եւ չարացար առնել քան զամենեսին որ եղեն յառաջ քան զքեզ, եւ գնացեր եւ արարեր քեզ աստուածս օտարոտիս եւ ձուլածոյս բարկացուցանել զիս, եւ զիս ընկեցեր յետս ի մարմնոյ քումմէ,
Եւ Աքաաբ որդի Ամրեայ թագաւորեաց ի վերայ Իսրայելի. յամին երեսներորդի եւ ութերորդի Ասայի արքայի Յուդայ թագաւորեաց Աքաաբ որդի Ամրեայ ի վերայ Իսրայելի ի Սամարիա ամս քսան եւ երկուս։
Եւ ոչ ինչ էր նմա ընդհատ գնալ ըստ մեղաց Յերոբովամայ որդւոյ Նաբատայ. եւ ա՛ռ կին զՅեզաբէլ դուստր Յովբաղայ արքայի Սիդոնացւոց, եւ գնաց եւ ծառայեաց Բահաղու եւ երկիր եպագ նմա։
Եւ արար չար առաջի Տեառն, եւ գնաց զճանապարհս Աքաաբու հօր իւրոյ, եւ զճանապարհս Յեզաբելայ մօր իւրոյ, եւ ի մեղս տանն Յերոբովամայ որդւոյ Նաբատայ որ յանցոյցն զԻսրայէլ.
Եւ եղեւ իբրեւ ետես Յովրամ զՅէու, եւ ասէ. Ողջո՞յն է, Յէու։ Եւ ասէ Յէու. Զի՞նչ ողջոյն է, տակաւին պոռնկութիւն Յեզաբելայ մօր քո եւ կախարդութիւնք նորա յաճախիցե՞ն։
այլ գնացեր ի ճանապարհս թագաւորին Իսրայելի, եւ պոռնկեցուցեր զՅուդա եւ զբնակիչսն Երուսաղեմի, որպէս պոռնկեցաւ տունն Աքաաբու, եւ զեղբարս քո զորդիս հօր քո, զլաւագոյնսն քան զքեզ, սպաներ,