ՄՆԱՑՈՐԴԱՑ ԱՌԱՋԻՆ 9:39 - Գրաբար Աստվածաշունչ (1895)

³⁹ Եւ Նէր ծնաւ զԿիս, եւ Կիս ծնաւ զՍաւուղ, եւ Սաւուղ ծնաւ զՅովնաթան եւ զՄեղքիսաւէ եւ զԱբինադաբ եւ զԲաաղ։

ՄՆԱՑՈՐԴԱՑ ԱՌԱՋԻՆ 9:39 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԱՌԱՋԻՆ 13:22

Եւ եղեւ յաւուրս պատերազմին որ ի Մաքմաս՝՝ եւ ոչ գտանէր սուսեր եւ գեղարդն ի ձեռին ամենայն ժողովրդեանն որ էին ընդ Սաւուղայ եւ ընդ Յովնաթանու որդւոյ նորա՝՝. եւ գտաւ Սաւուղայ եւ Յովնաթանու որդւոյ նորա։

ՄՆԱՑՈՐԴԱՑ ԱՌԱՋԻՆ 10:2

Եւ պնդեցան այլազգիքն զհետ Սաւուղայ եւ զհետ որդւոցն նորա, եւ հարին այլազգիքն զՅովնաթան եւ զԱբինադաբ եւ զՄեղքիսաւէ զորդիսն Սաւուղայ։

ԹԱԳԱՒՈՐՈՒԹԵԱՆՑ ԱՌԱՋԻՆ 31:2

Եւ հասին այլազգիքն ի Սաւուղ եւ յորդիս նորա, եւ հարին այլազգիքն զՅովնաթան եւ զԱբինադաբ եւ զՄեղքիսաւէ զորդիս Սաւուղայ,

ԹԱԳԱՒՈՐՈՒԹԵԱՆՑ ԱՌԱՋԻՆ 14:1

Եւ եղեւ օր, եւ ասէ Յովնաթան որդի Սաւուղայ ցպատանին ցկապարճակիրն իւր. Եկ անցցուք ի կիրճս այլազգեացն յայնկոյս՝՝։ Եւ հօր իւրում ոչ պատմեաց։

ՄՆԱՑՈՐԴԱՑ ԱՌԱՋԻՆ 9:38

Եւ Մակեղովթ ծնաւ զՍամաա. եւ սոքա ի մէջ եղբարց իւրեանց բնակեցին յԵրուսաղէմ ընդ եղբարսն իւրեանց։

ՄՆԱՑՈՐԴԱՑ ԱՌԱՋԻՆ 9:40

Եւ որդի Յովնաթանու Մեմփիբաաղ, ծնաւ զՄիքա։