ՄՆԱՑՈՐԴԱՑ ԱՌԱՋԻՆ 19:7 - Գրաբար Աստվածաշունչ (1895)

⁷ Եւ ի վարձու կալան իւրեանց երեսուն եւ երկու հազարս կառաց, եւ զարքայն Մաաքայ եւ զզօրն նորա, եւ եկին բանակեցան յանդիման Մեդաբայ. եւ որդիքն Ամոնայ ժողովեցան ի քաղաքացն իւրեանց, եւ եկին պատերազմել։

ՄՆԱՑՈՐԴԱՑ ԱՌԱՋԻՆ 19:7 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 10:6

Եւ տեսին որդիքն Ամոնայ եթէ ամօթ արարին ժողովրդեանն՝՝ Դաւթի, առաքեցին որդիքն Ամոնայ եւ ի վարձու կալան զԱսորիս Ռովբայ եւ զԱսորիս Սուբայ քսան հազար հետեւակաց, եւ զարքայն Ամաղեկայ հազար արամբք, եւ ի Ստովբայ երկոտասան հազար արանց։

ՄՆԱՑՈՐԴԱՑ ԱՌԱՋԻՆ 18:4

Եւ ա՛ռ Դաւիթ զնորա հազար կառս եւ եւթն հազար ձիոց եւ քսան հազար արանց հետեւակաց. եւ քակեաց Դաւիթ զամենայն զկառսն, եւ եթող ի նոցանէ հարեւր կառս։

ՄՆԱՑՈՐԴԱՑ ԱՌԱՋԻՆ 19:8

Լուաւ Դաւիթ, եւ առաքեաց զՅովաբ եւ զգունդ զօրաւորացն։

ՄՆԱՑՈՐԴԱՑ ԵՐԿՐՈՐԴ 14:9

Եւ ել ի վերայ նոցա Զարեհ Եթէովպացի զօրութեամբ հազար հազարօք եւ երեք հարեւր կառօք, եւ եկն մինչեւ ի Մարիսա։

ԵԼՔ 14:9

Եւ պնդեցան Եգիպտացիքն զհետ նոցա, եւ գտին զնոսա բանակեալս առ ծովեզերբն. եւ ամենայն երիվարք եւ կառք փարաւոնի եւ հեծեալք նորա եւ զօրք նորա յանդիման Հանգրուանին, հանդէպ Բեէղսեպփովնայ։

ՄԱՐԳԱՐԷՈՒԹԻՒՆ ԵՍԱՅԵԱՅ 15:2

Սուգ առէք յանձինս, զի կորեաւ Գեդեբոն՝ տեղի մեհենին ձերոյ. անդր ելանիցէք լալ ի Նաբաւ Մովաբացւոց։ Ողբացէք՝ զի ամենայն գլուխ ի կնդութիւն, եւ ամենայն բազուկք խորտակեալք։՝՝

ԹԻՒՔ 21:30

եւ զաւակ նոցա սատակեսցի յԵսեբոնէ մինչեւ ցԴեբոն. եւ կանայք նոցա բորբոքեցան հրով ի վերայ Մովաբու՝՝։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:16

եւ եղեն սահմանք նոցա յԱրոյերայ որ կայ յանդիման ձորոյն Առնովնայ, եւ քաղաքն ի ձորն Առնովնայ, եւ ամենայն Միսովր.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:9

յԱրոյերայ որ է առ եզերբ հեղեղատին Առնովնայ, եւ զքաղաքն որ է ի մէջ ձորոյն, եւ զամենայն Միսովր, ի Մեդաբայ մինչեւ ցԴեբոն,

ԴԱՏԱՒՈՐՔ 4:3

Եւ աղաղակեցին որդիքն Իսրայելի առ Տէր. զի ինն հարեւր կառք երկաթիք էին նորա, եւ նա նեղէր զԻսրայէլ սաստիկ ամս քսան։

ԹԱԳԱՒՈՐՈՒԹԵԱՆՑ ԱՌԱՋԻՆ 13:5

Եւ այլազգիքն ժողովեալ էին ի պատերազմ ընդ Իսրայելի. եւ ելին ի վերայ Իսրայելի երեսուն հազար կառաց եւ վեց հազար հեծելոց, եւ ժողովուրդն իբրեւ զաւազ առ եզերբ ծովու բազմութեամբ. ելին եւ բանակեցան ի Մաքմաս, յանդիման Բեթորովնայ ընդ հարաւ՝՝։