ՄՆԱՑՈՐԴԱՑ ԱՌԱՋԻՆ 6:31 - Գրաբար Աստվածաշունչ (1895)

³¹ Եւ սոքա են զորս կացոյց Դաւիթ ի վերայ երգեցողացն ի տան Տեառն ի դադարեցուցանել զտապանակն.

ՄՆԱՑՈՐԴԱՑ ԱՌԱՋԻՆ 6:31 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:17

Եւ բերին զտապանակն Տեառն, եւ եդին զնա ի տեղւոջ իւրում ի մէջ խորանին զոր եհար նմա Դաւիթ. եւ մատոյց Դաւիթ ողջակէզս առաջի Տեառն եւ խաղաղականս։

ԹԱԳԱՒՈՐՈՒԹԵԱՆՑ ԵՐՐՈՐԴ 8:4

Եւ հանին զտապանակն Տեառն եւ զխորանն վկայութեան, եւ զամենայն սպասն սրբութեան որ ի խորանին վկայութեան. եւ հանին զայն քահանայքն եւ Ղեւտացիք։

ՄՆԱՑՈՐԴԱՑ ԱՌԱՋԻՆ 15:1

Եւ արար իւր տունս ի քաղաքի Դաւթի, եւ պատրաստեաց զտեղի տապանակին Աստուծոյ, եւ արար նմա խորան։

ՄՆԱՑՈՐԴԱՑ ԱՌԱՋԻՆ 15:25

Եւ Դաւիթ եւ ծերքն Իսրայելի եւ հազարապետք երթային հանել զտապանակ ուխտին Տեառն ի տանէն Աբեդդարայ ուրախութեամբ։

ՄՆԱՑՈՐԴԱՑ ԱՌԱՋԻՆ 15:27

Եւ Դաւիթ զգեցեալ էր պատմուճան բեհեզեղէն. եւ ամենայն Ղեւտացիքն բարձին զտապանակ ուխտին Տեառն, եւ սաղմոսանուագքն, եւ Քոնենիաս էր իշխան երգոցն որք՝՝ նուագէին. եւ Դաւիթ զգեցեալ պատմուճան բեհեզեղէն։

ՄՆԱՑՈՐԴԱՑ ԱՌԱՋԻՆ 6:30

Սամաա որդի նորա, Անգիա որդի նորա, Ասիա որդի նորա։

ՄՆԱՑՈՐԴԱՑ ԱՌԱՋԻՆ 6:32

եւ էին պաշտօնեայք առաջի խորանին տանն վկայութեան նուագարանօք, մինչեւ շինեաց Սողոմոն զտունն Տեառն յԵրուսաղէմ. եւ կացին ի կարգին իւրեանց ի պաշտամանն իւրեանց։

ՄՆԱՑՈՐԴԱՑ ԱՌԱՋԻՆ 9:33

Եւ սոքա սաղմոսանուագք, իշխանք տոհմիցն Ղեւտացւոց, կարգեալք ի սպաս աւուրցն. վասն զի ի տուէ եւ ի գիշերի էին ի գործն։

ԵԶՐ 3:10

Եւ արկին հիմն եւ սկսան շինել զտունն Տեառն, եւ կային քահանայքն՝՝ զգեցեալ զպատմուճանսն, եւ հարկանէին զփողս իւրեանց. եւ Ղեւտացիքն որդիք Ասափայ ծնծղայիւք օրհնէին զՏէր Աստուած, որպէս եւ կարգեաց Դաւիթ թագաւոր Իսրայելի.

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:44

Եւ տարաւ զիս ի սրահն ներքին. եւ ահա երկու պատշգամք ի ներքոյ սրահին, մի ընդ հարաւոյ դրանն որ հայէր ընդ հիւսիսի եւ հանէր ընդ հարաւ. եւ մի ընդ հիւսիսոյ դրանն որ հայէր ընդ հարաւ եւ հանէր ընդ հիւսիսի։