ՄՆԱՑՈՐԴԱՑ ԱՌԱՋԻՆ 5:25 - Գրաբար Աստվածաշունչ (1895)

²⁵ Եւ ուխտազանց եղեն յԱստուծոյ հարցն իւրեանց, եւ պոռնկեցան զհետ աստուածոց օտարաց երկրին զորս եբարձ Աստուած յերեսաց նոցա։

ՄՆԱՑՈՐԴԱՑ ԱՌԱՋԻՆ 5:25 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 15:19

Եւ ել Փուա արքայ Ասորեստանեայց ի վերայ երկրին. եւ Մանայեմ ետ Փուայ հազար տաղանդ արծաթոյ՝ լինել ձեռին նորա ընդ նմա, հաստատել զթագաւորութիւնն ի ձեռն սորա՝՝։

ՄՆԱՑՈՐԴԱՑ ԱՌԱՋԻՆ 5:24

Եւ այսոքիկ իշխանք տանց տոհմից նոցա. Ովփեր եւ Յեսսի եւ Եղիէլ եւ Եզրիէլ եւ Յերեմիա եւ Յովդիա եւ Իգիէլ, արք զօրաւորք ուժով, արք անուանիք իշխանք տանց տոհմիցն իւրեանց։

ՄՆԱՑՈՐԴԱՑ ԱՌԱՋԻՆ 9:1

Եւ ամենայն Իսրայէլ ըստ թուոյն իւրեանց գրեալք սոքա ի գիրս թագաւորացն Իսրայելի եւ Յուդայ, հանդերձ բնակելովքն՝՝ ի Բաբելոն՝ վասն մեղացն իւրեանց։

ԵԼՔ 34:15

Գուցէ դնիցեն ուխտ ընդ բնակիչս երկրին, եւ պոռնկիցին զկնի դից նոցա, եւ զոհիցեն աստուածոց նոցա, եւ կոչիցեն զքեզ, եւ ուտիցես ի զոհից նոցա։

ՄԱՐԳԱՐԷՈՒԹԻՒՆ ՈՎՍԵԱՅ 1:2

Սկիզբն բանից Տեառն առ Ովսէէ։ Եւ ասէ Տէր ցՈվսէէ. Գնա առ դու քեզ կին պոռնկութեան, եւ որդիս պոռնկութեան. զի պոռնկելով պոռնկեսցի երկիր ի Տեառնէ։

ՄԱՐԳԱՐԷՈՒԹԻՒՆ ՈՎՍԵԱՅ 9:1

Մի՛ խնդար, Իսրայէլ, եւ մի՛ ուրախ լինիր որպէս ժողովուրդք երկրի. զի պոռնկեցար յԱստուծոյն քումմէ, սիրեցեր զկաշառս ի վերայ ամենայն կալոց ցորենոյ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 17:5

Եւ ի ճակատն նորա գրեալ անուն՝ Խորհրդով մեծն Բաբելոն, մայր պոռնկաց եւ գարշելեաց երկրի։

ԴԱՏԱՒՈՐՔ 2:12

եւ թողին զՏէր Աստուած հարցն իւրեանց, որ եհան զնոսա յերկրէն Եգիպտացւոց, եւ գնացին զհետ աստուածոց օտարաց, աստուածոց ազգացն որ շուրջ զնոքօք, եւ երկիր պագին նոցա, եւ բարկացուցին զՏէր.

ԴԱՏԱՒՈՐՔ 2:17

Սակայն եւ նոցա ոչ լուան. զի պոռնկեցան զհետ աստուածոց օտարաց, եւ երկիր պագին նոցա, եւ բարկացուցին զՏէր. եւ՝՝ խոտորեցան վաղվաղակի ի ճանապարհէն ընդ որ գնային հարք նոցա՝ լսել պատուիրանաց Տեառն, եւ ոչ արարին այնպէս։

ԴԱՏԱՒՈՐՔ 8:33

Եւ եղեւ իբրեւ մեռաւ Գեդէոն, դարձան որդիքն Իսրայելի եւ պոռնկեցան զհետ Բահաղիմայցն. եւ եդին զուխտ իւրեանց ընդ Բահաղուն Բերիթայ, լինել նոցա յաստուած։