ՄՆԱՑՈՐԴԱՑ ԱՌԱՋԻՆ 23:32 - Գրաբար Աստվածաշունչ (1895)

³² Եւ պահէին զպահպանութիւնս խորանին վկայութեան, եւ զպահպանութիւնս որդւոցն Ահարոնի եղբարցն իւրեանց պաշտել ի տանն Տեառն։

ՄՆԱՑՈՐԴԱՑ ԱՌԱՋԻՆ 23:32 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:4

Եւ հանին զտապանակն Տեառն եւ զխորանն վկայութեան, եւ զամենայն սպասն սրբութեան որ ի խորանին վկայութեան. եւ հանին զայն քահանայքն եւ Ղեւտացիք։

ՄՆԱՑՈՐԴԱՑ ԱՌԱՋԻՆ 9:27

Եւ բանակէին, վասն զի նոցա էր պահպանութիւնն. եւ նոքա էին ի վերայ բանալեացն, ընդ առաւօտս առաւօտս բանային զդրունս տաճարին՝՝։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:14

Եւ կարգեսցեն՝՝ զնոսա պահել զպահպանութիւնս տանն՝ յամենայն ի գործս նորա, եւ յամենայն ինչ զոր գործեսցեն անդ։

ԹԻՒՔ 1:53

Բայց Ղեւտացիքն բանակեսցին շուրջ զխորանաւն վկայութեան յանդիման Տեառն՝՝, եւ ոչ լինիցին մեղք ի մէջ որդւոցն Իսրայելի. եւ պահեսցեն Ղեւտացիքն զպահպանութիւն խորանին վկայութեան։

ԹԻՒՔ 18:5

Եւ պահեսջիք զպահպանութիւնս սրբութեանցն եւ զպահպանութիւնս սեղանոյն, եւ ոչ եւս լինիցի բարկութիւն յորդիսն Իսրայելի։

ԹԻՒՔ 3:38

Եւ որ բանակիցին յանդիման խորանին վկայութեան յարեւելից կողմանէ՝ Մովսէս եւ Ահարոն իցեն, եւ որդիք նորա պահեսցեն զպահպանութիւնս սրբութեանցն ի պահպանութիւնս որդւոցն Իսրայելի, եւ այլազգի որ մերձենայցէ՝ մեռցի։

ԹԻՒՔ 8:26

Եւ պաշտեսցէ եղբայր նորա՝՝ ի խորանին վկայութեան, պահել պահեսցէ զպահպանութիւնս, բայց գործ ինչ մի՛ գործեսցէ՝՝. այնպէս արասցես Ղեւտացւոցն ի պահպանութիւնս իւրեանց։

ԵՐԿՐՈՐԴՈՒՄՆ ՕՐԻՆԱՑ 18:7

պաշտել զանուն Տեառն Աստուծոյ իւրոյ, իբրեւ զամենայն եղբարսն իւր Ղեւտացիս որ կացցեն անդ առաջի Տեառն Աստուծոյ։