ՄՆԱՑՈՐԴԱՑ ԱՌԱՋԻՆ 5:1 - Գրաբար Աստվածաշունչ (1895)

¹ Եւ Որդիք Ռուբենի՝ անդրանկանն Իսրայելի, վասն զի նա էր անդրանիկ. եւ յելանելն նորա յանկողինս հօր իւրոյ՝ ետ զօրհնութիւն նորա որդւոյ իւրում Յովսեփայ՝ որդւոյ Իսրայելի. եւ ոչ համարեցաւ յազգ յանդրանկութեանն իւրում.

ՄՆԱՑՈՐԴԱՑ ԱՌԱՋԻՆ 5:1 ပူးပေါင်းရင်းမြစ်များ

ԾՆՈՒՆԴՔ 25:23

Եւ ասէ ցնա Տէր. Երկու ազգ են յարգանդի քում, եւ երկու ժողովուրդք յորովայնէ քումմէ զատցին. եւ ժողովուրդ զժողովրդեամբ ելեւել առնիցէ, եւ երէցն կրտսերոյն ծառայեսցէ։

ԾՆՈՒՆԴՔ 25:31

Եւ ասէ Յակոբ ցԵսաւ. Վաճառեա ինձ այսօր զանդրանկութիւնս քո։

ԾՆՈՒՆԴՔ 29:32

Եւ յղացաւ Լիա, եւ ծնաւ որդի Յակոբայ, եւ կոչեաց զանուն նորա Ռուբէն. ասէ. Զի ետես Տէր զտառապանս իմ, արդ սիրեսցէ զիս այր իմ։

ԾՆՈՒՆԴՔ 35:22

Եւ եղեւ իբրեւ բնակեաց Իսրայէլ յերկրին յայնմիկ, գնաց Ռուբէն եւ ննջեաց ընդ Բալլայ հարճի հօր իւրոյ. լուաւ Իսրայէլ եւ չար թուեցաւ առաջի նորա՝՝։

ԾՆՈՒՆԴՔ 46:8

Եւ այս են անուանք որդւոցն Իսրայելի որ մտին յԵգիպտոս. Յակոբ եւ որդիք իւր. անդրանիկ Յակոբու՝ Ռուբէն։

ԾՆՈՒՆԴՔ 48:5

Արդ երկու որդիք քո որ եղեն յԵգիպտոս մինչչեւ եկեալ էր իմ յԵգիպտոս՝ իմ են, Եփրեմ եւ Մանասէ իբրեւ զՌուբէնն եւ զՇմաւոն եղիցին ինձ։

ՄՆԱՑՈՐԴԱՑ ԱՌԱՋԻՆ 2:1

Եւ այս են անուանք որդւոցն Իսրայելի. Ռուբէն, Շմաւոն, Ղեւի, Յուդա, Իսաքար, Զաբուղոն,

ՄՆԱՑՈՐԴԱՑ ԱՌԱՋԻՆ 26:10

Եւ Ովսեայ յորդւոցն Մերարեայ որդի մի՝ Շամարի, որում պահէին զգլխաւորութիւն. զի ոչ գոյր անդրանիկն ի միջի, եւ ա՛ռ եդ զնա հայր իւր սկիզբն.

ԵԼՔ 6:14

Եւ այս են նահապետք տանց ազգաց նոցա. որդիք Ռուբենի անդրանկանն Իսրայելի՝ Ենոք եւ Փալլուս, Ասրովն եւ Քարմի. այս ցեղ Ռուբենի է։

ՂԵՒՏԱԿԱՆ 18:8

Զառականս կնոջ հօր քո մի՛ յայտնեսցես. զի առականք հօր քում են։

ՂԵՒՏԱԿԱՆ 20:11

Եւ այր ոք որ ննջիցէ ընդ կնոջ հօր իւրոյ, զառականս հօր իւրոյ յայտնեաց. մահու մեռցին երկոքին, զի ամպարշտեցան, եւ մահապարտք են։

ԹԻՒՔ 1:5

Եւ այս են անուանք արանցն որ յանդիման լինիցին ընդ ձեզ. Ռուբենի՝ Եղիսուր որդի Սադիուրայ,

ԹԻՒՔ 16:1

Եւ խօսեցաւ Կորխ՝ որդի Իսահառայ որդւոյ Կահաթու որդւոյ Ղեւեայ, եւ Դաթան եւ Աբիրոն որդիք Եղիաբայ որդւոյ Ռուբենի, եւ Աւնան որդի Փաղեթայ որդւոյ՝՝ Ռուբենի,

ԹԻՒՔ 26:5

Ռուբէն անդրանիկն Իսրայելի, եւ որդիք Ռուբենի. Ենոք, եւ գունդն Ենոքայ. Փաղղուս, եւ գունդն Փաղղուսայ.

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 5:1

Բնաւ եւ անուանի իսկ ի ձեզ ընդէ՞ր պոռնկութիւն, եւ այնպիսի պոռնկութիւն՝ որ ոչ եւ ի հեթանոսս, որպէս թէ զկին հօր իւրոյ ունել։

ԵՐԿՐՈՐԴՈՒՄՆ ՕՐԻՆԱՑ 21:17

այլ զանդրանիկ ատելւոյն ծանիցէ՝ տալ նմա կրկին յամենայնէ որ ինչ գտանիցի նորա. զի նա է սկիզբն որդւոց նորա, եւ նմա անկ է անդրանկութիւնն՝՝։

ԵՐԿՐՈՐԴՈՒՄՆ ՕՐԻՆԱՑ 27:20

Անիծեալ՝ որ ննջեսցէ ընդ կնոջ հօր իւրոյ, զի յայտնեաց զաներեւոյթս հօր իւրոյ. եւ ասասցէ ամենայն ժողովուրդն. Եղիցի։

ԵՐԿՐՈՐԴՈՒՄՆ ՕՐԻՆԱՑ 33:17

Անդրանիկ ցլու գեղ նորա, եւ եղջեւրք միեղջերոյ եղջեւրք նորա. խեթկեսցէ նոքօք զազգս միանգամայն մինչեւ ցծագս երկրի. այս են բիւրաւորք Եփրեմի, եւ սոքա հազարաւորք Մանասէի։

ԱՌ ԿՈՂՈՍԱՑԻՍ ԹՈՒՂԹ 1:15

որ է պատկեր աներեւութին Աստուծոյ, անդրանիկ ամենայն արարածոց.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:6

Եւ մատեան որդիքն Յուդայ առ Յեսու ի Գաղգաղա, եւ ասէ ցնա Քաղէբ Յեփոնեայ Կենեզեան. Դու ինքնին գիտես զբանն զոր խօսեցաւ Տէր ընդ Մովսիսի առնն Աստուծոյ վասն իմ եւ վասն քո ի Կադէսբառնեա։