ԹԱԳԱՒՈՐՈՒԹԵԱՆՑ ԵՐՐՈՐԴ 16:31 - Գրաբար Աստվածաշունչ (1895)

³¹ Եւ ոչ ինչ էր նմա ընդհատ գնալ ըստ մեղաց Յերոբովամայ որդւոյ Նաբատայ. եւ ա՛ռ կին զՅեզաբէլ դուստր Յովբաղայ արքայի Սիդոնացւոց, եւ գնաց եւ ծառայեաց Բահաղու եւ երկիր եպագ նմա։

ԹԱԳԱՒՈՐՈՒԹԵԱՆՑ ԵՐՐՈՐԴ 16:31 ပူးပေါင်းရင်းမြစ်များ

ԾՆՈՒՆԴՔ 30:15

Եւ ասէ Լիա. Ո՞չ իցէ քեզ շատ զի առեր զայրն իմ, միթէ եւ զմանրագո՞րս որդւոյ իմոյ առնուցուս։ Եւ ասէ Ռաքէլ. Ոչ այդպէս է՝՝ ննջեսցէ ընդ քեզ զայս գիշեր փոխանակ մանրագորաց որդւոյ քո։

ԾՆՈՒՆԴՔ 6:2

Տեսեալ որդւոցն Աստուծոյ զդստերս մարդկան զի գեղեցիկ էին, առին իւրեանց կանայս յամենեցունց զոր ընտրեցին։

ԹԱԳԱՒՈՐՈՒԹԵԱՆՑ ԵՐՐՈՐԴ 18:18

Եւ ասէ Եղիա. Ես ոչ խանգարեմ զԻսրայէլ, այլ դու եւ տուն հօր քո, ի թողուլ ձեր զՏէր Աստուած ձեր՝՝ եւ երթալ զհետ Բահաղիմայցն։

ԹԱԳԱՒՈՐՈՒԹԵԱՆՑ ԵՐՐՈՐԴ 18:19

Եւ արդ առաքեա ժողովեա առ իս զամենայն Իսրայէլ ի լեառն Կարմեղոս, եւ զմարգարէսն Բահաղու զչորեքհարեւր եւ զյիսուն, եւ զմարգարէսն ամօթոյ զչորեքհարեւր եւ զյիսուն,՝՝ եւ զմարգարէսն անտառաց զչորեքհարեւր, որ ուտեն զսեղանն Յեզաբելայ։

ԹԱԳԱՒՈՐՈՒԹԵԱՆՑ ԵՐՐՈՐԴ 18:4

եւ եղեւ ի կոտորել Յեզաբելայ զմարգարէսն Տեառն, ա՛ռ Աբդիու հարեւր այր մարգարէ, եւ թաքոյց զնոսա յիսուն յիսուն յայրի, եւ կերակրեաց զնոսա հացիւ եւ ջրով։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:18

Եւ ժողովեաց Յէու զամենայն ժողովուրդն եւ ասէ ցնոսա. Աքաաբ ծառայեաց Բահաղու սակաւ ինչ, Յէու ծառայեսցէ նմա բազում։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:16

Թողին զամենայն պատուիրանս Տեառն Աստուծոյ իւրեանց, եւ արարին իւրեանց ձուլածոյս, երկուս երինջս, եւ երկիր պագին՝՝ զօրութեան երկնից, եւ պաշտեցին զԲահաղ,

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:3

Եւ դարձաւ շինեաց զբարձունսն զոր կործանեաց Եզեկիա հայր նորա, եւ կանգնեաց զսեղանն Բահաղու, եւ արար անտառ՝ որպէս արար Աքաաբ արքայ Իսրայելի. եւ երկիր եպագ ամենայն զօրութեան երկնից եւ ծառայեաց նոցա.

ԹԱԳԱՒՈՐՈՒԹԵԱՆՑ ՉՈՐՐՈՐԴ 3:2

Եւ արար չար առաջի Տեառն, բայց ոչ իբրեւ զհայր իւր, եւ ոչ իբրեւ զմայր իւր. եւ կործանեաց զարձանսն իւր զոր արար հայր նորա։

ՄՆԱՑՈՐԴԱՑ ԵՐԿՐՈՐԴ 17:4

այլ զՏէր Աստուած հօր իւրոյ խնդրեաց, եւ ի պատուիրանս հօրն իւրոյ՝՝ գնաց. եւ ոչ էին իբրեւ զԻսրայելի գործք նորա։

ՄՆԱՑՈՐԴԱՑ ԵՐԿՐՈՐԴ 21:13

այլ գնացեր ի ճանապարհս թագաւորին Իսրայելի, եւ պոռնկեցուցեր զՅուդա եւ զբնակիչսն Երուսաղեմի, որպէս պոռնկեցաւ տունն Աքաաբու, եւ զեղբարս քո զորդիս հօր քո, զլաւագոյնսն քան զքեզ, սպաներ,

ՄԱՐԳԱՐԷՈՒԹԻՒՆ ԵՍԱՅԵԱՅ 7:13

Եւ ասէ. Արդ լուարուք, տուն Դաւթի. Թեթե՞ւ ինչ թուիցի ձեզ աշխատութիւն հասուցանել մարդկան, եւ զիա՞րդ հասուցանէք աշխատութիւն Տեառն՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:20

եւ առեր զուստերսն քո եւ զդստերս զոր ինձ ծնար՝ եւ զոհեցեր նոցա ի սատակումն։ Իբրեւ զփո՞քր ինչ համարեցար զպոռնկութիւնն,

