ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 9:21 - Գրաբար Աստվածաշունչ (1895)

²¹ Եղէ ընդ օրինօք իբրեւ զայնոսիկ որ ընդ օրինօքն էին, իբր ոչ եթէ ընդ օրինօքն էի, այլ՝՝ զի որ ընդ օրինօքն իցեն՝ եւ զնոսա շահեցայց. ընդ անօրէնս եղէ իբրեւ զանօրէն, իբր ոչ եթէ անօրէն ինչ էի Աստուծոյ, այլ ընդ օրինօքն Քրիստոսի, զի շահեցայց զանօրէնսն։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 9:21 ပူးပေါင်းရင်းမြစ်များ

ԳՈՐԾՔ ԱՌԱՔԵԼՈՑ 15:28

Զի հաճոյ թուեցաւ Հոգւոյն Սրբոյ եւ մեզ մի՛ ինչ աւելի բեռն դնել ձեզ, բայց միայն ի կարեւորացս յայսոցիկ.

ԳՈՐԾՔ ԱՌԱՔԵԼՈՑ 16:4

Իբրեւ անցանէին ընդ քաղաքսն, աւանդէին նոցա պահել զհրամանսն պատուիրեալս յառաքելոցն եւ յերիցանցն որք յԵրուսաղէմ։

ԳՈՐԾՔ ԱՌԱՔԵԼՈՑ 21:25

Բայց վասն հաւատացելոցն հեթանոսաց՝ մեք առաքեցաք որպէս ընտրեցաք, մի՛ ինչ այնպիսի պահել նոցա. բայց միայն զգուշանալ նոցա ի կռոց զոհելոյ եւ յարենէ եւ ի հեղձուցելոյ եւ ի պոռնկութենէ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 2:12

Որք միանգամ արտաքոյ օրինացն մեղան՝ արտաքոյ օրինացն եւ կորնչին. եւ որք ընդ օրինօքն մեղան՝ օրինօքն եւ դատեսցին.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 2:14

Այլ յորժամ հեթանոսք որ զօրէնս ոչ ունին՝ բնութեամբ զօրինացն գործիցեն, նոքա որ զօրէնս ոչ ունին՝ անձանց իւրեանց իսկ են օրէնք.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 7:22

Հաճեալ եմ ընդ օրէնսն Աստուծոյ ըստ ներքին մարդոյն.

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 7:25

Այլ շնո՛րհք Աստուծոյ ի ձեռն Յիսուսի Քրիստոսի Տեառն մերոյ։ ԵԿ. Ապա ուրեմն ես ինքնին մտօք իմովք ծառայեմ օրինացն Աստուծոյ. եւ մարմնով՝ օրինացն մեղաց։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 8:4

զի արդարութիւն օրինացն կատարեսցի ի մեզ, որք ոչ ըստ մարմնոյ գնայցեմք, այլ՝ ըստ հոգւոյն։

ԱՌ ԳԱՂԱՏԱՑԻՍ ԹՈՒՂԹ 3:2

Զայս միայն կամիմ ուսանել ի ձէնջ. ի գործո՞ց օրինաց զՀոգին ընկալարուք, եթէ ի լրոյ հաւատոց։

ԱՌ ԳԱՂԱՏԱՑԻՍ ԹՈՒՂԹ 6:2

Զմիմեանց բեռն բարձէք, եւ այնպէս կատարեցէք զօրէնսն Քրիստոսի։

ԱՌ ԵԲՐԱՅԵՑԻՍ ԹՈՒՂԹ 8:10

Այլ այս է ուխտն զոր եդից տանն Իսրայելի յետ աւուրցն այնոցիկ, ասէ Տէր, տաց զօրէնս իմ ի միտս նոցա, եւ ի սիրտս նոցա գրեցից զնոսա, եւ եղէց նոցա Աստուած, եւ նոքա եղիցին ինձ ի ժողովուրդ։