ԹԱԳԱՒՈՐՈՒԹԵԱՆՑ ԵՐՐՈՐԴ 13:11 - Գրաբար Աստվածաշունչ (1895)

¹¹ Եւ մարգարէ մի ծեր բնակեալ էր ի Բեթէլ, եւ եկին որդիք նորա եւ պատմեցին նմա զամենայն զգործսն զոր արար այրն Աստուծոյ յաւուր յայնմիկ ի Բեթէլ, եւ զբանսն զոր խօսեցաւ ընդ արքայի, եւ դարձուցին զերեսս՝՝ հօրն իւրեանց։

ԹԱԳԱՒՈՐՈՒԹԵԱՆՑ ԵՐՐՈՐԴ 13:11 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 13:10

Եւ գնաց զճանապարհ իւր, այլ ոչ ընդ նոյն ճանապարհ ընդ որ եկն գնաց ի Բեթելայ՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 13:12

Եւ խօսեցաւ ընդ նոսա հայրն նոցա եւ ասէ. Ընդ ո՞ր ճանապարհ գնաց։ Եւ ցուցին նմա որդիք նորա զճանապարհն ընդ որ գնաց այրն Աստուծոյ որ եկեալ էր ի Յուդայ։

ԹԱԳԱՒՈՐՈՒԹԵԱՆՑ ԵՐՐՈՐԴ 13:25

Եւ ահա արք անցաւորք տեսին մեռեալ ընկեցեալ ի ճանապարհին, եւ առեւծն կայր առընթեր մեռելոյն. եւ մտին եւ խօսեցան ի քաղաքին ուր մարգարէն ծեր բնակեալ էր։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:18

Եւ ասէ. Թոյլ տուք զայն, մի՛ ոք շարժեսցէ զոսկերս նորա։ Եւ գտան ոսկերք՝՝ նորա ընդ ոսկերս մարգարէին եկելոյ ի Սամարիայ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 13:16

մարգարէքն Իսրայելի՝ որ մարգարէանային ի վերայ Երուսաղեմի, եւ տեսանէին նմա խաղաղութիւն, եւ ոչ գոյր խաղաղութիւն, ասէ Ադոնայի Տէր։

ՄԱՐԳԱՐԷՈՒԹԻՒՆ ԵԶԵԿԻԵԼԻ 13:2

Որդի մարդոյ, մարգարեաց ի վերայ մարգարէիցդ Իսրայելի որ մարգարէանան անդ, եւ ասասցես ցմարգարէսդ որ մարգարէանան ի սրտից իւրեանց. մարգարէանայցես եւ ասասցես ցնոսա.՝՝ Լուարուք զպատգամս Տեառն.

ԹԻՒՔ 24:2

Եւ ամբարձեալ Բաղաամու զաչս իւր ետես զԻսրայէլ բանակեալ ըստ ցեղից ցեղից. եւ եղեւ Հոգի Աստուծոյ ի վերայ նորա.

Մատթեոսի Աւետարան 7:22

Բազումք ասիցեն ցիս յաւուրն յայնմիկ. Տէր, Տէր, ո՞չ յանուն քո մարգարէացաք, եւ յանուն քո դեւս հանաք, եւ յանուն քո զօրութիւնս բազումս արարաք։

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 3:5

(Ապա եթէ ոք իւրում տանն վերակացու չգիտիցէ լինել, զիա՞րդ եկեղեցւոյ Աստուծոյ խնամակալ լիցի։)

ԹՈՒՂԹ ՊԵՏՐՈՍԻ ԵՐԿՐՈՐԴ 2:16

որ կշտամբանս իւրոյ անօրէնութեանն ստացաւ զէշն անխօսուն. մարդկեղէն՝՝ բարբառովն բարբառեալ՝ արգել զմարգարէին զանօրէնութիւնն։

ԹԱԳԱՒՈՐՈՒԹԵԱՆՑ ԱՌԱՋԻՆ 10:11

Եւ եղեւ իբրեւ ծանեան զնա ամենեքին որոց յերէկն եւ յեռանդ տեսեալ էր զնա, եթէ ահա եւ նա ի մէջ մարգարէիցն մարգարէանայր, ասէ ժողովուրդն իւրաքանչիւր ցընկեր իւր. Զի՞նչ է այդ որ եղեւ որդւոյ Կիսեայ, կամ թէ եւ Սաւո՞ւղ ընդ մարգարէս իցէ։