ԹԱԳԱՒՈՐՈՒԹԵԱՆՑ ԵՐՐՈՐԴ 14:31 - Գրաբար Աստվածաշունչ (1895)

³¹ Եւ ննջեաց Ռոբովամ ընդ հարս իւր եւ թաղեցաւ ընդ հարս իւր ի քաղաքի Դաւթի. եւ անուն մօր նորա Նաամա Ամոնացի. եւ թագաւորեաց Աբիու որդի նորա ընդ նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 14:31 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 11:1

Եւ արքայ Սողոմոն էր իգասէր. եւ ա՛ռ իւր՝՝ կանայս օտարոտիս բազումս, եւ զդուստրն փարաւոնի, եւ Մովաբացիս եւ Ամոնացիս եւ Եդովմայեցիս եւ Ասորիս եւ Քետացիս եւ Ամովրհացիս՝՝,

ԹԱԳԱՒՈՐՈՒԹԵԱՆՑ ԵՐՐՈՐԴ 11:43

Եւ ննջեաց Սողոմոն ընդ հարս իւր, եւ թաղեցին զնա ի քաղաքի Դաւթի հօր իւրոյ եւ թագաւորեաց Ռոբովամ որդի նորա ընդ նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 15:1

Եւ յամին ութուտասներորդի թագաւորութեանն Յերոբովամայ որդւոյ Նաբատայ թագաւորէ Աբիու որդի Ռոբովամայ՝՝ ի վերայ Յուդայ։

ԹԱԳԱՒՈՐՈՒԹԵԱՆՑ ԵՐՐՈՐԴ 15:24

Եւ ննջեաց Ասա ընդ հարս իւր, եւ թաղեցաւ ընդ հարս իւր ի քաղաքին Դաւթի. եւ թագաւորէ Յովսափատ որդի նորա ընդ նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 15:3

Եւ գնաց ի մեղս հօր իւրոյ զոր արար առաջի Տեառն Աստուծոյ իւրոյ՝՝, եւ ոչ էր սիրտ նորա կատարեալ ընդ Տեառն Աստուծոյ իւրոյ իբրեւ զսիրտն Դաւթի հօր իւրոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 2:10

Եւ ննջեաց Դաւիթ ընդ հարս իւր, եւ թաղեցաւ ի քաղաքի Դաւթի։

ԹԱԳԱՒՈՐՈՒԹԵԱՆՑ ԵՐՐՈՐԴ 22:50

Յայնժամ ասէ Ոքոզիա որդի Աքաաբու ցՅովսափատ. Երթիցեն ծառայք քո ընդ ծառայս իմ, եւ նաւք քո ընդ նաւս իմ՝՝. եւ ոչ կամեցաւ Յովսափատ։

ՄՆԱՑՈՐԴԱՑ ԱՌԱՋԻՆ 3:10

Որդիք Սողոմոնի, Ռոբովամ եւ Աբիաս որդի նորա, Ասա որդի նորա, Յովսափատ որդի նորա,

ՄՆԱՑՈՐԴԱՑ ԵՐԿՐՈՐԴ 12:16

Եւ մեռաւ Ռոբովամ, եւ թաղեցաւ ընդ հարս իւր՝՝ ի քաղաքին Դաւթի։ Եւ թագաւորեաց Աբիա որդի նորա փոխանակ նորա։

Մատթեոսի Աւետարան 1:7

Սողոմովն ծնաւ զՐոբովամ. Րոբովամ ծնաւ զԱբիա. Աբիա ծնաւ զԱսափ.

ԵՐԿՐՈՐԴՈՒՄՆ ՕՐԻՆԱՑ 23:3

Մի՛ մտցէ Ամոնացի եւ Մովաբացի յեկեղեցի Տեառն. մինչեւ ցտասն ազգ մի՛ մտցեն յեկեղեցի Տեառն եւ մինչեւ ցյաւիտեան.