ՄՆԱՑՈՐԴԱՑ ԱՌԱՋԻՆ 22:13 - Գրաբար Աստվածաշունչ (1895)

¹³ Եւ յայնժամ յաջողեսցիս, եթէ պահեսցես առնել զհրամանս եւ զիրաւունս զոր պատուիրեաց Տէր Մովսիսի ի վերայ Իսրայելի. քաջ լեր եւ զօրացիր. մի՛ երկիցես եւ մի՛ զարհուրիցիս։

ՄՆԱՑՈՐԴԱՑ ԱՌԱՋԻՆ 22:13 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 2:2

Ես երթամ զճանապարհ ամենայն երկրի. եւ դու զօրասցիս եւ եղիցես յայր.

ԹԱԳԱՒՈՐՈՒԹԵԱՆՑ ԵՐՐՈՐԴ 2:3

եւ պահեսցես զպահպանութիւնս Տեառն Աստուծոյ քո, գնալ ի ճանապարհս նորա եւ պահել զպատուիրանս նորա եւ զիրաւունս եւ զդատաստանս եւ զվկայութիւնս նորա, զգրեալս յօրէնս Մովսիսի. զի ի միտ առնուցուս զոր առնիցես, ըստ ամենայնի զոր պատուիրեմ քեզ՝՝։

ՄՆԱՑՈՐԴԱՑ ԱՌԱՋԻՆ 28:10

Տես այժմ, զի Տէր ընտրեաց զքեզ շինել նմա տուն ի սրբութիւն. զօրացիր եւ արա։

ՄՆԱՑՈՐԴԱՑ ԱՌԱՋԻՆ 28:20

Եւ ասէ Դաւիթ ցՍողոմոն որդի իւր. Զօրացիր եւ քաջ լեր, արա եւ մի՛ երկիցես եւ մի՛ զարհուրեսցիս. վասն զի Տէր Աստուած իմ է ընդ քեզ. ոչ թողցէ զքեզ եւ ոչ լքցէ՝ մինչեւ կատարեսցես զամենայն գործ սպասու տանն Տեառն։ Եւ ահա այդ է օրինակ տաճարին եւ սենեկաց նորա եւ սրահից նորա եւ վերնատանցն եւ շտեմարանացն, ներքնատանցն եւ տանն քաւութեան. եւ օրինակ տաճարին Տեառն այդ է՝՝,

ՄՆԱՑՈՐԴԱՑ ԱՌԱՋԻՆ 28:7

եւ ուղղեցից զթագաւորութիւն նորա մինչեւ յաւիտեան, եթէ զօրասցի պահել զպատուիրանս իմ եւ զիրաւունս իմ իբրեւ յաւուրս յայսմիկ։

ՄՆԱՑՈՐԴԱՑ ԵՐԿՐՈՐԴ 14:6

եւ խաղաղացան քաղաքք պարսպաւորք՝՝ յերկրին Յուդայ. վասն զի խաղաղացաւ երկիրն, եւ ոչ գոյր ուստեք նմա պատերազմ յամսն յայնոսիկ. վասն զի հանգոյց զնա Տէր.

ՄՆԱՑՈՐԴԱՑ ԵՐԿՐՈՐԴ 20:20

Եւ կանխեցին ընդ առաւօտս ելին յանապատն Թեկուայ. եւ յելանելն իւրեանց եկաց Յովսափատ գոչեաց եւ ասէ. Լուարուք ինձ, Յուդաս եւ բնակիչք Երուսաղեմի. հաւատացէք Տեառն Աստուծոյ մերում, եւ հաւատասցի ձեզ. հաւատացէք մարգարէից նորա, եւ յաջողեսցի ձեզ։

ՄՆԱՑՈՐԴԱՑ ԵՐԿՐՈՐԴ 26:5

Եւ խնդրեաց զՏէր յաւուրս Զաքարեայ իմաստնոյ երկիւղիւ Տեառն. յաւուրս նորա՝՝ խնդրեաց նա զՏէր, յաջողեաց նմա Տէր։

