առաջի Տեառն. եւ ծանիջիք զմեղս ձեր, յորժամ հասանիցեն ձեզ չարիք՝՝։

Մատթեոսի Աւետարան 27:25

Պատասխանի ետ ամենայն ժողովուրդն եւ ասէ. Արիւն դորա ի վերայ մեր եւ ի վերայ որդւոց մերոց։

ԱՒԵՏԱՐԱՆ ԸՍՏ ՂՈՒԿԱՍՈՒ 2:14

Փառք ի բարձունս Աստուծոյ, եւ յերկիր խաղաղութիւն, ի մարդիկ հաճութիւն։

ԳՈՐԾՔ ԱՌԱՔԵԼՈՑ 18:6

Եւ յընդդէմ դառնալ նոցա եւ ի հայհոյել, թօթափեաց զձորձս եւ ասէ ցնոսա. Արիւն ձեր ի գլուխ ձեր, քաւեալ եմ ես, յայսմ հետէ ի հեթանոսս երթամ։

ԴԱՏԱՒՈՐՔ 9:24

ածել ի վերայ նորա զանիրաւութիւն եւթանասնից որդւոցն Յերոբաաղայ, եւ հասուցանել զարիւն նոցա ի վերայ Աբիմելեքայ եղբօրն իւրեանց որ կոտորեաց զնոսա, եւ ի վերայ արանց Սիկիմացւոց՝ զի զօրացուցին զձեռս նորա կոտորել զեղբարս իւր։