ՄՆԱՑՈՐԴԱՑ ԱՌԱՋԻՆ 6:32 - Գրաբար Աստվածաշունչ (1895)

³² եւ էին պաշտօնեայք առաջի խորանին տանն վկայութեան նուագարանօք, մինչեւ շինեաց Սողոմոն զտունն Տեառն յԵրուսաղէմ. եւ կացին ի կարգին իւրեանց ի պաշտամանն իւրեանց։

ՄՆԱՑՈՐԴԱՑ ԱՌԱՋԻՆ 6:32 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 6:10

Ազարիաս ծնաւ զՅովնաս, Յովնաս ծնաւ զԱզարիաս. սա էր քահանայ ի տանն Աստուծոյ, զոր շինեաց Սողոմոն յԵրուսաղէմ։

ՄՆԱՑՈՐԴԱՑ ԱՌԱՋԻՆ 6:31

Եւ սոքա են զորս կացոյց Դաւիթ ի վերայ երգեցողացն ի տան Տեառն ի դադարեցուցանել զտապանակն.

ՄՆԱՑՈՐԴԱՑ ԱՌԱՋԻՆ 6:33

Եւ սոքա են որ կացին եւ որդիք իւրեանց. Էման՝ թոռն Սամուելի, ի Կորխայ Կահաթացի։՝՝ Յորդւոցն Կահաթու՝ Էման սաղմոսանուագ, որդի Յովելի, որդւոյ Սամուելի,

ՄՆԱՑՈՐԴԱՑ ԱՌԱՋԻՆ 9:33

Եւ սոքա սաղմոսանուագք, իշխանք տոհմիցն Ղեւտացւոց, կարգեալք ի սպաս աւուրցն. վասն զի ի տուէ եւ ի գիշերի էին ի գործն։

ՄՆԱՑՈՐԴԱՑ ԵՐԿՐՈՐԴ 31:2

Եւ կարգեաց Եզեկիաս հանապազորդեան պաշտօնեայս քահանայից եւ Ղեւտացւոց, զհանապազօրեայս իւրաքանչիւր ուրուք ըստ պաշտաման իւրում, քահանայից եւ Ղեւտացւոց, յողջակէզսն եւ ի զոհսն փրկութեան, եւ յօրհնելն եւ խոստովան լինել եւ պաշտել ի դրունս սրահից տանն Տեառն։

ՄՆԱՑՈՐԴԱՑ ԵՐԿՐՈՐԴ 35:15

Եւ սաղմոսանուագքն որդիք Ասափայ ի կարգին իւրեանց ըստ պատուիրանին Դաւթայ, եւ Ասափ եւ Եման եւ Իդիթուն՝ մարգարէք արքային, եւ իշխանք եւ՝ դռնապանք դրանն եւ դրան. եւ ոչ էր նոցա հնար շարժել՝՝ ի պաշտամանէ սրբութեանն. վասն զի եղբարք նոցա Ղեւտացիքն պատրաստեցին նոցա։

ԵԶՐ 6:18

Եւ կացուցին զքահանայսն ըստ տեղեաց իւրեանց, եւ զՂեւտացիսն ըստ վիճակի բաժանմանն իւրեանց ի սպասաւորութիւն Տեառն Աստուծոյ յԵրուսաղէմ, երկու հազար եւ երկերիւր,՝՝ որպէս եւ գրեալ է ի գիրս Մովսիսի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:44

Եւ տարաւ զիս ի սրահն ներքին. եւ ահա երկու պատշգամք ի ներքոյ սրահին, մի ընդ հարաւոյ դրանն որ հայէր ընդ հիւսիսի եւ հանէր ընդ հարաւ. եւ մի ընդ հիւսիսոյ դրանն որ հայէր ընդ հարաւ եւ հանէր ընդ հիւսիսի։