ՄՆԱՑՈՐԴԱՑ ԱՌԱՋԻՆ 9:20 - Գրաբար Աստվածաշունչ (1895)

²⁰ Եւ Փենեէս որդի Եղիազարու իշխան էր ի վերայ նոցա առաջի Տեառն, եւ նոքա՝՝ ընդ նմա։

ՄՆԱՑՈՐԴԱՑ ԱՌԱՋԻՆ 9:20 ပူးပေါင်းရင်းမြစ်များ

ԾՆՈՒՆԴՔ 39:2

Եւ էր Տէր ընդ Յովսեփայ, եւ էր այր աջողակ, եւ եղեւ ի տան տեառն իւրոյ յԵգիպտոս։

ԾՆՈՒՆԴՔ 39:3

Իբրեւ՝՝ գիտաց տէրն նորա թէ Տէր ընդ նմա է, եւ զամենայն զինչ եւ առնէր՝ Տէր յաջողէր ի ձեռս նորա։

ՄՆԱՑՈՐԴԱՑ ԱՌԱՋԻՆ 9:19

Եւ Սաղղում որդի Կովրեայ, որդւոյ Աբիսափայ, որդւոյ Կորխայ. եւ եղբարք նորա ի տանէ հօրն իւրեանց, Կորխացիքն ի վերայ գործոց սպասուն, որք պահէին զպահպանութիւնս խորանին՝ ինքեանք եւ հարք իւրեանց ի բանակին Տեառն, եւ պահէին զմուտն։

ԵԼՔ 3:12

Եւ ասէ. Ես եղէց ընդ քեզ. եւ այս եղիցի քեզ նշան թէ ես առաքեցի զքեզ հանել՝՝ զժողովուրդ իմ յԵգիպտոսէ, պաշտեսջիք զԱստուած ի լերինս յայսմիկ։

ԹԻՒՔ 3:32

Եւ իշխան ի վերայ իշխանացն Ղեւտացւոցն՝ Եղիազար որդի Ահարոնի քահանայի կացցէ, պահել զպահպանութիւնս սրբութեանցն։

ԹԻՒՔ 31:6

Եւ արձակեաց զնոսա Մովսէս, հազար այր ի ցեղէ հանդերձ զօրու իւրեանց, եւ զՓենեէս որդի Եղիազարու որդւոյ Ահարոնի՝՝ քահանայի. եւ զսպասն սրբութեան եւ փողքն ազդեցութեան ի ձեռս նոցա։

ԹԻՒՔ 4:16

Եւ ոստիկան Եղիազար որդի Ահարոնի քահանայի՝ զեւղն լուսոյ եւ զխունկսն հանդերձանաց եւ զզոհն հանապազորդ եւ զեւղն օծութեան, եւ զհանդերձ՝՝ ամենայն խորանին եւ որ ինչ ի նմա, եւ որ ի սրբութեանն եւ յամենայն սրբութիւնսն՝՝։

ԹԻՒՔ 4:28

Այս իցէ սպասաւորութիւն որդւոցն Գերսոնի ի խորանին վկայութեան, եւ պահպանութիւն նոցա ի ձեռն Իթամարայ որդւոյ Ահարոնի քահանայի։

ԹԻՒՔ 4:33

այս իցէ սպասաւորութիւն գնդի որդւոցն Մերարեայ, յամենայն ի գործս իւրեանց ի խորանին վկայութեան՝ ի ձեռն Իթամարայ որդւոյ Ահարոնի քահանայի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:13

Եւ առաքեցին որդիքն Իսրայելի առ որդիսն Ռուբենի եւ առ որդիսն Գադայ եւ առ կէս ցեղին Մանասէի ի Գաղաադ, զՓենէէս զորդի Եղիազարու որդւոյ Ահարոնի՝՝ քահանայի

ԹԱԳԱՒՈՐՈՒԹԵԱՆՑ ԱՌԱՋԻՆ 16:18

Պատասխանի ետ մի ոմն ի մանկտւոյ նորա եւ ասէ. Ահա տեսի զորդի Յեսսեայ զԲեթղեհեմացի, եւ գիտէ սաղմոս, եւ այր իմաստուն եւ այր պատերազմօղ, եւ այր հանճարեղ եւ ճարտարաբան, եւ այր գեղեցիկ տեսլեամբ, եւ Տէր ընդ նմա։