ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 16:19 - Գրաբար Աստվածաշունչ (1895)

¹⁹ Ողջոյն տան ձեզ եկեղեցիքն Ասիացւոց։ Ողջոյն շատ տան ձեզ ի Տէր Ակիւղաս եւ Պրիսկա հանդերձ առտնին եկեղեցեաւն իւրեանց։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 16:19 ပူးပေါင်းရင်းမြစ်များ

ԳՈՐԾՔ ԱՌԱՔԵԼՈՑ 16:6

Եւ շրջեցան ընդ Փռիւգիա եւ ընդ կողմանս Գաղատացւոց, արգելեալք ի Հոգւոյն Սրբոյ խօսել զբանն յԱսիա։

ԳՈՐԾՔ ԱՌԱՔԵԼՈՑ 18:18

Բայց Պաւղոսի տակաւին մնացեալ աւուրս բազումս, յեղբարց հրաժարեալ՝ նաւէր յԱսորիս, եւ ընդ նմա Պրիսկիղա եւ Ակիւղաս, փոքրել զգլուխ ի Կենքրա, քանզի ուխտադիր էր։

ԳՈՐԾՔ ԱՌԱՔԵԼՈՑ 18:2

եւ եգիտ զոմն Հրեայ, անուն Ակիւղաս, յազգէ Պոնտացի, այն ինչ եկեալ յԻտալիայ, եւ զՊրիսկիղա կին նորա, վասն հրամանին Կղաւդեայ՝ որոշել զամենայն Հրեայս ի Հռովմայ, եւ յարեցաւ ի նոսա։

ԳՈՐԾՔ ԱՌԱՔԵԼՈՑ 18:26

Սա սկսաւ համարձակել ի ժողովրդեանն. եւ լուեալ ի նմանէ Ակիւղայ եւ Պրիսկիղայ՝ առին զնա առ իւրեանս, եւ ճշմարտագոյնս պատմեցին նմա զճանապարհն Աստուծոյ։

ԳՈՐԾՔ ԱՌԱՔԵԼՈՑ 19:10

Եւ այս եղեւ զերկեամ մի, մինչեւ ամենայն բնակչացն Ասիացւոց լսել զբանն Տեառն, Հրէից եւ հեթանոսաց։

ԳՈՐԾՔ ԱՌԱՔԵԼՈՑ 2:9

Պարթեւք եւ Մարք եւ Իղամացիք եւ որ բնակեալ են ի Միջագետս, ի Հրէաստանի եւ ի Գամիրս, ի Պոնտոս եւ յԱսիա,

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 16:15

Ողջոյն տաջիք Փիղողոգեայ, եւ Յուղեայ, Ներեայ եւ քեռ նորա, եւ Ողիմպեայ, եւ որ ընդ նոսա սուրբք ամենեքին իցեն։

ԱՌ ԿՈՂՈՍԱՑԻՍ ԹՈՒՂԹ 4:15

Ողջոյն տաջիք եղբարց որ են ի Լաւոդիկիա, եւ Նիմփայ եւ որ առտնին եկեղեցին է նորա։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 4:19

Ողջոյն տաջիր Պրիսկեայ եւ Ակիւղեայ եւ Ոնեսիփորայ տանն։

ԵՒ ԱՌ ԱՐՔԻՊՊՈՍ ՍԱՐԿԱՒԱԳ ԵՒ ԱՌ ԱՊՓԻԱ ԹՈՒՂԹ՝՝ 1:2

եւ Ապփեայ քեռ, եւ Արքիպպեայ զինուորակցի մերոյ, եւ առտնին եկեղեցւոյդ.

ՊԵՏՐՈՍԻ ԱՌԱՋԻՆ՝՝ 1:1

Պետրոս, առաքեալ Յիսուսի Քրիստոսի, ընտրելոցդ՝ նժդեհից որ ի սփիւռս Պոնտացւոց, Գաղատացւոց եւ Կապադովկեցւոց եւ Ասիացւոց եւ Բիւթանացւոց,

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 1:11

զոր տեսանես գրեա ի գիրս, եւ տուր տանել յեւթն եկեղեցիս, որ յԵփեսոս եւ ի Զմիւռնիա եւ ի Պերգամոն եւ ի Թիւատիր եւ ի Սարդիկէ եւ ի Փիղադեղփիա եւ ի Լաւոդիկիա։