ՄՆԱՑՈՐԴԱՑ ԱՌԱՋԻՆ 22:16 - Գրաբար Աստվածաշունչ (1895)

¹⁶ ոսկւոյն եւ արծաթոյ եւ պղնձոյ եւ երկաթոյ, որոյ ոչ գոյ համար. արդ արի եւ արա, վասն զի Տէր ընդ քեզ է։

ՄՆԱՑՈՐԴԱՑ ԱՌԱՋԻՆ 22:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 2:2

Ես երթամ զճանապարհ ամենայն երկրի. եւ դու զօրասցիս եւ եղիցես յայր.

ԹԱԳԱՒՈՐՈՒԹԵԱՆՑ ԵՐՐՈՐԴ 7:47

Եւ ետ արքայ Սողոմոն յամենայն կահն, քանզի կարի յոյժ էր բազմութեամբ եւ ոչ գոյր թիւ պղնձոյն։

ՄՆԱՑՈՐԴԱՑ ԱՌԱՋԻՆ 22:11

Եւ արդ, որդեակ իմ, եղիցի ընդ քեզ Տէր եւ յաջողեսցէ, եւ շինեսցես տուն Տեառն Աստուծոյ քո, որպէս խօսեցաւ վասն քո։

ՄՆԱՑՈՐԴԱՑ ԱՌԱՋԻՆ 22:14

Եւ ահա ես ըստ աղքատութեան իմում պատրաստեցի ի տուն Տեառն ոսկի տաղանդս հարեւր հազար, եւ արծաթ տաղանդս հազար հազար, եւ պղինձ եւ երկաթ որոյ ոչ գոյ թիւ, վասն զի բազում է յոյժ, եւ փայտ եւ քարինս պատրաստեցի, եւ դու յաւելցես յայդ բազմութեամբ՝

ՄՆԱՑՈՐԴԱՑ ԱՌԱՋԻՆ 22:15

առնել գործ արուեստից՝՝, շինօղս քարանց եւ հիւսունս փայտից, եւ ամենայն իմաստուն՝ յամենայն գործս

ՄՆԱՑՈՐԴԱՑ ԱՌԱՋԻՆ 22:3

Եւ երկաթ բազում ի բեւեռս դրացն եւ դրանն, եւ զշրջանակսն արար՝՝ Դաւիթ, եւ պղինձ բազում յոյժ որոյ ոչ գոյր կշիռ.

ՄՆԱՑՈՐԴԱՑ ԱՌԱՋԻՆ 28:10

Տես այժմ, զի Տէր ընտրեաց զքեզ շինել նմա տուն ի սրբութիւն. զօրացիր եւ արա։

ՄՆԱՑՈՐԴԱՑ ԱՌԱՋԻՆ 29:2

Ըստ ամենայն զօրութեան իմոյ պատրաստեցի նիւթս տանն Աստուծոյ իմոյ, ոսկի եւ արծաթ, պղինձ եւ երկաթ, փայտս եւ քարինս անկեանց եւ կամարաց, եւ քարինս ընտիրս եւ ականս պատուականս, եւ այլ պատրաստութիւն բազում։

ՄՆԱՑՈՐԴԱՑ ԵՐԿՐՈՐԴ 1:1

Եւ զօրացաւ Սողոմոն որդի Դաւթի ի թագաւորութեանն իւրում, եւ Տէր Աստուած իւր ընդ նմա էր, եւ մեծացոյց զնա ի բարձրութիւն։

ՄՆԱՑՈՐԴԱՑ ԵՐԿՐՈՐԴ 20:17

Ոչ է ձեր պատերազմել անդ. իմասջիք եւ տեսջիք զփրկութիւն Տեառն որ է ընդ ձեզ, Յուդա եւ Երուսաղէմ. մի՛ երկնչիք եւ մի՛ զարհուրիք վաղիւ իջանել ընդ առաջ նոցա, զի Տէր է ընդ ձեզ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:58

Այսուհետեւ, եղբարք իմ սիրելիք, հաստատուն եղերուք, անշարժ կացէք, առաւել լերուք ի գործ Տեառն յամենայն ժամ. գիտասջիք զի վաստակքն ձեր ոչ են ընդունայն առաջի Տեառն։

ԱՌ ԵՓԵՍԱՑԻՍ ԹՈՒՂԹ 5:14

Վասն որոյ եւ ասէ. Արի որ ննջեսդ, եւ կանգնեաց ի մեռելոց, եւ լուսատու լիցի քեզ Քրիստոս։

ԱՌ ՓԻԼԻՊԵՑԻՍ ԹՈՒՂԹ 4:13

Յամենայնի կարօղ եմ այնու որ զօրացոյցն զիս։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:2

Մովսէս ծառայ իմ վախճանեցաւ. արդ յարուցեալ անցցես ընդ այդ Յորդանան դու եւ ամենայն ժողովուրդ քո՝՝ յերկիրն զոր ես տաց որդւոցն Իսրայելի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:5

Եւ ոչ ոք կացցէ ընդդէմ ձեր զամենայն աւուրս կենաց քոց. եւ որպէս էի ընդ Մովսիսի, նոյնպէս եղէց եւ ընդ քեզ. եւ ոչ թողից զքեզ եւ ոչ անտես արարից զքեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:9

Ահա պատուիրեմ քեզ. զօրացիր եւ քաջ լեր. մի՛ զանգիտիցես եւ մի՛ երկնչիցիս, զի ընդ քեզ է Տէր Աստուած քո յամենայն տեղիս ուր եւ երթայցես։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 7:10

Եւ ասէ Տէր ցՅեսու. Յոտն կաց, զի՞ անկեալ կաս ի վերայ երեսաց քոց.

ԴԱՏԱՒՈՐՔ 4:14

Եւ ասէ Դեբովրա ցԲարակ. Արի, զի այս օր է՝ յորում մատնեաց Տէր զՍիսարա ի ձեռս քո. զի ահա Տէր է առաջի քո։ Եւ էջ Բարակ ի լեռնէն Թաբովրայ, եւ տասն հազար արանց զհետ նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 17:37

Եւ ասէ Դաւիթ. Տէր Աստուած որ ապրեցոյց զիս ի ձեռաց առիւծուն, եւ ի ձեռաց արջոյն, նոյն ապրեցուսցէ զիս ի ձեռաց այլազգւոյն անթլփատին այնորիկ։ Եւ ասէ Սաւուղ. Երթ, եւ Տէր եղիցի ընդ քեզ։

ԹԱԳԱՒՈՐՈՒԹԵԱՆՑ ԱՌԱՋԻՆ 20:13

Օն եւ օն արասցէ Տէր Յովնաթանու, եւ օն եւ օն յաւելցէ, եթէ ոչ քննեցից զչարութիւնն՝՝ վասն քո, եւ յայտնեցից յունկն քո. եւ արձակեցից զքեզ եւ երթիցես ի խաղաղութիւն, եւ եղիցի Տէր ընդ քեզ՝ որպէս էր ընդ հօր իմում։