ՄՆԱՑՈՐԴԱՑ ԱՌԱՋԻՆ 29:20 - Գրաբար Աստվածաշունչ (1895)

²⁰ Եւ ասէ Դաւիթ ցամենայն եկեղեցին. Օրհնեցէք զՏէր Աստուած ձեր։ Եւ օրհնեաց ամենայն եկեղեցին զՏէր Աստուած հարցն իւրեանց, եւ խոնարհեցուցեալ զծունկս՝ երկիր պագին Տեառն եւ արքայի։

ՄՆԱՑՈՐԴԱՑ ԱՌԱՋԻՆ 29:20 ပူးပေါင်းရင်းမြစ်များ

ԾՆՈՒՆԴՔ 24:26

Խնդաց այրն եւ երկիր եպագ Աստուծոյ,

ԾՆՈՒՆԴՔ 24:48

Եւ խնդացի, եւ երկիր պագի Տեառն, եւ օրհնեցի զՏէր Աստուած տեառն իմոյ Աբրահամու, որ յաջողեաց ինձ ի ճանապարհի աստ ճշմարտութեան, առնուլ զդուստր եղբօր տեառն իմոյ որդւոյ նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 8:15

եւ ասէ. Օրհնեալ Տէր Աստուած Իսրայելի այսօր, որ խօսեցաւ բերանով իւրով վասն Դաւթի հօր իմոյ, եւ ձեռօք իւրովք ելից. եւ ասէ.

ՄՆԱՑՈՐԴԱՑ ԱՌԱՋԻՆ 16:36

Օրհնեալ Տէր Աստուած Իսրայելի յաւիտենից մինչեւ յաւիտեանս. եւ ասասցէ ամենայն ժողովուրն. Ամէն։ Եւ օրհնեցին զՏէր։

ՄՆԱՑՈՐԴԱՑ ԵՐԿՐՈՐԴ 20:21

Եւ խորհեցաւ ընդ ժողովրդեանն. եւ կացոյց սաղմոսանուագս եւ օրհնիչս՝ խոստովան լինել եւ օրհնել զսրբութիւնսն՝՝ յելանելն առաջի զօրուն. եւ ասէին. Խոստովան եղերուք Տեառն, զի յաւիտեան է ողորմութիւն նորա։

ԳԻՐՔ ՆԷԵՄԵԱՅ 8:6

Եւ օրհնեաց Եզրա զՏէր Աստուած մեծ. եւ ասեն ամենայն ժողովուրդն. Ամէն։ Եւ համբարձին զձեռս իւրեանց, եւ խոնարհեալ երկրպագեցին Տեառն Աստուծոյ ի վերայ երեսաց իւրեանց յերկիր։

ԳԻՐՔ ՆԷԵՄԵԱՅ 9:5

Եւ ասեն Ղեւտացիքն Յեսու եւ Կադմիէլ. Եղբարք, օրհնեցէք զՏէր Աստուած մեր՝՝ յաւիտեանս յաւիտենից, եւ եղիցի օրհնեալ փառք Տեառն, եւ բարձրասցի օրհնութիւն նորա եւ գոհութիւն։ Եւ սկսաւ օրհնել Եզրա զՏէր Աստուած եւ ասէ՝՝.

ԳԻՐՔ ՍԱՂՄՈՍԱՑ 134:2

ո կայք ի տան Տեառն, ի գաւիթս տան Աստուծոյ մերոյ։

ԳԻՐՔ ՍԱՂՄՈՍԱՑ 95:6

Խոստովանութիւն եւ վայելչութիւն է առաջի նորա, սրբութիւն եւ մեծվայելչութիւն ի սրբութեան նորա։

ԵԼՔ 14:31

Եւ ետես Իսրայէլ զձեռն մեծ զոր արար Տէր ընդ Եգիպտացիսն. եւ երկեաւ ժողովուրդն ի Տեառնէ, եւ հաւատացին յԱստուած եւ ի Մովսէս ծառայ նորա։

ԵԼՔ 4:31

Եւ հաւատաց ժողովուրդն եւ ուրախ եղեւ, զի արար Աստուած այց որդւոցն Իսրայելի, եւ զի հայեցաւ ի նեղութիւն նոցա. խոնարհեցաւ ժողովուրդն եւ երկիր եպագ։

ԱՌԱԿՔ ՍՈՂՈՄՈՆԻ 24:21

Երկի՛ր յԱստուծոյ, որդեակ, եւ ի թագաւորէ, եւ ի միոջէ ի նոցանէ մի՛ ապստամբիցես։

ՄԱՐԳԱՐԷՈՒԹԻՒՆ ԵԶԵԿԻԵԼԻ 46:10

Եւ առաջնորդն ի մէջ նոցա՝ ի մտանելն նոցա ընդ նոսին մտցէ, եւ ընդ ելանելն նոցա՝ ընդ նոսին ելցէ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:33

Եւ հաճոյ թուեցաւ բանն որդւոցն Իսրայելի, եւ օրհնեցին զԱստուած որդւոցն Իսրայելի. եւ խօսեցան ընդ որդիսն Իսրայելի եւ ասեն մի՛ եւս ելանել ընդ նոսա ի պատերազմ՝ սատակել զերկիր որդւոցն Ռուբենի եւ որդւոցն Գադայ եւ կիսոյ ցեղին Մանասէի. եւ բնակեցան ի նմա։

ՊԵՏՐՈՍԻ ԱՌԱՋԻՆ՝՝ 2:17

Զամենեսեան պատուեցէք. զեղբայրսիրութիւն սիրեցէք. յԱստուծոյ երկերուք. զթագաւորս պատուեցէք։

ԹԱԳԱՒՈՐՈՒԹԵԱՆՑ ԱՌԱՋԻՆ 12:18

Եւ կարդաց Սամուէլ առ Տէր, եւ ետ Տէր ձայնս եւ անձրեւս յաւուր յայնմիկ. եւ երկեաւ ամենայն ժողովուրդն յոյժ ի Տեառնէ եւ ի Սամուելէ։