ՄՆԱՑՈՐԴԱՑ ԱՌԱՋԻՆ 25:6 - Գրաբար Աստվածաշունչ (1895)

⁶ Ամենեքեան նոքա հանդերձ հարբն՝՝ իւրեանց երգէին օրհնութիւնս ի տանն Տեառն ծնծղայիւք եւ տաւղօք եւ քնարօք մերձ առ արքայն. եւ՝՝ Ասափ եւ Իդիթուն եւ Եման։

ՄՆԱՑՈՐԴԱՑ ԱՌԱՋԻՆ 25:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 6:5

Եւ Դաւիթ եւ որդիքն Իսրայելի խաղային առաջի Տեառն տաւղօք եւ նուագարանօք զօրութեամբ, եւ երգովք եւ քնարօք եւ սրնգօք եւ թմբկօք եւ ծնծղայիւք եւ փողովք՝՝։

ԹԱԳԱՒՈՐՈՒԹԵԱՆՑ ԵՐՐՈՐԴ 10:12

Եւ արար արքայ զփայտսն անտաշս մոյթս տանն Տեառն եւ տանն արքայի, եւ քնարս եւ տաւիղս երգեցողաց. եւ չէր եկեալ այնպիսի փայտ անտաշ յերկիրն՝՝, եւ ոչ երեւեցաւ ուրեք մինչեւ ցայսօր։

ՄՆԱՑՈՐԴԱՑ ԱՌԱՋԻՆ 15:16

Եւ ասէ Դաւիթ ցիշխանս Ղեւտացւոցն. Կացուցէք զեղբարսն ձեր որք երգեն զսաղմոսս՝ նուագարանօք երգոցն, քնարօք եւ սրնգօք եւ ծնծղայիւք, ամբառնալ զձայնս ի բարձունս ուրախութեան ձայնիւ։

ՄՆԱՑՈՐԴԱՑ ԱՌԱՋԻՆ 15:19

Եւ սաղմոսանուագքն՝ Եման եւ Ասափ եւ Եթան տաւղօք պղնձեօք, լսելի առնել զձայնն։

ՄՆԱՑՈՐԴԱՑ ԱՌԱՋԻՆ 15:22

եւ Քոնենիաս իշխան Ղեւտացւոցն՝ իշխան ի վերայ երգոցն, վասն զի էր հանճարեղ։

ՄՆԱՑՈՐԴԱՑ ԱՌԱՋԻՆ 23:5

եւ չորք հազարք դռնապանք, եւ չորք հազարք օրհնիչք Տեառն՝ նուագարանօքն որովք արարին՝՝ օրհնել զՏէր։

ՄՆԱՑՈՐԴԱՑ ԵՐԿՐՈՐԴ 20:28

եւ մտին յԵրուսաղէմ քնարօք եւ տաւղօք եւ փողովք ի տուն Տեառն։

ՄՆԱՑՈՐԴԱՑ ԵՐԿՐՈՐԴ 23:13

ետես, եւ ահա թագաւորն կայր ի տեղւոջն իւրում, ի մուտս ճանապարհին, պետքն եւ փողքն եւ իշխանքն՝՝ շուրջ զարքայիւ. եւ ամենայն ժողովուրդն զուարճացեալ հարկանէին զփողսն, եւ երգէին նուագարանօքն երգս, եւ օրհնէին զօրհնութիւնսն. եւ պատառեաց Գոթողիա զզգեստն իւր, գոչեաց եւ ասէ. Դաւաճանութեամբ խարդախեցէք։

ՄՆԱՑՈՐԴԱՑ ԵՐԿՐՈՐԴ 29:13

եւ յորդւոցն Եղիսափանայ՝ Սամարի եւ Յէիէլ, եւ յորդւոցն Ասափայ՝ Զաքարիաս եւ Մատթանիաս,

ՄՆԱՑՈՐԴԱՑ ԵՐԿՐՈՐԴ 29:25

Եւ կացուցին զՂեւտացիսն ի տանն Տեառն՝ ծնծղայիւք եւ տաւղօք եւ քնարօք, ըստ պատուիրանին Դաւթայ արքայի, եւ Գադայ տեսանողի թագաւորին եւ Նաթանայ մարգարէի. վասն զի պատուիրանաւ Տեառն էր հրամանն ի ձեռն մարգարէիցն։

ԳԻՐՔ ՆԷԵՄԵԱՅ 11:17

Եւ Մաթանացիք, որդի Միքայ եւ Յորեբ, որդիք Սամուի՝ երկերիւր եւթանասուն եւ չորս։

ԳԻՐՔ ՆԷԵՄԵԱՅ 12:24

Եւ իշխանք Ղեւտացւոց՝ Ասաբիա եւ Սարաբիա եւ Յեսու. եւ որդիք Կադմիէլ, եւ եղբարք նորա մօտ առ նմա՝՝, օրհնել եւ սաղմոս ասել. որպէս եւ հրամայեաց Դաւիթ այրն Աստուծոյ,

ԳԻՐՔ ՍԱՂՄՈՍԱՑ 68:25

Արկցես ի վերայ նոցա զբարկութիւն քո, եւ սրտմտութիւն բարկութեան քո հասցէ ի վերայ նոցա։

ԱՌ ԵՓԵՍԱՑԻՍ ԹՈՒՂԹ 5:19

խօսել ի սիրտս ձեր՝՝ սաղմոսիւք եւ օրհնութեամբք եւ երգովք հոգեւորօք, երգել եւ սաղմոս ասել ի սիրտս ձեր Տեառն։

ԱՌ ԿՈՂՈՍԱՑԻՍ ԹՈՒՂԹ 3:16

Զի բանն Քրիստոսի բնակեսցէ ի ձեզ առատապէս, ամենայն իմաստութեամբ ուսուցանել եւ խրատել զմիմեանս, սաղմոսիւք եւ օրհնութեամբք եւ երգովք հոգեւորօք՝ եւ շնորհօք օրհնել ի սիրտս ձեր զԱստուած։