ՄՆԱՑՈՐԴԱՑ ԱՌԱՋԻՆ 20:5 - Գրաբար Աստվածաշունչ (1895)

⁵ Եւ եղեւ դարձեալ պատերազմ ընդ այլազգիսն, եւ եհար Եղէանան որդի Յայիրայ զՂէեմի զեղբայրն Գողիադու Գեթացւոյ. եւ փայտ նիզակի նորա իբրեւ զստորի ոստայնանկաց։

ՄՆԱՑՈՐԴԱՑ ԱՌԱՋԻՆ 20:5 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 21:19

Եւ եղեւ միւսանգամ պատերազմ յՌովբ ընդ այլազգիսն. եւ եհար Եղէանան որդի Արիովդիմայ Բեթղեհեմացւոյ զԳողիադ Գեթացի, եւ փայտ նիզակի նորա իբրեւ ստորի ոստայնանկաց։

ՄՆԱՑՈՐԴԱՑ ԱՌԱՋԻՆ 11:23

Նա եհար զայրն Եգիպտացի զայր երեւելի հինգկանգնեան, եւ ի ձեռն Եգիպտացւոյն նիզակ իբրեւ զստորի ոստայնանկաց. եւ էջ առ նա Բանեա բրաւ, եւ եհան ի ձեռանէ Եգիպտացւոյն զնիզակն, եւ սպան զնա նիզակաւն նորին։

ՄՆԱՑՈՐԴԱՑ ԱՌԱՋԻՆ 20:6

Եւ եղեւ դարձեալ պատերազմ ի Գէթ. եւ էր այր ոմն մեծ յոյժ, եւ մատունք նորա վեց վեց՝ քսան եւ չորք. եւ նա էր յորդւոց սկայիցն։

ԹԱԳԱՒՈՐՈՒԹԵԱՆՑ ԱՌԱՋԻՆ 17:4

Եւ ել այր զօրաւոր ի ճակատէ այլազգեացն, Գողիադ անուն նորա ի Գեթայ. բարձրութիւն նորա վեց կանգուն եւ թզաւ,

ԹԱԳԱՒՈՐՈՒԹԵԱՆՑ ԱՌԱՋԻՆ 17:7

Եւ բուն գեղարդեան նորա իբրեւ զստորի ոստայնանկաց, եւ տէգ նորա ի վեց հարեւր սկեղէ երկաթոյ. եւ զինակիր նորա առաջի նորա երթայր։

ԹԱԳԱՒՈՐՈՒԹԵԱՆՑ ԱՌԱՋԻՆ 21:9

Եւ ասէ քահանայն. Ահա սուսերն Գողիադու այլազգւոյ Փղշտացւոյ զոր սպաներ ի հովիտսն Եղայ. եւ այն պատեալ կայ ձորձով յետոյ վակասին. եթէ զայն առնուս ընդ քեզ՝ ա՛ռ, զի ոչ գոյ աստ բաց յայնմանէ։ Եւ ասէ Դաւիթ. Չիք իբրեւ զնա, տուր ցիս զայն։ Եւ ետ նմա զայն։

ԹԱԳԱՒՈՐՈՒԹԵԱՆՑ ԱՌԱՋԻՆ 22:10

եւ հարցանէր նա նմա ի Տեառնէ, եւ ետ նմա պաշար, եւ զսուսերն Գողիադու այլազգւոյ ետ նմա։