ՄՆԱՑՈՐԴԱՑ ԱՌԱՋԻՆ 29:28 - Գրաբար Աստվածաշունչ (1895)

²⁸ Եւ վախճանեցաւ բարի ծերութեամբ, լի աւուրբք, մեծութեամբ եւ փառօք. եւ թագաւորեաց Սողոմոն որդի նորա փոխանակ նորա։

ՄՆԱՑՈՐԴԱՑ ԱՌԱՋԻՆ 29:28 ပူးပေါင်းရင်းမြစ်များ

ԾՆՈՒՆԴՔ 15:15

Եւ դու երթիցես առ հարս քո խաղաղութեամբ՝ սնեալ ի բարւոք ծերութեան։

ԾՆՈՒՆԴՔ 25:8

Եւ պակասեալ Աբրահամու մեռաւ ի բարւոք ծերութեան, ալեւորեալ եւ լի աւուրբք. եւ յաւելաւ առ ժողովուրդ իւր։

ԾՆՈՒՆԴՔ 35:29

Եւ պակասեալ Իսահակայ մեռաւ, եւ յաւելաւ յազգ իւր, ծերացեալ եւ լի աւուրբք. եւ թաղեցին զնա Եսաւ եւ Յակոբ որդիք իւր։

ԹԱԳԱՒՈՐՈՒԹԵԱՆՑ ԵՐՐՈՐԴ 1:30

զի որպէս երդուայ ի Տէր Աստուած Իսրայելի եւ ասեմ, եթէ Սողոմոն որդի քո թագաւորեսցէ յետ իմ, եւ նա նստցի յաթոռ իմ փոխանակ իմ, եթէ ոչ այսպէս արարից յաւուր յայսմիկ։

ՄՆԱՑՈՐԴԱՑ ԱՌԱՋԻՆ 23:1

Եւ Դաւիթ էր ծեր եւ լի աւուրբք. եւ թագաւորեաց Սողոմոն որդի նորա փոխանակ նորա՝՝ ի վերայ Իսրայելի։

ՄՆԱՑՈՐԴԱՑ ԱՌԱՋԻՆ 28:5

Եւ յամենայն որդւոց իմոց, վասն զի որդիս բազումս ետ ինձ Տէր, ընտրեաց զՍողոմոն որդի իմ, նստուցանել յաթոռ թագաւորութեանն Տեառն ի վերայ Իսրայելի։

ՄՆԱՑՈՐԴԱՑ ԵՐԿՐՈՐԴ 1:8

Եւ ասէ Սողոմոն ցԱստուած. Դու արարեր ընդ Դաւթի հօր իմում ողորմութիւն մեծ, եւ թագաւորեցուցեր զիս փոխանակ նորա.

ՄՆԱՑՈՐԴԱՑ ԵՐԿՐՈՐԴ 32:27

Եւ եղեւ Եզեկեայ մեծութիւն եւ փառք բազում յոյժ. եւ արար իւր գանձս ոսկւոյ եւ արծաթոյ եւ ականց պատուականաց, եւ խունկս եւ զէնս եւ անօթս ցանկալիս։

ՄՆԱՑՈՐԴԱՑ ԵՐԿՐՈՐԴ 32:29

Եւ քաղաքս զոր շինեաց իւր, եւ պատրաստութիւն խաշանց եւ արջառոց բազում. վասն զի ետ նմա Տէր ստացուածս բազումս յոյժ։

ԳԻՐՔ ՅՈԲԱՅ 5:26

Եւ երթիցես ի գերեզման իբրեւ զցորեան հասեալ՝ ի ժամանակի հնձեալ, կամ՝՝ իբրեւ զշեղջ կալոյ ի ժամանակի ամփոփեալ։

ԱՌԱԿՔ ՍՈՂՈՄՈՆԻ 16:31

Պսակ պարծանաց ծերութիւն, եւ՝՝ ի ճանապարհս արդարութեան գտանի։

ԳՈՐԾՔ ԱՌԱՔԵԼՈՑ 13:36

Այլ Դաւիթ յազգի անդ իւրում պաշտեաց եւ ի կամս Աստուծոյ ննջեաց, եւ յաւելաւ առ հարս իւր եւ ետես զապականութիւն։