ՄՆԱՑՈՐԴԱՑ ԵՐԿՐՈՐԴ 32:7

Զօրացարուք եւ քաջ լերուք, մի՛ երկնչիք յերեսաց թագաւորին Ասորեստանեայց, եւ մի՛ յերեսաց ամենայն ազգացն որ ընդ նմա. վասն զի ընդ մեզ բազումք են քան ընդ նմա։

ԳԻՐՔ ՍԱՂՄՈՍԱՑ 1:3

Եւ եղիցի նա որպէս ծառ որ տնկեալ է ի գնացս ջուրց, որ զպտուղ իւր ի ժամու տացէ, եւ տերեւ նորա մի՛ թափեսցի. եւ զամենայն զոր ինչ արասցէ՝ յաջողեսցի նմա։

ԳԻՐՔ ՍԱՂՄՈՍԱՑ 119:6

Բազում անգամ բնակեաց անձն իմ ընդ այնոսիկ ոյք ատէին զողջոյն։

ԳԻՐՔ ՍԱՂՄՈՍԱՑ 72:1

Իբրեւ զի՛ բարի է Աստուած՝ Իսրայելի, եւ ոյք ուղիղ են սրտիւք։

ՄԱՐԳԱՐԷՈՒԹԻՒՆ ԱՆԳԵԱՅ 2:4

Եւ արդ զօրացիր դու, Զորաբաբէլ, ասէ Տէր, եւ զօրացիր, Յեսու Յովսեդեկեայ քահանայ մեծ, եւ զօրասցի ամենայն ժողովուրդ երկրիդ, ասէ Տէր, եւ գործեցէք զի ես ընդ ձեզ եմ, ասէ Տէր ամենակալ։

ՄԱՐԳԱՐԷՈՒԹԻՒՆ ԶԱՔԱՐԵԱՅ 8:9

Այսպէս ասէ Տէր ամենակալ. Զօրասցին ձեռք ձեր որ լսէքդ յաւուրս յայսոսիկ զբանս զայս ի բերանոյ մարգարէիցն, յօրէ յորմէ արկէք հիմն տան Տեառն ամենակալի, եւ տաճարս յորմէ հետէ շինեցաւ։

Մատթեոսի Աւետարան 3:15

Պատասխանի ետ Յիսուս եւ ասէ ցնա. Թոյլ տուր այժմ, զի այսպէս վայել է մեզ լնուլ զամենայն արդարութիւնս։ Եւ ապա թոյլ ետ նմա։

ԳՈՐԾՔ ԱՌԱՔԵԼՈՑ 13:22

Եւ իբրեւ փոխեաց զնա, յարոյց նոցա զԴաւիթ թագաւոր, որում եւ ասաց վկայութեամբ. Գտի զԴաւիթ որդի Յեսսեայ այր ըստ սրտի իմում, որ արասցէ զամենայն զկամս իմ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 16:13

Հսկեցէք, հաստատուն կացէք ի հաւատս, ժրացարուք, զօրացարուք։

ԱՌ ԳԱՂԱՏԱՑԻՍ ԹՈՒՂԹ 6:2

Զմիմեանց բեռն բարձէք, եւ այնպէս կատարեցէք զօրէնսն Քրիստոսի։

ԱՌ ԵՓԵՍԱՑԻՍ ԹՈՒՂԹ 6:10

Այսուհետեւ զօրացարուք Տերամբ եւ կարողութեամբ զօրութեան նորա։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:1

Այլ դու, որդեակ իմ, զօրացիր շնորհօքն որ ի Քրիստոս Յիսուս։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 2:8

Ապա թէ զօրէնսն կատարիցէք զարքունականս ըստ Գրոց, եթէ՝ Սիրեսցես զընկեր քո իբրեւ զանձն քո, բարւոք առնէք։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:18

Եւ այր որ անհնազանդ լիցի քեզ եւ ոչ լսիցէ բանից քոց, որպէս ինչ հրաման տացես նմա, մեռցի. բայց միայն զօրացիր եւ քաջ լեր։