ՄՆԱՑՈՐԴԱՑ ԱՌԱՋԻՆ 24:6 - Գրաբար Աստվածաշունչ (1895)

⁶ Եւ գրեաց զնոսա Սամէաս որդի Նաթանայելի, դպիր Ղեւտացւոցն յանդիման արքայի եւ իշխանացն, եւ Սադովկայ քահանայի եւ Աքիմելեքայ որդւոյ Աբիաթարայ եւ իշխանք տոհմից քահանայիցն եւ Ղեւտացւոցն ի տանէ ազգին իւրեանց, մի մի առ որդիսն Եղիազարու, եւ մի մի առ որդիսն Իթամարայ՝՝։

ՄՆԱՑՈՐԴԱՑ ԱՌԱՋԻՆ 24:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 4:3

Եղիարեփ եւ Աքիա որդիք Սիսայ՝ դպիրք, եւ Յովսափատ որդի Աքիղիդայ՝ ի վերայ յիշատակաց,

ՄՆԱՑՈՐԴԱՑ ԱՌԱՋԻՆ 18:16

եւ Սադովկ՝ որդի Աքիտովբայ, եւ Աբիմելէք՝ որդի Աբիաթարայ՝ քահանայք, եւ Սուսա՝ դպրապետ.

ՄՆԱՑՈՐԴԱՑ ԱՌԱՋԻՆ 23:24

Սոքա որդիք Ղեւեայ ըստ տանց տոհմից իւրեանց, իշխանք ցեղիցն իւրեանց, ըստ համարոյ իւրեանց եւ ըստ թուոյ անուանցն ըստ գլխոցն իւրեանց, առնէին զգործ պաշտաման ի տան Տեառն ի քսանամենից եւ ի վեր։

ՄՆԱՑՈՐԴԱՑ ԱՌԱՋԻՆ 24:31

Առին եւ նոքա վիճակս, որպէս եւ եղբարքն իւրեանց որդիքն Ահարոնի, առաջի թագաւորին. եւ Սադովկ եւ Աքիմելէք՝ յիշխանաց տոհմից քահանայիցն, եւ ի Ղեւտացւոցն ցեղքն՝ որք կացին իբրեւ զեղբարսն իւրեանց զկրտսերագոյնսն՝՝։

ՄՆԱՑՈՐԴԱՑ ԱՌԱՋԻՆ 24:7

Եւ ել վիճակն առաջին՝ Յարիբայ, եւ երկրորդն՝ Յադինայ,

ՄՆԱՑՈՐԴԱՑ ԵՐԿՐՈՐԴ 34:13

Եւ ի վերայ բեռնակրացն, եւ ի վերայ այնոցիկ որք առնէին զգործն եւ զպատրաստութիւն գործոյն, եւ ի Ղեւտացւոցն էին դպրապետք եւ դատաւորք եւ դռնապանք։

ԵԶՐ 7:6

այս Եզրա որ ել ի Բաբելոնէ. եւ սա էր գրիչ արագագիր օրինացն Մովսիսի զոր ետ Տէր Աստուած Իսրայելի. եւ ետ նմա թագաւորն զամենայն որ ինչ խնդրեաց ի նմանէ, զի ձեռն Տեառն Աստուծոյ էր ընդ նմա։

ԳԻՐՔ ՆԷԵՄԵԱՅ 8:1

Եւ ժողովեցան ամենայն ժողովուրդքն իբրեւ զայր մի ի հրապարակն առաջի դրան ջուրցն, եւ ասացին ցԵզրա գրիչ օրինացն Տեառն՝՝, զի բերցէ զօրէնսն Մովսիսի զոր հրամայեալ է Տեառն Աստուծոյ Իսրայելի։

Մատթեոսի Աւետարան 13:52

Եւ նա ասէ ցնոսա. Վասն այսորիկ ամենայն դպիր աշակերտեալ արքայութեան երկնից նման է առն տանուտեառն, որ հանէ ի գանձէ իւրմէ զնոր եւ զհին։

Մատթեոսի Աւետարան 8:19

Եւ մատուցեալ դպիր մի ասէ ցնա. Վարդապետ, եկից եւ ես զկնի քո, յոր վայր եւ երթիցես։

ԱՒԵՏԱՐԱՆ ԸՍՏ ՄԱՐԿՈՍԻ 2:26

Զիա՞րդ եմուտ ի տունն Աստուծոյ առ Աբիաթարաւ քահանայապետիւ, եւ զհացսն զառաջաւորութեան եկեր, եւ ետ եւ այնոցիկ որ ընդ նմայն էին, զոր ոչ էր օրէն ուտել, բայց միայն քահանայիցն։