ՄՆԱՑՈՐԴԱՑ ԱՌԱՋԻՆ 28:18 - Գրաբար Աստվածաշունչ (1895)

¹⁸ Եւ զսեղանոյ խնկոցն ի մաքուր ոսկւոյ զկշռութիւնն եցոյց նմա, եւ զօրինակ քերովբէիցն՝ որոց տարածեալ էր զթեւսն իւրեանց եւ հովանի ունէին ի վերայ տապանակի ուխտին Տեառն։

ՄՆԱՑՈՐԴԱՑ ԱՌԱՋԻՆ 28:18 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 7:48

Եւ արար Սողոմոն զամենայն կահն որ ի տան Տեառն, զզոհանոցն ոսկի, եւ զսեղանն յորոյ վերայ հացն պատարագի՝ ոսկի,

ՄՆԱՑՈՐԴԱՑ ԱՌԱՋԻՆ 28:17

եւ զմսահանացն եւ զնուիրանոցացն եւ զտաշտիցն ոսկեղինաց, եւ զկշիռս ոսկւոյ եւ արծաթոյ, եւ զտփոցն զիւրաքանչիւր ուրուք՝՝։

ԳԻՐՔ ՍԱՂՄՈՍԱՑ 18:10

Երկեւղ Տեառն սուրբ է եւ մնայ յաւիտեան, դատաստան Տեառն ճշմարիտ է, եւ արդար է նոյն։

ԳԻՐՔ ՍԱՂՄՈՍԱՑ 68:17

Լուր ինձ, Տէր, զի քաղցր է ողորմութիւն քո, ըստ բազում գթութեան քում հայեաց յիս.

ԳԻՐՔ ՍԱՂՄՈՍԱՑ 80:1

Ի կատարած. վասն հնձանացն. Սաղմոս Ասափայ, հինգերորդ շաբաթուն։՝՝

ԳԻՐՔ ՍԱՂՄՈՍԱՑ 99:1

Սաղմոս խոստովանութեան Դաւթի։

ԱՌ ԵԲՐԱՅԵՑԻՍ ԹՈՒՂԹ 9:5

եւ ի վերայ նորա քրովբէքն փառաց որ հովանի ունէին ի վերայ քաւութեանն, վասն որոյ ոչ է այժմ ասել մի ըստ միոջէ։

ԹԱԳԱՒՈՐՈՒԹԵԱՆՑ ԱՌԱՋԻՆ 4:4

Եւ առաքեաց ժողովուրդն ի Սելով, եւ առին անտի զտապանակ ուխտին Տեառն զօրութեանց՝ որ նստի ի քերովբէս. եւ երկոքեան որդիքն Հեղեայ ընդ տապանակի ուխտին Աստուծոյ՝ Ոփնի եւ Փենեէս գնացին։