ՄՆԱՑՈՐԴԱՑ ԱՌԱՋԻՆ 29:24 - Գրաբար Աստվածաշունչ (1895)

²⁴ Իշխանք եւ զօրաւորք եւ ամենայն որդիք արքայի Դաւթի հօրն նորա հնազանդեցան նմա՝՝։

ՄՆԱՑՈՐԴԱՑ ԱՌԱՋԻՆ 29:24 ပူးပေါင်းရင်းမြစ်များ

ԾՆՈՒՆԴՔ 24:2

Եւ ասէ Աբրահամ ցծառայն իւր ցերէց տան իւրոյ, ցիշխան ամենայն ընչից նորա. Դիր զձեռն քո ընդ երանօք իմովք,

ԾՆՈՒՆԴՔ 47:29

Եւ մերձեցան աւուրք Իսրայելի մեռանելոյ, եւ կոչեաց զորդի իւր զՅովսէփ եւ ասէ ցնա. Եթէ գտի շնորհս առաջի քո, դիր զձեռն քո ընդ երանօք իմովք, եւ արասցես ի վերայ իմ ողորմութիւն եւ ճշմարտութիւն, չթաղել զիս յԵգիպտոս։

ՄՆԱՑՈՐԴԱՑ ԱՌԱՋԻՆ 22:17

Եւ պատուիրեաց Դաւիթ ամենայն իշխանացն Իսրայելի օգնել Սողոմոնի որդւոյ իւրում.

ՄՆԱՑՈՐԴԱՑ ԱՌԱՋԻՆ 28:21

եւ օրամտից քահանայիցն եւ Ղեւտացւոց, յամենայն ի պաշտամունս տանն Աստուծոյ. եւ ընդ քեզ եղիցի յամենայն իրս ամենայն ոք որ յօժարեսցէ իմաստութեամբ ըստ համօրէն արուեստից, իշխանքն եւ ամենայն ժողովուրդդ յամենայն ի բանս քո։

ՄՆԱՑՈՐԴԱՑ ԱՌԱՋԻՆ 29:23

Եւ նստաւ Սողոմոն յաթոռ Դաւթի հօր իւրոյ, եւ յաջողեցաւ. եւ հնազանդեցաւ նմա ամենայն Իսրայէլ։

ՄՆԱՑՈՐԴԱՑ ԱՌԱՋԻՆ 29:25

Եւ մեծացոյց Տէր զՍողոմոն ի վերուստ առաջի ամենայն Իսրայելի, եւ ետ նմա փառս թագաւորութեան, որ ոչ ումեք եղեւ ամենեցուն թագաւորացն որք յառաջ քան զնա։

ՄՆԱՑՈՐԴԱՑ ԵՐԿՐՈՐԴ 30:8

Եւ արդ մի՛ խստացուցանէք զպարանոցս ձեր. տուք փառս Աստուծոյ՝՝, եւ մտէք ի սրբութիւնս նորա զոր սրբեաց յաւիտեան, եւ ծառայեցէք Տեառն Աստուծոյ ձերում, եւ դարձուսցէ ի ձէնջ զբարկութիւն սրտմտութեան իւրոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 50:15

Խրախոյս բարձէք շուրջ զնովաւ, զի լքան ձեռք իւր. անկան մահարձանք, եւ կործանեցան պարիսպք նորա, զի վրէժխնդրութիւն յԱստուծոյ է. խնդրեցէք վրէժս ի դմանէ, որպէս արարն՝ արարէք դմա։

ՄԱՐԳԱՐԷՈՒԹԻՒՆ ԵԶԵԿԻԵԼԻ 17:18

զի անարգեաց զերդումն, եւ անց զուխտիւն. եւ ահա ետու ի ձեռս նորա, եւ արարի՝՝ զայս ամենայն ընդ նմա, միթէ ապրեսցի՞։