ԹԱԳԱՒՈՐՈՒԹԵԱՆՑ ԵՐՐՈՐԴ 17:16 - Գրաբար Աստվածաշունչ (1895)

¹⁶ եւ յօրէ յայնմանէ սափոր՝՝ ալերն ոչ պակասեաց, եւ կամփսակ իւղոյն ոչ նուազեաց ըստ բանին Տեառն զոր խօսեցաւ ի ձեռն Եղիայի։

ԹԱԳԱՒՈՐՈՒԹԵԱՆՑ ԵՐՐՈՐԴ 17:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 13:5

Եւ սեղանն պատառեցաւ եւ հեղաւ պարարտութիւնն ի սեղանոյ անտի, ըստ նշանին զոր ետ այրն Աստուծոյ բանիւ Տեառն։

ԹԱԳԱՒՈՐՈՒԹԵԱՆՑ ԵՐՐՈՐԴ 16:12

Եւ ջնջեաց Զամբրի զամենայն տունն Բաասայ՝ ըստ բանին Տեառն զոր խօսեցաւ ի վերայ տանն Բաասայ ի ձեռն Յէուայ մարգարէի.

ԹԱԳԱՒՈՐՈՒԹԵԱՆՑ ԵՐՐՈՐԴ 17:15

Եւ գնաց կինն, եւ արար ըստ բանին Եղիայի, եւ կերաւ սա եւ նա եւ որդիք նորա.

ԹԱԳԱՒՈՐՈՒԹԵԱՆՑ ԵՐՐՈՐԴ 17:17

Եւ եղեւ յետ բանիցս այսոցիկ հիւանդացաւ որդի տիկնոջ տանն, եւ էր ախտ նորա սաստիկ յոյժ, մինչ ոչ մնաց ի նմա շունչ։

ԹԱԳԱՒՈՐՈՒԹԵԱՆՑ ԵՐՐՈՐԴ 22:38

Եւ լուացին զկառսն յաւազանս Սամարեայ. եւ լիզէին խոզք եւ՝՝ շունք զարիւն նորա, եւ բոզք լուացան յարեանն՝՝, ըստ բանին Տեառն զոր խօսեցաւ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 1:17

Եւ մեռաւ ըստ բանին Տեառն զոր խօսեցաւ Եղիա։ Եւ Յովրամ որդի Աքաաբու թագաւորէ ի վերայ Իսրայելի ի Սամարիա ամս երկոտասան, յամի ութուտասներորդի Յովսափատայ արքայի Յուդայ. եւ արար չար առաջի Տեառն, բայց ոչ իբրեւ զեղբարս իւր եւ ոչ իբրեւ զմայր իւր։ Եւ եբարձ զարձանսն Բահաղու զոր արար հայր նորա, եւ խորտակեաց զնոսա։ Սակայն ի մեղս տանն Յերոբովամայ որ յանցոյցն զԻսրայէլ՝ յարեցաւ, եւ ոչ մեկնեցաւ ի նոցանէն. եւ սրտմտեցաւ բարկութեամբ Տէր ի վերայ տանն Աքաաբու։՝՝ Եւ թագաւորեաց Յովրամ եղբայր նորա՝՝ ընդ նորա, յամի երկրորդի Յովրամայ արքայի Յուդայ՝ որդւոյ Յովսափատու, զի ոչ գոյր նորա որդի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 5:14

Եւ էջ Նէեման եւ մկրտեցաւ ի Յորդանան եւթն անգամ ըստ բանին Եղիսէի՝՝. եւ դարձաւ մարմին նորա իբրեւ զմարմին մանկան մատաղոյ եւ սրբեցաւ։

Մատթեոսի Աւետարան 19:26

Հայեցաւ ի նոսա Յիսուս եւ ասէ. Առ ի մարդկանէ այդ անկար է, այլ առ յԱստուծոյ՝ ամենայն ինչ զօրաւոր։

Մատթեոսի Աւետարան 26:7

մատեաւ առ նա կին մի որ ունէր շիշ իւղոյ ծանրագնի, եւ թափեաց ի գլուխ նորա ի բազմականին։

ԱՒԵՏԱՐԱՆ ԸՍՏ ՂՈՒԿԱՍՈՒ 1:37

զի ոչ տկարասցի առ յԱստուծոյ ամենայն բան։

ԱՒԵՏԱՐԱՆ ԸՍՏ ՂՈՒԿԱՍՈՒ 1:45

Եւ երանի որ հաւատայցէ եթէ եղիցի կատարումն ասացելոցս նմա ի Տեառնէ։