ՄՆԱՑՈՐԴԱՑ ԱՌԱՋԻՆ 23:13 - Գրաբար Աստվածաշունչ (1895)

¹³ Որդիք Ամրամայ՝ Ահարոն եւ Մովսէս. եւ որոշեցաւ Ահարոն սուրբ լինել ի սրբութիւնս սրբութեանցն՝ ինքն եւ որդիք իւր մինչեւ յաւիտեան, ծխել խունկս առաջի Տեառն, պաշտել եւ աղօթս առնել յանուն նորա մինչեւ յաւիտեան։

ՄՆԱՑՈՐԴԱՑ ԱՌԱՋԻՆ 23:13 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 23:12

Որդիք Կահաթու՝ Ամրամ եւ Իսահառ, Քեբրոն եւ Ոզիէլ՝ չորք։

ՄՆԱՑՈՐԴԱՑ ԱՌԱՋԻՆ 6:3

Եւ որդիք Ամրամայ՝ Ահարոն եւ Մովսէս եւ Մարիամ. եւ որդիք Ահարոնի՝ Նադաբ եւ Աբիուդ, Եղիազար եւ Իթամար։

ՄՆԱՑՈՐԴԱՑ ԱՌԱՋԻՆ 6:34

որդւոյ Եղկանայի, որդւոյ Յերոամայ. որդւոյ Եղիելի, որդւոյ Թովկեայ,

ԳԻՐՔ ՍԱՂՄՈՍԱՑ 106:16

Զի փշրեաց զդրունս պղնձիս, եւ զնիգս երկաթիս խորտակեաց։

ԵԼՔ 28:36

Եւ արասցես թիթեղն յոսկւոյ սրբոյ, եւ քանդակեսցես ի նմա քանդակ կնքոյ՝ ՍՐԲՈՒԹԻՒՆ ՏԵԱՌՆ։

ԵԼՔ 29:44

Եւ սրբեցից զխորան վկայութեանն եւ զսեղանն, եւ զԱհարոն եւ զորդիս նորա սրբեցից ինձ ի քահանայութիւն։

ԵԼՔ 6:20

Եւ ա՛ռ Ամրամ զՅովքաբէթ դուստր եղբօր՝՝ հօր իւրոյ իւր կնութեան, եւ ծնաւ նմա զԱհարոն, եւ զՄովսէս եւ զՄարիամ քոյր նոցա՝՝։ Եւ ամք կենաց Ամրամայ հարեւր երեսուն եւ եւթն ամ։

ՂԵՒՏԱԿԱՆ 10:10

զատանել ի մէջ սրբոց եւ պղծոց, եւ ի մէջ պարկեշտից եւ անպարկեշտից.

ԹԻՒՔ 18:1

Եւ խօսեցաւ Տէր ընդ Ահարոնի եւ ասէ. Դու եւ որդիք քո եւ տուն նահապետութեան քո ընդ քեզ՝ առնուցուք զմեղս սրբութեանցն. եւ դու եւ որդիք քո առնուցուք զմեղս քահանայութեան ձերոյ։

ԹԻՒՔ 26:59

Եւ անուն կնոջ նորա Յովքաբեթ՝ դուստր Ղեւեայ, որ ծնաւ զսոսա Ղեւեայ յԵգիպտոս. եւ ծնաւ Ամրամայ զԱհարոն, եւ զՄովսէս, եւ զՄարիամ քոյր նոցա։

ԹԻՒՔ 3:27

Եւ Կահաթու՝ գունդ մի Ամրամայ, եւ գունդ մի Իսահառայ, եւ գունդ մի Քեբրոնի, եւ գունդ մի Ոզիելի. սոքա են գունդք Կահաթու.

ԱՒԵՏԱՐԱՆ ԸՍՏ ՂՈՒԿԱՍՈՒ 1:9

ըստ օրինի քահանայութեանն եհաս նմա խունկ արկանել՝ մտեալ ի տաճարն Տեառն։

ԳՈՐԾՔ ԱՌԱՔԵԼՈՑ 13:2

Մինչդեռ ի պաշտաման Տեառն կային եւ պահէին, ասէ Հոգին Սուրբ. Որոշեցէք ինձ զԲառնաբաս եւ զՍաւղոս ի գործ յոր կոչեցեալ է իմ զդոսա։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 1:1

Պաւղոս, ծառայ Յիսուսի Քրիստոսի, կոչեցեալ առաքեալ, որոշեալ յաւետարանն Աստուծոյ.

ԱՌ ԳԱՂԱՏԱՑԻՍ ԹՈՒՂԹ 1:15

Այլ յորժամ կամեցաւ Աստուած (որոշեաց զիս յորովայնէ մօր իմոյ, եւ կոչեաց ի ձեռն շնորհաց իւրոց,)

ԵՐԿՐՈՐԴՈՒՄՆ ՕՐԻՆԱՑ 10:8

Յայնմ ժամանակի զատոյց Տէր զցեղն Ղեւեայ բառնալ զտապանակ ուխտին Տեառն, կալ առաջի Տեառն պաշտել եւ աղօթս մատուցանել՝՝ յանուն նորա մինչեւ ցայսօր։

ԵՐԿՐՈՐԴՈՒՄՆ ՕՐԻՆԱՑ 21:5

Եւ մատիցեն քահանայքն Ղեւտացիք, զի զնոսա ընտրեաց Տէր Աստուած քո կալ առաջի իւր եւ օրհնել յանուն նորա. եւ ըստ բերանոյ նոցա վճարեսցի ամենայն հակառակութիւն եւ ամենայն գրգռութիւն։

ԱՌ ԵԲՐԱՅԵՑԻՍ ԹՈՒՂԹ 5:4

Եւ ոչ եթէ անձամբ ոք առնու պատիւ, այլ կոչեցեալն յԱստուծոյ, որպէս եւ Ահարոն։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 8:3

Եւ այլ հրեշտակ եկն եւ եկաց առ սեղանն, եւ ունէր խնկանոց ոսկի, եւ տուաւ նմա խունկ բազում, զի մատուսցէ զաղօթս ամենայն սրբոց ի վերայ ոսկեղէն սեղանոյ առաջի աթոռոյն։

ԹԱԳԱՒՈՐՈՒԹԵԱՆՑ ԱՌԱՋԻՆ 2:28

եւ ընտրեցի զտուն հօր քո յամենայն գաւազանացն Իսրայելի քահանայանալ ինձ, ելանել առ սեղանն իմ, արկանել խունկս եւ կրել զեփուդն առաջի իմ. եւ ետու տան հօր քո զամենայն զառ ի հրոյն որդւոցն Իսրայելի ի կերակուր։