ՄՆԱՑՈՐԴԱՑ ԱՌԱՋԻՆ 22:19 - Գրաբար Աստվածաշունչ (1895)

¹⁹ Եւ արդ տուք զսիրտս ձեր եւ զանձինս ձեր խնդրել զՏէր Աստուած ձեր. արիք եւ շինեցէք զսրբութիւնս Տեառն Աստուծոյ մերոյ, տանել ի ներքս զտապանակ ուխտին Տեառն եւ զսպաս սրբութեանցն Աստուծոյ ի տունն զոր շինէք անուան Տեառն։

ՄՆԱՑՈՐԴԱՑ ԱՌԱՋԻՆ 22:19 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 5:3

Դու ինքնին գիտես զԴաւիթ զհայր իմ, զի ոչ կարաց շինել տուն անուան Տեառն Աստուծոյ իմոյ յերեսաց պատերազմաց որ շուրջ էին զնովաւ, մինչեւ տալ Տեառն զնոսա ընդ ոտիւք նորա։

ԹԱԳԱՒՈՐՈՒԹԵԱՆՑ ԵՐՐՈՐԴ 8:21

եւ եդի անդ տեղի տապանակին, որ է ուխտն Տեառն զոր ուխտեաց Տէր ընդ հարսն մեր, ի հանել նորա զնոսա յերկրէն Եգիպտացւոց։

ԹԱԳԱՒՈՐՈՒԹԵԱՆՑ ԵՐՐՈՐԴ 8:6

Եւ տարան ի ներքս քահանայքն զտապանակ ուխտին Տեառն ի տեղի իւր, ի դաբիր տանն, սրբութեան սրբութեանցն՝ ընդ թեւովք քերովբէիցն.

ՄՆԱՑՈՐԴԱՑ ԱՌԱՋԻՆ 16:10

Օրհնեցէք զանուն սուրբ նորա. ուրախ լիցի սիրտ՝ որ խնդրէ զհաճոյս նորա՝՝։

ՄՆԱՑՈՐԴԱՑ ԱՌԱՋԻՆ 16:11

Խնդրեցէք զՏէր եւ հզօրք եղիջիք՝՝, խնդրեցէք զերեսս նորա յամենայն ժամ։

ՄՆԱՑՈՐԴԱՑ ԱՌԱՋԻՆ 22:16

ոսկւոյն եւ արծաթոյ եւ պղնձոյ եւ երկաթոյ, որոյ ոչ գոյ համար. արդ արի եւ արա, վասն զի Տէր ընդ քեզ է։

ՄՆԱՑՈՐԴԱՑ ԱՌԱՋԻՆ 22:7

Եւ ասէ Դաւիթ ցՍողոմոն. Որդեակ, իմ եղեւ ի մտի շինել տուն անուան Տեառն Աստուծոյ.

ՄՆԱՑՈՐԴԱՑ ԱՌԱՋԻՆ 28:9

Եւ դու, Սողոմոն որդի իմ, ծանիր զԱստուած հարցն քոց՝՝, եւ ծառայեա նմա կատարեալ սրտիւ, եւ մտօք կամաց քոց. վասն զի զամենայն սիրտս քննէ Տէր եւ զամենայն խորհուրդս ճանաչէ. եթէ խնդրեսցես զնա՝ գտցի քեզ, եւ եթէ թողցես զնա՝ լքցէ զքեզ ի սպառ։

ՄՆԱՑՈՐԴԱՑ ԵՐԿՐՈՐԴ 20:3

Եւ երկեաւ, եւ ետ Յովսափատ զերեսս իւր խնդրել զՏէր, եւ քարոզեաց պահս յամենայն Յուդայ։

ՄՆԱՑՈՐԴԱՑ ԵՐԿՐՈՐԴ 5:7

Եւ տարան ի ներքս Ղեւտացիքն զտապանակ ուխտին Տեառն ի տեղին իւր՝ ի դաբիր տանն ի սրբութիւն սրբութեանցն, ի ներքոյ թեւոց քերովբէիցն։

ՄՆԱՑՈՐԴԱՑ ԵՐԿՐՈՐԴ 6:11

Եւ եդի աստ զտապանակ ուխտին զոր ուխտեաց ընդ որդիսն Իսրայելի։

ԳԻՐՔ ՍԱՂՄՈՍԱՑ 119:2

Տէր, փրկեա զանձն իմ ի շրթանց նենգաւորաց եւ ի լեզուէ չարէ։

ԳԻՐՔ ՍԱՂՄՈՍԱՑ 14:2

Որ գնայ ամբիծ, գործէ զարդարութիւն, խօսի զճշմարտութիւն ի սրտի իւրում.

ԳԻՐՔ ՍԱՂՄՈՍԱՑ 27:4

Տուր նոցա, Տէր, ըստ գործոց նոցա, ըստ անօրէնութեան գնացից նոցա հատո նոցա. ըստ գործոց ձեռաց նոցա հատո նոցա՝ զհատուցումն նոցա նոցին։

ԵԼՔ 25:8

Եւ արասցես ինձ սրբութիւն, եւ երեւեցայց ի ձեզ։

ՄԱՐԳԱՐԷՈՒԹԻՒՆ ԵՍԱՅԵԱՅ 60:1

Լուսաւորեաց, լուսաւորեաց, Երուսաղէմ՝՝, զի հասեալ է լոյս քո, եւ փառք Տեառն ի վերայ քո ծագեսցեն։

ՄԱՐԳԱՐԷՈՒԹԻՒՆ ԵՐԵՄԵԱՅ 29:13

Եւ խնդրեսջիք զիս եւ գտջիք. զի խնդրիցէք զիս յամենայն սրտէ ձերմէ.

ՄԱՐԳԱՐԷՈՒԹԻՒՆ ԱՆԳԵԱՅ 1:5

Եւ արդ այսպէս ասէ Տէր ամենակալ. Կարգեցէք զսիրտս ձեր ի ճանապարհս ձեր։

ՄԱՐԳԱՐԷՈՒԹԻՒՆ ԱՆԳԵԱՅ 1:8

Ելէք ի լեառն, հարէք փայտ եւ շինեցէք զտունդ. եւ հաճեցայց դովաւ եւ փառաւորեցայց, ասէ Տէր։

ԳՈՐԾՔ ԱՌԱՔԵԼՈՑ 11:23

որ իբրեւ եկն եւ ետես զշնորհսն Աստուծոյ, ուրախ եղեւ, եւ մխիթարէր զամենեսեան յօժարութեամբ սրտի կալ նոցա ի Տէր։

ԳՈՐԾՔ ԱՌԱՔԵԼՈՑ 22:16

Եւ արդ զի՞ հեղգաս, արի, մկրտեաց եւ լուա զմեղս քո ի կարդալ զանուն նորա։

ԵՐԿՐՈՐԴՈՒՄՆ ՕՐԻՆԱՑ 4:29

Եւ խնդրիցէք անդ զՏէր Աստուած ձեր, եւ գտանիցէք յորժամ խնդրիցէք զնա յամենայն սրտէ ձերմէ եւ յամենայն անձնէ ձերմէ։