ՄԱՐԳԱՐԷՈՒԹԻՒՆ ԵԶԵԿԻԵԼԻ 16:47

Սակայն եւ ոչ ըստ ճանապարհաց նոցա գնացեր, եւ ոչ ըստ անօրէնութեանց նոցա արարեր. զի փոքր մի՝՝ առաւել գտար քան զնոսա յամենայն ճանապարհս քո։

ՄԱՐԳԱՐԷՈՒԹԻՒՆ ԵԶԵԿԻԵԼԻ 34:18

Չիցէ՞ ձեզ բաւական զգեղեցիկ արօտսն յառաջագոյն արածել, այլ եւ զմնացեալ ճարակն ի ձէնջ առ ոտն կոտորէիք, եւ զջուրսն յստակ ըմպէիք, եւ զմնացեալն առ ոտն պղտորէիք։

ՄԱՐԳԱՐԷՈՒԹԻՒՆ ԵԶԵԿԻԵԼԻ 8:17

Եւ ասէ ցիս. Տեսե՞ր զայդ, որդի մարդոյ. միթէ փո՞քր ինչ իցէ անօրէնութիւն տանդ Իսրայելի՝՝ զոր գործեն աստ, զի լցին զերկիրդ անօրէնութեամբք, եւ դարձան ի բարկացուցանել զիս. եւ ահա ձկտեն զբազուկ որթոյն ընդ արհամարհանս՝՝։

ՄԱՐԳԱՐԷՈՒԹԻՒՆ ՈՎՍԵԱՅ 2:15

Եւ տաց նմա զստացուածս իւր անտի, եւ զծործորն Աքովրայ՝ բանալ զմիտս նորա. եւ խոնարհեսցի անդ՝՝ ըստ աւուրց տղայութեան իւրոյ, եւ ըստ աւուրց ելանելոյ նորա յերկրէն Եգիպտացւոց։

ԹԻՒՔ 16:9

միթէ փո՞քր ինչ իցէ ձեզ այդ, զի զատոյց զձեզ Աստուած Իսրայելի ի ժողովրդենէ իւրմէ, եւ մերձեցոյց զձեզ առ ինքն՝ պաշտել զպաշտօն խորանին Տեառն, եւ կալ առաջի ժողովրդեանն պաշտել զնա.

ԵՐԿՐՈՐԴՈՒՄՆ ՕՐԻՆԱՑ 7:1

Եւ եթէ տարցի զքեզ Տէր Աստուած քո յերկիրն յոր դու մտանիցես ժառանգել, եւ բարձցէ զազգսն մեծամեծս եւ զբազումս՝՝ յերեսաց քոց, զՔետացին եւ զԳերգեսացին եւ զԱմովրհացին եւ զՔանանացին եւ զՓերեզացին եւ զԽեւացին եւ զՅեբուսացին, եւթն ազգս մեծամեծս եւ զօրագոյնս քան զձեզ,

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 2:20

Այլ ասեմ առ քեզ բազում. զի թողեր զկինն զՅեզաբէլ, որ ասէր զինքն մարգարէ, եւ ուսուցանէր մոլորութիւն զծառայս իմ՝ պոռնկել եւ ուտել զզոհեալ։

ԴԱՏԱՒՈՐՔ 1:31

Եւ Ասեր ոչ եբարձ զբնակիչսն Ակքովայ, եւ եղեւ նմա հարկատու. եւ զբնակիչսն Դովրայ,՝՝ եւ զբնակիչսն Սիդոնի, եւ զբնակիչսն Աքլափայ, եւ զԱքազիփ եւ զԵլփա եւ զԱփեկ եւ զՌովբ.

ԴԱՏԱՒՈՐՔ 10:12

եւ Սիդոնացիք եւ Ամաղէկ եւ Քանան նեղեցին զձեզ, եւ աղաղակեցէք առ իս եւ փրկեցի զձեզ ի ձեռաց նոցա։

ԴԱՏԱՒՈՐՔ 10:6

Եւ յաւելին որդիքն Իսրայելի առնել չար առաջի Տեառն, եւ պաշտեցին զԲահաղիմսն եւ զԱստարովթն, եւ զաստուածս Ասորւոց եւ զաստուածս Սիդոնայ եւ զաստուածս Մովաբայ եւ զաստուածս որդւոցն Ամոնայ եւ զաստուածս այլազգեացն. եւ թողին զՏէր եւ ոչ ծառայեցին նմա։

ԴԱՏԱՒՈՐՔ 18:7

Եւ գնացին հնգեքին արքն, եւ չոգան ի Լայիսա. եւ տեսին զժողովուրդն, որ ի նմա, որ բնակեալ նստէր յուսով՝ ըստ նմանութեան Սիդոնացւոցն հանդարտելոցն յուսով. եւ ոչ բաւական լինելոյ խօսել ումեք բան մի յերկրի գանձուցն ժառանգաւորի. եւ՝՝ հեռի էին ի Սիդոնէ, եւ բանք ինչ ոչ գոյին նոցա ընդ Ասորիս։

ԴԱՏԱՒՈՐՔ 2:11

Եւ արարին որդիքն Իսրայելի չար առաջի Տեառն, եւ պաշտեցին զԲահաղիմ.

ԴԱՏԱՒՈՐՔ 3:7

Եւ արարին որդիքն Իսրայելի չար առաջի Տեառն, եւ մոռացան զՏէր Աստուած իւրեանց եւ պաշտեցին զԲահաղ եւ զանտառսն։