ՄՆԱՑՈՐԴԱՑ ԱՌԱՋԻՆ 3:14 - Գրաբար Աստվածաշունչ (1895)

¹⁴ Ամովն որդի նորա, Յովսիա որդի նորա։

ՄՆԱՑՈՐԴԱՑ ԱՌԱՋԻՆ 3:14 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:18

Եւ ննջեաց Մանասէ ընդ հարս իւր, եւ թաղեցաւ ի պարտիզի տան իւրոյ, ի պարտիզին Ոզիայ. եւ թագաւորեաց Ամոն որդի նորա ընդ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:19

Որդի քսան եւ երկուց ամաց Ամոն ի թագաւորել իւրում, եւ երկոտասան ամ՝՝ թագաւորեաց յԵրուսաղէմ. եւ անուն մօր նորա Մեսողոմիթ՝ դուստր Արուսայ Յետեբեղայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:26

Եւ ննջեաց Ամոն ընդ հարս իւր,՝՝ եւ թաղեցին զնա ի գերեզմանի իւրում ի պարտիզին Ոզիայ. եւ թագաւորեաց Յովսիա որդի նորա ընդ նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:30

Եւ բարձին զնա ծառայք նորա ի Մակեդովայ, եւ բերին զնա յԵրուսաղէմ, եւ թաղեցին զնա ի գերեզմանի իւրում. եւ ա՛ռ ժողովուրդ երկրին զՅովաքազ որդի Յովսեայ, եւ օծին զնա եւ թագաւորեցուցին զնա փոխանակ հօր իւրոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:34

Եւ թագաւորեցոյց փարաւոն Նեքաւով ի վերայ նոցա զԵղիակիմ որդի Յովսեայ արքայի Յուդայ՝՝ փոխանակ Յովսեայ հօր իւրոյ, եւ փոխեաց զանուն նորա Յովակիմ. եւ զՅովաքազ առ եւ տարաւ յԵգիպտոս, եւ մեռաւ անդ։

ՄՆԱՑՈՐԴԱՑ ԱՌԱՋԻՆ 3:13

Աքազ որդի նորա, Եզեկիա որդի նորա, Մանասէ որդի նորա,

ՄՆԱՑՈՐԴԱՑ ԱՌԱՋԻՆ 3:15

Եւ որդիք Յովսեայ, անդրանիկ՝ Յովաքազ, երկրորդ Յովակիմ, երրորդ Սեդեկիա, չորրորդ՝ Սեղում։

ՄՆԱՑՈՐԴԱՑ ԵՐԿՐՈՐԴ 34:1

Էր ութ ամաց Յովսիաս ի թագաւորելն իւրում, եւ երեսուն եւ մի ամ թագաւորեաց յԵրուսաղէմ։

ՄՆԱՑՈՐԴԱՑ ԵՐԿՐՈՐԴ 36:1

Եւ ա՛ռ ժողովուրդ երկրին զՅովաքազ որդի Յովսեայ, եւ օծին զնա եւ՝՝ կացուցին զնա թագաւոր փոխանակ հօր նորա յԵրուսաղէմ։

ՄՆԱՑՈՐԴԱՑ ԵՐԿՐՈՐԴ 36:11

Ամաց քսան եւ միոյ էր Սեդեկիաս ի թագաւորելն իւրում, եւ մետասան ամ թագաւորեաց յԵրուսաղէմ։

ՄՆԱՑՈՐԴԱՑ ԵՐԿՐՈՐԴ 36:5

Էր քսան եւ հինգ ամաց Յովակիմ ի թագաւորելն իւրում, եւ զմետասան ամ թագաւորեաց յԵրուսաղէմ. եւ անուն մօր նորա Զեկքովրայ դուստր Ներեայ ի Ռամայ. եւ արար չար առաջի Տեառն ըստ ամենայնի զոր ինչ արարին հարքն նորա։ Յաւուրս նորա ել Նաբուքոդոնոսոր արքայ Բաբելոնի յերկիրն. եւ ծառայեաց նմա ամիսս երիս, եւ ապստամբեաց ի նմանէ։ Եւ առաքեաց Տէր զՔաղդեացիսն եւ զաւազակսն Ասորեաց, եւ զաւազակսն Մովաբացւոց եւ որդւոցն Ամոնայ եւ Սամարիայ։ Եւ ի բաց կացին յետ բանիցս այսոցիկ ըստ բանի Տեառն ի ձեռն ծառայից իւրոց մարգարէից. սակայն սրտմտութիւն ի Տեառնէ էր ի վերայ Յուդայ, ի բաց բառնալ զնա յերեսաց իւրոց, վասն մեղացն Մանասէի յամենայնի զոր ինչ արար, եւ անպարտ արեանցն զոր եհեղ Մանասէ, եւ ելից զԵրուսաղէմ անպարտ արեամբ. եւ ոչ կամեցաւ Տէր սատակել զնոսա՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 22:11

Զի այսպէս ասէ Տէր ի վերայ Սեղղենեայ որդւոյ Յովսեայ, որ թագաւորեաց փոխանակ Յովսեայ հօր իւրոյ. որ ել ի տեղւոջէդ յայդմանէ, եւ ոչ եւս դարձցի անդրէն.

ՄԱՐԳԱՐԷՈՒԹԻՒՆ ԵՐԵՄԵԱՅ 22:18

Վասն այդորիկ այսպէս ասէ Տէր ի վերայ Յովակիմայ որդւոյ Յովսեայ արքայի Յուդայ. Զայրդ զայդ մի՛ կոծեսցեն, եւ մի՛ ասասցեն. Վա՜յ, վա՜յ, եղբայր, վա՜յ, վա՜յ, եղբայր. մի՛ կոծեսցեն եւ ասասցեն. Վա՜յ, վա՜յ, Տէր, վա՜յ, վա՜յ, սիրելի։