ՄՆԱՑՈՐԴԱՑ ԱՌԱՋԻՆ 23:5 - Գրաբար Աստվածաշունչ (1895)

⁵ եւ չորք հազարք դռնապանք, եւ չորք հազարք օրհնիչք Տեառն՝ նուագարանօքն որովք արարին՝՝ օրհնել զՏէր։

ՄՆԱՑՈՐԴԱՑ ԱՌԱՋԻՆ 23:5 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 10:12

Եւ արար արքայ զփայտսն անտաշս մոյթս տանն Տեառն եւ տանն արքայի, եւ քնարս եւ տաւիղս երգեցողաց. եւ չէր եկեալ այնպիսի փայտ անտաշ յերկիրն՝՝, եւ ոչ երեւեցաւ ուրեք մինչեւ ցայսօր։

ԹԱԳԱՒՈՐՈՒԹԵԱՆՑ ՉՈՐՐՈՐԴ 7:10

Եւ մտին եւ աղաղակեցին առ դրան քաղաքին, եւ պատմեցին նոցա եւ ասեն. Մտաք ի բանակն Ասորւոց, եւ ոչ գոյր անդ այր եւ ոչ ձայն մարդոյ, բայց միայն ձիք կապեալք եւ էշք կապեալք, եւ վրանք նոցա նոյնպէս կան։

ՄՆԱՑՈՐԴԱՑ ԱՌԱՋԻՆ 16:38

Եւ Աբդեդովմ եւ եղբարք նորա վաթսուն եւ ութ. եւ Աբդեդովմ էր որդի Իդիթունայ, եւ Ովսեէ ի դռնապանսն։

ՄՆԱՑՈՐԴԱՑ ԱՌԱՋԻՆ 16:4

Եւ կարգեաց առաջի երեսաց տապանակին կտակարանացն Տեառն, ի Ղեւտացւոցն, պաշտօնեայս երգել ձայնիւ՝՝ եւ խոստովան լինել եւ օրհնել զՏէր Աստուած Իսրայելի.

ՄՆԱՑՈՐԴԱՑ ԱՌԱՋԻՆ 23:30

կալ առաւօտուց օրհնել եւ խոստովան լինել Տեառն, նոյնպէս եւ ընդ երեկս,

ՄՆԱՑՈՐԴԱՑ ԱՌԱՋԻՆ 9:33

Եւ սոքա սաղմոսանուագք, իշխանք տոհմիցն Ղեւտացւոց, կարգեալք ի սպաս աւուրցն. վասն զի ի տուէ եւ ի գիշերի էին ի գործն։

ՄՆԱՑՈՐԴԱՑ ԵՐԿՐՈՐԴ 20:28

եւ մտին յԵրուսաղէմ քնարօք եւ տաւղօք եւ փողովք ի տուն Տեառն։

ՄՆԱՑՈՐԴԱՑ ԵՐԿՐՈՐԴ 34:13

Եւ ի վերայ բեռնակրացն, եւ ի վերայ այնոցիկ որք առնէին զգործն եւ զպատրաստութիւն գործոյն, եւ ի Ղեւտացւոցն էին դպրապետք եւ դատաւորք եւ դռնապանք։

ՄՆԱՑՈՐԴԱՑ ԵՐԿՐՈՐԴ 35:15

Եւ սաղմոսանուագքն որդիք Ասափայ ի կարգին իւրեանց ըստ պատուիրանին Դաւթայ, եւ Ասափ եւ Եման եւ Իդիթուն՝ մարգարէք արքային, եւ իշխանք եւ՝ դռնապանք դրանն եւ դրան. եւ ոչ էր նոցա հնար շարժել՝՝ ի պաշտամանէ սրբութեանն. վասն զի եղբարք նոցա Ղեւտացիքն պատրաստեցին նոցա։

ՄՆԱՑՈՐԴԱՑ ԵՐԿՐՈՐԴ 8:14

Եւ կացոյց ըստ իրաւանցն Դաւթի զդասս քահանայիցն ըստ պաշտաման նոցա. եւ Ղեւտացիքն ի վերայ պահպանութեանն իւրեանց, օրհնել եւ պաշտել առաջի քահանայիցն ըստ օրինին օր ըստ օրէ. եւ դռնապանք ըստ որոշմանն իւրեանց ի դրունս դրունս. վասն զի այսպէս էր պատուիրանն Դաւթայ առնն Աստուծոյ։

ԵԶՐ 7:7

Եւ ելին ընդ նմա յորդւոցն Իսրայելի եւ ի քահանայից եւ յՂեւտացւոց, եւ յերգեցիկ պաշտօնէից եւ ի դռնապանաց եւ ի Նաթանայացւոցն՝ յԵրուսաղէմ. յամին եւթներորդի Արտաշիսի թագաւորի,

ԳԻՐՔ ՆԷԵՄԵԱՅ 7:73

Եւ նստան քահանայքն եւ Ղեւտացիքն եւ դռնապանքն եւ երգեցիկք սաղմոսասացքն, եւ ի ժողովրդենէն, եւ Նաթանիմացիքն, եւ ամենայն Իսրայէլ ի քաղաքս իւրեանց։ Եւ ժամանեաց եհաս ամիսն եւթներորդ, եւ էին որդիքն Իսրայելի ի քաղաքս իւրեանց։

ԳԻՐՔ ՍԱՂՄՈՍԱՑ 87:7

Եդիր զիս ի գբի ներքնումն, ի խաւարի եւ ի ստուերս մահու։

ՄԱՐԳԱՐԷՈՒԹԻՒՆ ԵՍԱՅԵԱՅ 64:10

եւ քաղաք սրբութեան քո Սիոն եղեւ աւերակ. իբրեւ զանապատ եղեւ Երուսաղէմ, յանէծս մատնեցաւ.

ՄԱՐԳԱՐԷՈՒԹԻՒՆ ԱՄՈՎՍԱՅ 6:5

որ կայթս հարկանէիք ընդդէմ սրնգաց. զորս իբրեւ հաստատունս համարեցայք, եւ ոչ անցաւորս.