ՄՆԱՑՈՐԴԱՑ ԱՌԱՋԻՆ 29:21 - Գրաբար Աստվածաշունչ (1895)

²¹ Եւ եզեն Դաւիթ՝՝ Տեառն զոհս, եւ մատոյց ողջակէզս Աստուծոյ՝՝ ի վաղիւն առաջնոյ աւուրն, զուարակս հազար, խոյս հազար, գառինս հազար, եւ զնուէրս նոցա եւ զզոհսն յաճախութեամբ ամենայն Իսրայելի։

ՄՆԱՑՈՐԴԱՑ ԱՌԱՋԻՆ 29:21 ပူးပေါင်းရင်းမြစ်များ

ԵԶՐ 6:17

Եւ մատուցանէին ի նաւակատիս տանն Տեառն զուարակս հարեւր, խոյս երկերիւր, գառինս չորեքհարեւր, եւ ամիկս յայծեաց վասն մեղաց ամենայն Իսրայելի՝ երկոտասան, ըստ թուոյ ցեղիցն Իսրայելի։

ՂԵՒՏԱԿԱՆ 23:13

եւ զզոհն իւր երկուս տասանորդս ի նաշհոյ զանգելոյ իւղով, զոհ Տեառն ի հոտ անուշից Տեառն. եւ նուէր նորա՝ չորրորդ մասն դորակի գինւոյ.

ԹԻՒՔ 15:10

եւ գինի ի նուէր՝ կէս դորակին, ընծայ ի հոտ անուշից Տեառն։

ԹԻՒՔ 15:5

Եւ գինի ի նուէր զչորրորդ դորակին առնիցէք ըստ զոհին կամ ըստ ողջակիզին առ գառն մի. այնչափ առնիցես ընծայ ի հոտ անուշից Տեառն.

ԹԻՒՔ 15:7

եւ գինի ի նուէր զերկրորդ դորակին մատուցանիցէք ի հոտ անուշից Տեառն։