ՄՆԱՑՈՐԴԱՑ ԱՌԱՋԻՆ 24:2 - Գրաբար Աստվածաշունչ (1895)

² Եւ մեռան Նադաբ եւ Աբիուդ առաջի հօրն իւրեանց. եւ որդիք ոչ գոյին նոցա. եւ քահանայացան Եղիազար եւ Իթամար որդիքն Ահարոնի՝՝։

ՄՆԱՑՈՐԴԱՑ ԱՌԱՋԻՆ 24:2 ပူးပေါင်းရင်းမြစ်များ

ԵԼՔ 24:1

Եւ ասէ ցՄովսէս. Ել առ Տէր, դու եւ Ահարոն եւ Նաբադ եւ Աբիուդ եւ եւթանասուն այր ի ծերոցն Իսրայելի, եւ երկիր պագցեն Տեառն՝՝ ի հեռաստանէ։

ԵԼՔ 24:9

Եւ ելին Մովսէս եւ Ահարոն եւ Նաբադ եւ Աբիուդ եւ եւթանասունք ի ծերոցն Իսրայելի,

ԵԼՔ 29:9

Եւ ածցես նոցա կամարս, Ահարոնի եւ որդւոց նորա, եւ ածցես նոցա ապարօշս. եւ եղիցի նոցա այն ինձ ի քահանայութիւն՝՝ յաւիտենական, եւ կատարեսցես զձեռս Ահարոնի եւ զձեռս որդւոց նորա։

ԵԼՔ 6:23

Եւ ա՛ռ Ահարոն զԵղիսաբէթ դուստր Ամինադաբայ զքոյր Նաասոնի իւր կնութեան, եւ ծնաւ նմա զՆաբադ եւ զԱբիուդ եւ զԵղիազար եւ զԻթամար։

ՂԵՒՏԱԿԱՆ 10:12

Եւ ասէ Մովսէս ցԱհարոն եւ ցԵղիազար եւ ցԻթամար ցորդիս նորա ցմնացեալս. Առէք զզոհն մնացեալ ի պտղոց անտի Տեառն, եւ կերայք բաղարջ առաջի սեղանոյն. զի սրբութիւն սրբութեանց է։

ՂԵՒՏԱԿԱՆ 10:2

Եւ ել հուր ի Տեառնէ եւ եկեր զնոսա, եւ մեռան առաջի Տեառն։

ԹԻՒՔ 18:7

Եւ դու եւ որդիք քո ընդ քեզ պահեսջիք զքահանայութիւն ձեր ըստ ամենայն պայմանի սեղանոյն, եւ զներքին կողմն վարագուրին, եւ պաշտեսջիք զպաշտօն քահանայութեան ձերոյ. եւ այլազգին որ մերձենայցէ՝ մեռցի։

ԹԻՒՔ 26:61

Եւ մեռան Նաբադ եւ Աբիուդ ի մատուցանել իւրեանց զհուրն օտար առաջի Տեառն յանապատին Սինայի՝՝։

ԹԻՒՔ 3:2

Եւ այս են անուանք որդւոցն Ահարոնի. անդրանիկ՝ Նաբադ եւ Աբիուդ եւ Եղիազար եւ Իթամար։

ԹԻՒՔ 3:4

Եւ վախճանեցան Նաբադ եւ Աբիուդ առաջի Տեառն՝ մինչ մատուցանէին զհուրն օտար առաջի Տեառն յանապատին Սինայի, եւ որդիք ոչ էին նոցա. եւ քահանայացան Եղիազար եւ Իթամար ընդ Ահարոնի ընդ հօրն իւրեանց։